ព័ត៌មានជាតិ
នាយករដ្ឋមន្ត្រី បញ្ជាក់ថា ការដាក់ចេញគោលនយោបាយ គឺដើម្បីផលប្រយោជន៍ពលរដ្ឋ មិនមែនសម្រាប់ធ្វើយានអវកាសទេ
សម្ដេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានគូសបញ្ជាក់ថា រាជរដ្ឋាភិបាលកម្ពុជា ដាក់ចេញគោលនយោបាយ ហើយដែលក្រសួង-ស្ថាប័ននីមួយៗ បាននិងកំពុងអនុវត្តគឺដើម្បីបម្រើឲ្យផលប្រយោជន៍ប្រជាពលរដ្ឋ ដោយរាជរដ្ឋាភិបាលមិនរៀបចំគោលនយោបាយធ្វើយានអវកាស ដើម្បីទៅឋានព្រះចន្ទនោះទេ។ ការគូសបញ្ជាក់នេះ បានធ្វើឡើងក្នុងពិធីបិទសន្និបាតបូកសរុបការងាររបស់ក្រសួងអភិវឌ្ឍន៍ជនបទ នៅរសៀលថ្ងៃទី ២០ ខែមីនា ឆ្នាំ ២០២៤នេះ។
![](https://www.kampucheathmey.com/wp-content/uploads/2024/03/009-21-1024x614.png)
នៅក្នុងពិធីនេះសម្ដេចធិបតី ហ៊ុន ម៉ាណែត បានថ្លែងថា «ម្សិលមិញខ្ញុំទៅបិទសន្និបាតសុខាភិបាល នៅក្នុងនោះខ្ញុំបានយកឃ្លីបមួយ ដែលខ្ញុំនិយាយអំពីសមិទ្ធផលសុខាភិបាល និងគោលនយោបាយ ដែលយើងត្រូវដាក់ចេញទៅទៀត ពីការអភិវឌ្ឍកសាង និងពង្រឹងមណ្ឌលសុខភាព រួមទាំងការកសាងពីថ្នាក់ជាតិចុះទៅពេទ្យតំបន់ សមិទ្ធផលផ្សេងៗដែលយើងបានទទួលបាន យើងធ្វើបាន យើងទើបសម្ពោធពេទ្យថ្មីៗរុញបន្ថែមទៀត បូកជាមួយនឹងផែនការដែលយើងកំពុងតែធ្វើបន្តទៅទៀត ស្រាប់តែមានប្អូនស្រីម្នាក់គាត់ចូលមកថា នាយករដ្ឋមន្ត្រីមួយថ្ងៃៗ ឃើញតែដើរដាក់គោលនយោបាយ អត់មានធ្វើអីសម្រាប់ប្រជាជនសោះ…អត់បានធ្វើអីដែលប្រជាជនចង់បានសោះ ខ្ញុំថា ហ្អាករួចអាដាក់ធ្វើពេទ្យហ្នឹង មិនសម្រាប់ពីណាហ្នឹង!»។
សម្ដេចនាយករដ្ឋមន្ត្រី បានបញ្ជាក់ថា រាជរដ្ឋាភិបាល មិនរៀបចំគោលនយោបាយធ្វើយានអវកាស ដើម្បីទៅឋានព្រះចន្ទនោះទេ តែរៀបចំគោលនយោបាយសម្រាប់បម្រើឲ្យផលប្រយោជន៍ប្រជាពលរដ្ឋ។ សម្ដេចធិបតី ហ៊ុន ម៉ាណែត បានថ្លែងបន្ថែមថា «ហើយថ្ងៃនេះ បើមើលទៅ(របាយការណ៍ ធ្វើទាំងបង្គន់ជូនប្រជាពលរដ្ឋទៀត ចឹងបើថារដ្ឋាភិបាលមិនបូកសរុប ហើយនិងដាក់ទិសដៅដើម្បីធ្វើអានេះទេ ធ្វើដើម្បីអ្នកណាធ្វើដើម្បីប្រជាពលរដ្ឋ សូម្បីតែរបាយការណ៍បង្គន់ជាង ២លានកន្លះតាមផ្ទះជូនគ្រួសារនីមួយៗ បូកនឹងបង្គន់សាធារណៈជាង ១ម៉ឺនខ្នងទៀត គឺដើម្បីប្រជាពលរដ្ឋ»។
ប្រមុខរាជរដ្ឋាភិបាល បានលើកឡើងថា តម្រូវការរបស់ប្រជាពលរដ្ឋមិនមែនតែមួយផ្នែក ឬមួយវិស័យណាមួយនោះទេ គឺមានផ្នែក និងវិស័យច្រើន ដូចជា៖ អប់រំ, សុខាភិបាល, អនាម័យ, បរិស្ថាន និងទឹកស្អាត ជាដើម។ សម្ដេចធិបតី ហ៊ុន ម៉ាណែត បានបញ្ជាក់ថា អ្វីដែលរាជរដ្ឋាភិបាលបានដាក់ចេញនូវគោលនយោបាយ ហើយក្រសួង-ស្ថាប័ននីមួយៗ បាននិងកំពុងអនុវត្តគឺដើម្បីផលប្រយោជន៍សម្រាប់ប្រជាពលរដ្ឋ ជាពិសេសប្រជាពលរដ្ឋនៅមូលដ្ឋានតែម្ដង៕
-
សន្តិសុខសង្គម៤ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+៧ ថ្ងៃ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៤ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៤ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៤ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+១ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ