មេបក្សប្រឆាំង​ថៃ ​បង្ហាញក្តីកង្វល់​ដែល​​លោក​អានុទីន​​ មិនគ្រប់គ្រង​​ការ​ចាក់សំឡេងរំខាន​ប្រជាជន​កម្ពុជា​​

ប្រធានគណបក្ស​ប្រជាជនថៃ (​People’s Party) ​ដែល​ជាគណបក្ស​ឈ្នះឆ្នោត និង​ជា​ប្រឆាំង​ធំបំផុត​នៅក្នុង​ប្រទេសថៃ​កំពុង​ដាក់សម្ពាធ​លើ​នយោបាយ​​​រដ្ឋមន្ត្រី​​​ត្រឹម​៤ខែ​ លោក អានុទីន ចាន​​វីរៈគុល (Anutin Chanvirakul) ​និង​​ឧបនាយករដ្ឋមន្ត្រី​ រដ្ឋមន្ត្រី​​​​ក្រសួង​ការបរទេស​ថៃ​ ដែលបង្ហា​ញ​ការគាំទ្រ​​​​​ លោក Kun Jom Palang ដែលបង្ក​ហេតុ​ចាក់​​សំឡេងរំខាន​ដល់​​ប្រជាជន​កម្ពុជា​ និង​នាំទៅដល់​បាត់បង់​​​កិត្តិយស​ក្នុងឆាកអន្តរជាតិ។

​តាមការ​ចេញផ្សាយ​របស់​​សារ​ព័ត៌មានថៃ Khaosod ​ប្រធានគណបក្ស​ប្រជាជន លោក Natthapong Ruangpanyawut ​​បាន​លើក​ឡើង​ថា វាជាកាតព្វកិច្ចផ្ទាល់របស់រដ្ឋាភិបាល និងនាយករដ្ឋមន្ត្រី ក្នុងការគ្រប់គ្រងស្ថានការណ៍ ដើម្បីឱ្យសាធារណជនគ្រប់វិស័យ រួមទាំងលោក Kun Jom Palang ដែលចង់ជួយប្រជាជនថៃ ធានាថា ថៃទទួលបានផលប្រយោជន៍ពីកម្ពុជា ឬជួយដោះស្រាយបញ្ហានេះ។

​ជុំវិញ​រឿ​ងដែលថា​ លោក​ Kun Jom Palang ដែលជាជន​បង្ករឿងនោះ បាន​នាំយកឧបករណ៍សំឡេងទៅចាក់សំឡេងខ្មោច និងសំឡេងយន្តហោះចម្បាំង និង​សកម្មភាព​ផ្សេងៗ​ទៀត​ដែល​នឹងធ្វើឲ្យប្រទេសថៃ​បាត់​បង់​កិត្តិយស​​ក្នុងឆាកអន្តរជាតិ ដែលរដ្ឋាភិបាល​​ថៃ​ត្រូវទទួល​ខុសត្រូវ​។ លោក​បញ្ជាក់​ថា លោក​ជឿ​ជាក់​ថា ពលរដ្ឋ​ថៃ​គ្រប់​រូប​ចង់​ជួយ​ដោះស្រាយ​បញ្ហា​ព្រំដែន​កម្ពុជា-ថៃ។

តាមការ​ដកស្រង់សម្តី លោក Natthapong និយាយថា៖ «វាជាកាតព្វកិច្ចរបស់នាយករដ្ឋមន្ត្រី និងរដ្ឋាភិបាលក្នុងការគ្រប់គ្រង ដើម្បីឱ្យគ្រប់ទម្រង់នៃជំនួយលើកកំពស់ និងពង្រឹងប្រទេសថៃ ជាជាងធ្វើឱ្យប្រទេសថៃជួបការលំបាក ឬបាត់បង់មូលដ្ឋាននៅលើឆាកពិភពលោក»​។

​ក្នុងរយៈពេលប៉ុន្មានថ្ងៃចុងក្រោយនេះ ​លោក​ Kun Jom Palang ដែលជាអ្នកផ្តួច​ផ្តើម​ចាក់សំឡេងរំខាន​ដល់​ប្រជាជន​កម្ពុជានៅភូមិព្រៃចាន់ ​បានបង្កឲ្យ​មានការចាប់អារម្មណ៍យ៉ាងខ្លាំងក្នុងសកម្មភាព​អសីលធម៌របស់​ប្រជាជនថៃ និង​នាំទៅដល់​ការ​រំលោភ​សិទ្ធិមនុស្ស​ទៀតផង។ ផ្ទុយទៅវិញ​ លោក​ អានុទីន ដែលជានាយករដ្ឋមន្ត្រី​កំពុង​​​ទាញប្រជាប្រិយភាព​​សម្រាប់​ត្រៀម​ការ​បោះឆ្នោត​នៅ​ខែមេសាខាងមុខ ហាក់​បាន​បង្ហាញ​ជំហរ​​គាំទ្រ​ក្រុមអសីលធម៌នោះទៅវិញ ដែលផ្ទុយ​ពី​​​ជំហរ​ស្វែងរកដំណោះស្រាយ និង​ការ​​ស្តារសន្តិភាព​​ជាមួយប្រទេសជិតខាង​៕​