ចិន បញ្ជូនពលរដ្ឋជាង ១០០០ នាក់ ពាក់ព័ន្ធក្រុមឆបោក ជាប់ព្រំដែន ថៃ-មីយ៉ាន់ម៉ា

ក្រសួងសន្តិសុខសាធារណៈបាននិយាយនៅក្នុងសេចក្តីថ្លែងការណ៍មួយលើគណនី WeChat កាលពីថ្ងៃចន្ទទី៨ ខែធ្នូថា ចិនបានបញ្ជូនពលរដ្ឋចំនួន ១.១៧៨ នាក់ដែលពាក់ព័ន្ធនឹងការក្លែងបន្លំតាមអ៊ីនធឺណិតនៅក្នុងប្រទេសមីយ៉ាន់ម៉ាជាប់ព្រំដែនថៃ ត្រឡប់ទៅកាន់ស្រុកកំណើតវិញ និងបង្កើនកិច្ចសហប្រតិបត្តិការជាមួយប្រទេសដទៃទៀត ដើម្បីបង្ក្រាបបទល្មើសប្រភេទនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចេញផ្សាយដោយ chinadailyasia ការបញ្ចូននេះបានកើតឡើង បន្ទាប់ពីកិច្ចប្រជុំរដ្ឋមន្ត្រីនៅថ្ងៃទី ១៤ ខែវិច្ឆិកា ដែលពាក់ព័ន្ធនឹងប្រទេសចិន កម្ពុជា ឡាវ មីយ៉ាន់ម៉ា ថៃ និងវៀតណាម ដែលអ្នកចូលរួមបានយល់ព្រមពង្រឹងកិច្ចសហប្រតិបត្តិការ និងបើកការបង្ក្រាបសម្របសម្រួលលើការក្លែងបន្លំទូរគមនាគមន៍ឆ្លងដែន។

ដោយឡែក ទូរទស្សន៍កណ្តាលចិន (CCTV) បានរាយការណ៍នៅថ្ងៃដដែលថា ក្រុមពលរដ្ឋទាំងនោះត្រូវបានចាប់ខ្លួននៅក្នុងតំបន់ Myawaddy បន្ទាប់ពីប៉ូលិសមីយ៉ាន់ម៉ាបានបើកប្រតិបត្តិការធ្វើការ ឆ្មក់ចូលចាប់ជនសង្ស័យ និងរុះរើកន្លែងឆបោកធំជាងគេ។

ចាប់តាំងពីថ្ងៃទី ១ ខែធ្នូ ក្រសួងសន្តិសុខសាធារណៈរបស់ប្រទេសចិន បានដឹកនាំប៉ូលិសខេត្ត Jiangxi រៀបចំជើងហោះហើរទៅកាន់ Mae Sot ប្រទេសថៃ ដើម្បីនាំពលរដ្ឋរបស់ខ្លួនត្រឡប់មកផ្ទះវិញ ។ ចំណែកជនជាតិចិនជាង ៦.៦០០នាក់ ដែលសង្ស័យថាបានក្លែងបន្លំតាមបន្លំតាមអ៊ីនធឺណិត ក៏បាននាំខ្លួនត្រឡប់ទៅចិនវិញ ចាប់តាំងពីថ្ងៃទី២០ ខែកុម្ភៈមកដូចគ្នា។

ក្រសួងបាននិយាយថា ការបង្ក្រាបពហុជាតិសាសន៍លើការក្លែងបន្លំតាមទូរគមនាគមន៍ឆ្លងដែនកំពុងបន្ត ហើយប្រទេសចិននឹងបន្តពង្រឹងកិច្ចសហប្រតិបត្តិការអនុវត្តច្បាប់ ដើម្បីរុះរើបណ្តាញឧក្រិដ្ឋជន និងការពារសន្តិសុខសាធារណៈ៕

អត្ថបទ៖ សាង ស្រីល័ក្ខ

ចុចអានខាងក្រោមនេះ៖

អ៊ីរ៉ង់ ប្រហារជីវិតមេខ្លោងធំ ក្នុងសំណុំរឿង​ឆបោក​ និងធ្វើឲ្យខូចសេដ្ឋកិច្ចជាតិ