ទស្សនាវដ្តី TIME សរសើរត្រាំបញ្ចប់សង្រ្គាមអ៊ីស្រាអែល​-ហាម៉ាស់ តែលោកមិនសប្បាយចិត្តរូបភាពលើក្រប

តាមការចុះផ្សាយពី usatoday នាថ្ងៃទី ១៤ ខែតុលា រាយការណ៍ថា ប្រធានាធិបតីអាមេរិក ដូណាល់ ត្រាំ បានបង្ហាញអាម្មណ៍មិនសប្បាយចិត្ត បន្ទាប់ពីទស្សនាវដ្តី Time ជ្រើសរើសរូបភាពដ៏អាក្រក់បំផុតបង្ហាញមុខលើក្របត្រៀមចេញផ្សាយនៅថ្ងៃទី ១០ ខែវិច្ឆិកាខាងមុខនេះ ខណៈពេលដែលចំណងជើងបានលើកសរសើរចំពោះការងារក្នុងនាមជាអ្នកចរចានៅតំបន់ហ្គាហ្សា-អ៊ីស្រាអែល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រធានាធិបតីអាមេរិកបាន​ចូល​ទៅកាន់បណ្ដាញសង្គម Truth Social នៅ​ព្រឹក​ព្រលឹមដោយធ្វើការរិះគន់ថា «ទស្សនាវដ្តី Time បានសរសេររឿងដ៏ល្អអំពីខ្ញុំ ប៉ុន្តែរូបភាពនេះ គឺជារូបភាពដ៏អាក្រក់បំផុតនៃជីវិតរបស់ខ្ញុំ។ ទស្សនាវដ្តីបានធ្វើឲ្យបាត់សក់ខ្ញុំ ហើយមានអ្វីមួយអណ្តែតនៅលើក្បាលដូចជាមកុដតូចមួយ។ ជាធម្មតាខ្ញុំមិនចូលចិត្តថតរូបពីមុំទាបនោះទេ ប៉ុន្តែនេះគឺជារូបភាពដ៏គួរឲ្យភ័យខ្លាចនិងមិនល្អ ហើយសមនឹងទទួលបានការរិះគន់»។

ទោះជាយ៉ាងណាក៏ដោយ នេះក៏មិន​មែន​ជា​លើក​ទី​មួយ​ទេដែល​លោកត្រាំ មាន​ការអាក់អន់ស្រពន់ចិត្ត​ជាមួយ​ទស្សនាវដ្ដី Time។ ត្រលប់ទៅខែកុម្ភៈ ទស្សនាវដ្តីដដែល បានជ្រើសរើសរូបថតរបស់ Elon Musk អង្គុយនៅក្នុងការិយាល័យ Oval ដោយចំអកថា លោក Musk សមជាប្រធានាធិបតីពិតៗ។

ដោយឡែក ងាកទៅកាន់គម្របទស្សនាវដ្តី Time ឯណោះ បានសរសេរចំណងជើងចុងក្រោយបង្អស់ថា «ជ័យជំនះរបស់គាត់» បានមកដល់ពេលដែលលោកត្រាំ ត្រូវបានគេសរសើរចំពោះការនាំយកបទឈប់បាញ់នៅហ្គាហ្សា និងកិច្ចព្រមព្រៀងផ្លាស់ប្តូរចំណាប់ខ្មាំងឲ្យទទួលបានផ្លែផ្កា ដោយនាំមកនូវការបញ្ឈប់អរិភាពអ៊ីស្រាអែល និងក្រុមហាម៉ាស់ ដែលបានចាប់ផ្តើមនៅថ្ងៃទី ៧ ខែតុលា ឆ្នាំ ២០២៣។ ចំណែកឯចំណាប់ខ្មាំងអ៊ីស្រាអែល ២០នាក់ត្រូវបានដោះលែងកាលពីថ្ងៃចន្ទ ខណៈដែលអ៊ីស្រាអែលបានដោះលែងអ្នកទោសប៉ាឡេស្ទីនប្រហែល ២ពាន់នាក់ដែរ៕

អត្ថបទ៖ សាង ស្រីល័ក្ខ

ចុចអានខាងក្រោមនេះ៖

ត្រាំ គំរាមដាក់​ពន្ធលើអេស្ប៉ាញ ជុំវិញ​ការ​បដិសេធ​​បង្កើន​ចំណាយ​នៅ​ក្នុង​អង្គការ​ណាតូ