តារាសម្តែង Lee Seo Yi ទទួលមរណភាព ក្នុងអាយុ ៤៣ឆ្នាំ

តារាសម្តែង Lee Seo Yi បានទទួលមរណភាពក្នុងអាយុ ៤៣ ឆ្នាំ។ ដំណឹងនេះត្រូវបានលាតត្រដាងកាលពីថ្ងៃទី ១ ខែកក្កដា តាមរយៈគណនីប្រព័ន្ធផ្សព្វផ្សាយសង្គមផ្លូវការរបស់នាង។ យោងតាមការបង្ហោះដោយអ្នកគ្របគ្រងគណនី បានបញ្ចាក់ថា នាងទទួលមរណភាពកាលពីថ្ងៃទី ២០ ខែមិថុនា ទោះបីជាមូលហេតុពិតប្រាកដនៃការស្លាប់មិនត្រូវបានបង្ហាញឲ្យដឹងក៏ដោយ។

យ៉ាងណាក៏ដោយ អ្នកគាំទ្រជាច្រើនពិតជាមានការភ្ញាក់ផ្អើល និងសោកសង្រេងជាខ្លាំង ដោយសារការទទួលមរណភាពរបស់តារាស្រីរូបនេះភ្លាមៗ និងជារឿងមួយមិនអាចទទួលយកបានឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កើតនៅថ្ងៃទី ១៨ ខែមេសា ឆ្នាំ ១៩៨២ តារាស្រី បានបង្ហាញខ្លួនជាផ្លូវការក្នុងរឿងភាគប្រវត្តិសាស្ត្រ MBC ឆ្នាំ ២០១៣ ក្រោមចំណងជើងថា «Hur Jun, The Original Story» ។ នាងបានបង្ហាញខ្លួននៅក្នុងស្នាដៃដែលគួរឲ្យកត់សម្គាល់រួមទាំងរឿងភាគរបស់ SBS រឿង «Cheongdam-dong Scandal» (២០១៤) រួមជាមួយនឹងខ្សែភាពយន្តដូចជា «The King» និង «Killing Romance» ដែលទទួលបានការទទួលស្គាល់សម្រាប់ការសម្តែងដ៏ប្លែក និងអស់ពីដួងចិត្តរបស់នាង។

ក្រៅ​ពី​ជា​តារា​សម្ដែង​ដ៏​គួរ​ឲ្យ​ស្រលាញ់ តារាសម្ដែងក៏បានបញ្ចប់ការសិក្សាផងដែរ ដោយបានសិក្សាជំនាញភាសាឆែក និងស្លូវ៉ាគី នៅសាកលវិទ្យាល័យ Hankuk University of Foreign Studies ហើយក្រោយមកបានបន្តការសិក្សាបន្ថែមទៀតនៅសាលាបញ្ចប់ការសិក្សារបស់សាកលវិទ្យាល័យ Pusan ​​National ៕

អត្ថបទ៖ សាង ស្រីល័ក្ខ

ចុចអាន៖ក្រោយរងការរិះគន់ អ្នកដឹកនាំរឿង «Squid Game» ប្រាប់មូលហេតុនាំឲ្យតួស្លាប់ទាំងអស់