ជីវិតកម្សាន្ដ

តុលាការចេញដីកាឃាត់ខ្លួន តារាសម្ដែង Choi Jung-won ពីបទ លួចចូលផ្ទះមនុស្សស្រី

បានផុស

១១ ខែ មុន

នៅ

ថ្ងៃពុធ ២០ សីហា ២០២៥

ដោយ

ទូរទស្សន៍ SBS បានរាយការណ៍នៅថ្ងៃអង្គារនេះថា តុលាការបានចេញដីកាហាមឃាត់ ប្រឆាំងនឹងតារាចម្រៀង Choi Jung-won នៃក្រុមចម្រៀងប៉ុប UN ពីបទតាមដានស្ត្រីម្នាក់។ តារាចម្រៀងវ័យ ៤៤ ឆ្នាំរូបនេះ បានលួចចូលផ្ទះស្ត្រីម្នាក់ដែលគាត់ស្គាល់ កាលពីថ្ងៃសៅរ៍។ ប៉ូលិសបានបញ្ជាក់ថា ផ្ទុយពីរបាយការណ៍របស់ប្រព័ន្ធផ្សព្វផ្សាយមួយចំនួន គាត់មិនបានកាន់អាវុធទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមសារព័ត៌មាន SBS បានឲ្យដឹងបន្ថែមទៀតថា ជនរងគ្រោះបានដាក់ពាក្យស្នើសុំការហាមឃាត់ប្រឆាំងនឹងលោក Choi ដែលត្រូវបានផ្តល់កាលពីថ្ងៃចន្ទ ដោយតុលាការក្រុងសេអ៊ូលកណ្តាល។

បទបញ្ជាហាមឃាត់ លើតារាសម្ដែង ពោលគឺមិនឲ្យចូលទៅជិតជនរងគ្រោះក្នុងរង្វង់ ១០០ ម៉ែត្រ (៣២៨ ហ្វីត) ឬពីការទាក់ទងនាងដោយប្រើឧបករណ៍ឌីជីថល។ ការមិនគោរពតាមអាចបណ្ដាលឲ្យជាប់ពន្ធនាគាររហូតដល់មួយឆ្នាំ ឬពិន័យជាប្រាក់រហូតដល់ទៅ ១០ លានវ៉ុន (៧ ២០០ ដុល្លារ)។

យ៉ាងណាក៏ដោយ តារាប្រុសក៏ធ្លាប់ជាចំណុចកណ្តាលនៃភាពចម្រូងចម្រាសជុំវិញការចោទប្រកាន់ពីរឿងស្នេហាជាមួយអ្នកស្គាល់គ្នាដែលរៀបការ។ នៅខែកុម្ភៈ ឆ្នាំ ២០២៣ ប្តីរបស់ស្ត្រីរូបនេះបានដាក់ពាក្យប្តឹងរដ្ឋប្បវេណីទាមទារសំណងចំនួន ១០០ លានវ៉ុន ដោយអះអាងថាលោកបានលួចលាក់នូវរឿងមិនសមរម្យជាមួយប្រពន្ធរបស់គាត់។

កាលណោះ លោកបានបដិសេធការចោទប្រកាន់ ហើយបានប្តឹងជំទាស់នឹងការចោទប្រកាន់របស់ប្តី រួមទាំងការបង្ខូចកេរ្តិ៍ឈ្មោះ ការបរិហារកេរ្តិ៍ ការប្រមាថ និងការញុះញង់ឲ្យមានការបរិហារកេរ្តិ៍ ដែលនាំឲ្យមានការតស៊ូតាមផ្លូវច្បាប់ជាបន្ត។

Choi Jung-won បានបង្ហាញខ្លួនជាលើកដំបូងនៅក្នុងក្រុមរាំប៉ុបមួយដែលមានឈ្មោះថា Bronz ក្នុងឆ្នាំ ១៩៩៩ និងទទួលបានភាពល្បីល្បាញក្នុងនាមជាសមាជិកនៃ duo UN ដែលបានបង្ហាញខ្លួននៅឆ្នាំ ២០០០។ គាត់បានបន្តអាជីពជាតារាសម្តែងតាំងពីឆ្នាំ២០០៤៕