ត្រាំចូលចិត្តនិយាយសម្ដី២ម៉ាត់ អាចឲ្យ អាមេរិក កាន់តែមានលុយចូលច្រើន

ថ្លែងនៅក្នុងព្រឹត្តិការណ៍មួយនៅទីក្រុង Mount Pocono រដ្ឋ California កាលពីយប់ថ្ងៃអង្គារ ប្រធានាធិបតីសហរដ្ឋអាមេរិក ដូណាល់ ត្រាំ បានមានប្រសាសន៍ថា ពាក្យដែលលោកចូលចិត្តនិយាយជាញឹកញាប់់បំផុតគឺ «ពន្ធគយ» វាគឺជាសម្ដី២ម៉ាត់នាំលុយចូលច្រើនបំផុត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកត្រាំបាននិយាយថា «ខ្ញុំស្រឡាញ់ពាក្យនោះច្រើនជាងពាក្យផ្សេងទៀតនៅក្នុងវចនានុក្រម។ ពន្ធគយកំពុងនាំលុយរាប់រយពាន់លានដុល្លារដលពួកយើង ក្រុមហ៊ុនដែកថែបកំពុងមករដ្ឋ Pennsylvania ពីព្រោះពួកគេមិនចង់បង់ពន្ធគយក្នុងអត្រា ២៥%, ៥០% និង ១០០% ដោយអះអាងថា ពន្ធគយបានទាញក្រុមហ៊ុនឲ្យត្រឡប់មកសហរដ្ឋអាមេរិកវិញ»។

យោងតាមកាសែត New York Post មេដឹកនាំសហរដ្ឋអាមេរិកបានកត់សម្គាល់ថា កម្មករដែកថែប ជាពិសេសនៅរដ្ឋ Pennsylvania កំពុងរស់នៅបានប្រសើរជាងមុន ដោយសារយុទ្ធសាស្ត្ររបស់លោកផ្ទាល់តែម្ដង។

ប្រធានាធិបតីរូបនេះថែមទាំងពន្យល់ថា «ប្រសិនបើយើងមិនដាក់ពន្ធគយទេ យើងនឹងមិនមានដែកថែបទេ។ យើងនឹងមិនមានរោងចក្រដែកថែបតែមួយនៅទូទាំងអាមេរិកទេ ហើយវានឹងអាក្រក់សម្រាប់សន្តិសុខជាតិ»។

នៅក្នុងសុន្ទរកថារយៈពេល ៩០ នាទីរបស់លោកកាលពីថ្ងៃទី ៩ ខែធ្នូ ត្រាំបានការពារសមិទ្ធផលសេដ្ឋកិច្ចរបស់លោក ដោយអះអាងថា គោលនយោបាយកំពុងជំរុញឲ្យតម្លៃធ្លាក់ចុះ និងបង្កើនប្រាក់ឈ្នួល។ មេដឹកនាំសេតវិមានក៏បានចោទប្រកាន់ពួកប្រជាធិបតេយ្យថា បានបំផ្លើសការព្រួយបារម្ភអំពីលទ្ធភាពទិញផងដែរ។

គួររម្លឹកដែរថា កាលពីថ្ងៃទី២ ខែមេសា លោកត្រាំបានប្រកាសពន្ធចាប់ពី១០% ដល់ ៤៩% លើទំនិញដែលនាំចូលពីប្រទេស និងដែនដីចំនួន ១៨៥ ចូលទៅក្នុងសហរដ្ឋអាមេរិក។ ពន្ធ ១០% ដែលត្រូវបានអនុវត្តជាសកលបានចូលជាធរមាននៅថ្ងៃទី ៥ ខែមេសា ខណៈដែលពន្ធទៅវិញទៅមកសម្រាប់ប្រទេសនីមួយៗបានចូលជាធរមាននៅថ្ងៃទី ៩ ខែមេសា។ ជាក់ស្ដែង កាលពីពេលថ្មីៗនេះ លោកបានព្រមានអំពីពន្ធខ្ពស់ជាងមុនលើអាជីវកម្មម៉ិកស៊ិក និងក្រុមហ៊ុនអាមេរិកដែលកំពុងពិចារណាផ្លាស់ប្តូរទីតាំងប្រតិបត្តិការទៅក្រៅប្រទេសផងដែរ៕

អត្ថបទ៖ សាង ស្រីល័ក្ខ

ចុចអានខាងក្រោមនេះ៖

ទូរទស្សន៍ TBS ជប៉ុន៖ ទាហានថៃប្រើកាំភ្លើងធំលើរថក្រោះ បាញ់ចូលលំនៅដ្ឋានពលរដ្ឋកម្ពុជា