វ៉ាង ស្រីណូ រៀបរាប់​ពី​អនុស្សាវរីយ៍ ក្រោយ​ឪពុក​ចែកឋាន

តារាសម្តែង វ៉ាន ស្រីណូ កាលពីថ្មីៗនេះ នាងនិងក្រុមគ្រួសារបានជួបរឿងដ៏សោកសៅហើយក្រៀមក្រំបំផុត ខណ:ដែលឪពុកជាទីស្រលាញ់បានទទួលមរណភាពទាំងអាល័យ។

យ៉ាងណាមិញបន្ទាប់ពីលោកឪពុកទើបស្លាប់បានប៉ុន្មានថ្ងៃនេះដែរ តារាស្រីវ៉ាង ស្រីណូ នៅតែបន្តបញ្ហាញអារម្មណ៍សោកសៅស្រណោះខ្លាំងដល់អនុស្សាវរីយ៍ជាច្រើនកាលពីឪពុកនៅមានជីវិត។ រឿងដែលចាប់អារម្មណ៍ទៀតនោះ ស្រីណូ ក៏ស្រាប់តែទម្លាយពីរឿងរ៉ាវជាច្រើនរវាងនាង និងឪពុកខ្លួននាពេលកន្លងផងដែរ។

វ៉ាង ស្រីណូ បានរៀបរាប់ដោយក្តុកក្តួលថា ឪពុករបស់នាងគឺជាមនុស្សមានបុណ្យ គាត់ទៅយ៉ាងលឿន មិនពិបាកកូនចៅ មិនឈឺ មិនពិបាក មិនស្អុយ ឆ្អេះឆ្អាប ហើយមុនឪពុកនាងស្លាប់ទៅគាត់ស្អាត សង្ហារ ស្រស់ស្រាយ មិនធ្វេីរឲ្យកូនចៅបារម្ភសោះឡើយ។

នាងនិយាយបន្តថា គ្រប់យ៉ាងជូនពុកយ៉ាងស្រស់ស្អាត ព្រោះកូនដឹងថា ពុកមនុស្សចាយលុយចង់ល្អ ចង់ស្អាតចូលចិត្តរបស់ថ្លៃ កូនរៀបជូនពុកមិនឲ្យចាញ់គេ ឬមិត្តពុកដែលទៅមុនទេ ពេលពុកទៅផ្ទះថ្មី ពុកមិនខ្មាស់មិត្តភក្តិពុកទេលោក​ពុកនឹងល្អជាងគេ។ ម្ចាស់បេះដូងកូន យេីងគ្រាន់តែចែកទឹកដីគ្នា បែកគ្នាតែសំបកកាយ តែចិត្តនឹងបេះដូងយេីងគឺនៅដូចមុន។

តារាស្រី វ៉ាង ស្រីណូ បន្ថែមថា ទោះបីយើងមិនបានឃេីញគ្នា តែកូនក៏ទំលាប់បានខ្លះដូចពេលកូនៅសហរដ្ឋអាមេរិក តែលោកពុកនៅខ្មែរអញ្ចឹង កូនរឹងមាំណាស់ កូនប្រាប់ពុករហូត ពុកដឹងថាកូនមនុស្សតស៊ូរណាស់ ឆ្លាតណាស់នឹងស្រលាញ់​​គ្រួសារណាស់ អញ្ចឹងកូនដឹងថាលោកពុកសប្បាយចិត្តមិនបារម្ភពីកូនទេ។ អនុស្សាវរីយ៍របស់ពួកយេីងវានឹងឋិតនៅក្នុងក្រអៅបេះដូងកូន រឹតបន្តឹងខ្លួនកូនឲ្យកូនតស៊ូរ ដាស់តឿនកូន ដេីរទៅរកភាពជេាគជ័យដេីម្បីលោកពុក៕

អត្ថបទ ៖ ចាន់រ៉ា