ព័ត៌មានអន្ដរជាតិ

ជប៉ុនត្រៀមបង្កើតរោងចក្រថាមពលនុយក្លេអ៊ែរធំជាងគេក្នុងពិភពលោក

បានផុស

៤ ខែ មុន

នៅ

ថ្ងៃចន្ទ ២២ ធ្នូ ២០២៥

ដោយ

ទីក្រុងនីកាត្តា [Niigata] របស់ប្រទេសជប៉ុន នៅថ្ងៃចន្ទនេះ រំពឹងថាខ្លួននឹងចាប់ផ្តើមបង្កើតរោងចក្រថាមពលនុយក្លេអ៊ែរដ៏ធំបំផុតក្នុងពិភពលោកឡើងវិញ បន្ទាប់ពីមានគ្រោះមហន្តរាយហ្វូគូស៊ីម៉ា [Fukushima] តាំងពីឆ្នាំ ២០១១ ដែលបណ្តាលឱ្យទឹកធ្លាក់ចូលលិចចំណុចស្នូលនៃតំបន់នោះ។

នាយករដ្ឋមន្ត្រីជប៉ុន លោកស្រី Sanae Takaichi ក្នុងសន្និសីទសារព័ត៌មានមួយ។ Reuters

ស្ថានីយថាមពលនុយក្លេអ៊ែរ Kashiwazaki-Kariwa ស្ថិតនៅចម្ងាយប្រហែល ២២០គីឡូម៉ែត្រ ភាគពាយព្យនៃទីក្រុងតូក្យូ មានម៉ាស៊ីនរ៉េអាក់ទ័រចំនួន៥៤ ត្រូវបានបិទ បន្ទាប់ពីការរញ្ជួយដីដ៏ធំ និងរលកយក្សស៊ូណាមិបានធ្វើឱ្យខូចខាតដល់រោងចក្រ Fukushima Daiichi នៅក្នុងប្រទេសជប៉ុន ក្រោយកើតមានគ្រោះមហន្តរាយនុយក្លេអ៊ែរដ៏អាក្រក់បំផុតរបស់ Chernobyl របស់ប្រទេសអ៊ុយក្រែនក្នុងអំឡុងទសវត្សរ៍ឆ្នាំ៨០។

ចាប់តាំងពីពេលនោះមក ប្រទេសជប៉ុនបានចាប់ផ្តើមដំណើរការឡើងវិញនូវរោងចក្រ១៤ ក្នុងចំណោម ៣៣ ដែលអាចដំណើរការបាន ខណៈខ្លួនបានព្យាយាមកាត់បន្ថយការពឹងផ្អែកលើឥន្ធនៈហ្វូស៊ីលដែលបាននាំចូលពីបណ្តាប្រទេសផ្សេងៗ។

លោក Masakatsu Takata អ្នកនាំពាក្យនៃថាមពលអគ្គិសនី [TEPCO] តូក្យូ បាននិយាយថា៖ «យើងនៅតែប្តេជ្ញាចិត្តយ៉ាងមុតមាំថានឹងមិនឱ្យមានឧបទ្ទវហេតុបែបនេះកើតឡើងដដែលៗនោះទេ ហើយយើងនឹងធានាថាអ្នកស្រុក Niigata មិនជួបប្រទះអ្វីដែលស្រដៀងៗនេះទៀតឡើយ»។

ការស្ទង់មតិមួយក្នុងខែតុលា រកឃើញថា ៦០ភាគរយនៃអ្នកស្រុកមិនគិតថាមានលក្ខខណ្ឌអ្វីសម្រាប់ការចាប់ផ្តើមឡើងវិញនូវថាមពលត្រូវបានធ្វើនោះទេ។ តែប្រហែលជិត៧០ភាគរយ មានការព្រួយបារម្ភអំពីក្រុមហ៊ុន TEPCO ដែលដំណើរការរោងចក្រនេះ។

នៅថ្ងៃចន្ទ សភានៃទីក្រុងនេះបោះឆ្នោតឱ្យលោក Hanazumi ក្នុងការគាំទ្រឱ្យចាប់ផ្តើមឡើងវិញនៃរោងចក្រទាំងនោះ ដែលជាសន្លឹកឆ្នោតពិតប្រាកដ។

នាយករដ្ឋមន្ត្រីជប៉ុន លោកស្រី Sanae Takaichi ដែលចូលកាន់តំណែងកាលពីពីរខែមុន បានគាំទ្រការចាប់ផ្តើមកម្មវិធីរោងចក្រថាមពលនុយក្លេអ៊ែរឡើងវិញ ដើម្បីពង្រឹងសន្តិសុខថាមពល និងទប់ទល់នឹងតម្លៃនៃឥន្ធនៈហ្វូស៊ីលដែលបាននាំចូល។ ក្នុងនោះវាស្មើនឹង ៦០ ទៅ ៧០ភាគរយ នៃការផលិតថាមពលអគ្គិសនីរបស់ប្រទេសជប៉ុន។

គួរឱ្យដឹងផងដែរថា ប្រទេសជប៉ុនបានចំណាយប្រាក់ចំនួន ១០.៧ ពាន់ពាន់លានយ៉េន (៦៨ពាន់លានដុល្លារ) កាលពីឆ្នាំមុនលើការនាំចូលឧស្ម័នធម្មជាតិ និងធ្យូងថ្ម ដែលមានចំនួនមួយភាគដប់នៃតម្លៃនាំចូលសរុបរបស់ខ្លួន៕

អត្ថបទ៖ ណឺ មិនា