ព័ត៌មានអន្ដរជាតិ
ប្រទេសមួយក្នុងតំបន់អាស៊ីត្រៀមផលិតវ៉ាក់សាំងកូវីដ Novavax នៅដើមខែមិថុនា
ប្រទេសកូរ៉េខាងត្បូងបាននិយាយកាលពីថ្ងៃចន្ទថា ខ្លួនគ្រោងនឹងចាប់ផ្តើមផលិតវ៉ាក់សាំងការពារជំងឺកូវីដ ១៩ របស់ក្រុមហ៊ុនអាមេរិក Novavax នៅដើមខែមិថុនា ស្របពេលដែលក្រុមហ៊ុនក្នុងស្រុកចំនួន ៥ មានគោលបំណងចាប់ផ្តើមសាកល្បងព្យាបាលដំណាក់កាលចុងក្រោយនៃវ៉ាក់សាំងរបស់ខ្លួននៅឆមាសទី ២ ឆ្នាំនេះ ។
ការប្រកាសនេះធ្វើឡើង បន្ទាប់ពីលោកប្រធានាធិបតី Moon Jae-in បានរៀបចំកិច្ចប្រជុំពិសេសមួយស្តីពីកិច្ចប្រឹងប្រែងប្រឆាំងនឹងមេរោគ និងការអភិវឌ្ឍវ៉ាក់សាំង ខណៈប្រទេសនេះខ្លាចរលកឆ្លងទី ៤ ដែលអាចកើតមាន ។
ទន្ទឹមនោះរដ្ឋមន្រ្តីក្រសួងសុខាភិបាលលោក Kwon Deok-cheol បាននិយាយថា ក្រុមហ៊ុន SK Bioscience នឹងអាចចាប់ផ្តើមផលិតវ៉ាក់សាំងការពារកូវីដ Novavax នៅដើមខែមិថុនា ហើយអាចផ្គត់ផ្គង់បានដល់ទៅ ២០ លានដូសនៅចុងត្រីមាសទី ៣ ខណៈក្រុមហ៊ុនផលិតឱសថអាមេរិកមួយនេះបានចុះហត្ថលេខាលើកិច្ចព្រមព្រៀងអាជ្ញាប័ណ្ណជាមួយក្រុមហ៊ុន SK Bioscience ដើម្បីផលិតវ៉ាក់សាំងកូវីដចំនួន ៤០ លានដូសសម្រាប់ប្រទេសកូរ៉េខាងត្បូង ។
ប្រទេសកូរ៉េខាងត្បូងបានចាប់ផ្តើមយុទ្ធនាការចាក់វ៉ាក់សាំងរបស់ខ្លួននៅចុងខែកុម្ភៈក្នុងគោលបំណងផ្ដល់ភាពស៊ាំប្រឆាំងវីរុសដល់ប្រជាជនរបស់ខ្លួនចំនួន ៥២ លាននាក់ត្រឹមខែវិច្ឆិកា ។
បន្ថែមពីនេះក្រសួងសុខាភិបាលក៏បាននិយាយផងដែរថា ក្រុមហ៊ុនក្នុងស្រុកចំនួន ៥ ដែលមានគោលបំណងចាប់ផ្តើមការសាកល្បងវ៉ាក់សាំងដំណាក់កាលទី ៣ នៅចុងឆ្នាំនេះរួមមានក្រុមហ៊ុន SK Bioscience ក្រុមហ៊ុន EuBiologics ក្រុមហ៊ុន Cellid ក្រុមហ៊ុន Genexine និងក្រុមហ៊ុន GeneOne Life Science ។
គួរបញ្ជាក់ថា គិតត្រឹមពេលនេះប្រទេសកូរ៉េខាងត្បូងមានករណីឆ្លងជំងឺកូវីដ ១៩ សរុប ១១០,៦៨៨ ករណី និងមានអ្នកស្លាប់ចំនួន ១,៧៧៥ នាក់ ៕
ប្រែសម្រួលដោយ ៖ ជីវ័ន្ត
ប្រភព ៖ CNA
ចុចអាន ៖ ប្រទេសមួយក្នុងតំបន់អាស៊ីត្រៀមអនុម័តប្រើប្រាស់វ៉ាក់សាំងចាក់តែមួយដូស Johnson & Johnson
ចុចអាន ៖ ក្រោយរកឃើញតម្រុយមួយចំនួន កូរ៉េខាងត្បូងបន្តចាក់វ៉ាក់សាំង AstraZeneca កាន់តែធំ
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម១៤ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល
-
សន្តិសុខសង្គម១ សប្តាហ៍ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)