ព័ត៌មានអន្ដរជាតិ
អស់ចម្ងល់! មូលហេតុចាក់វ៉ាក់សាំងហើយឈឺត្រង់កន្លែងចាក់ និងវិធីដោះស្រាយងាយៗ
ប្រព័ន្ធភាពស៊ាំរបស់យើងមានលក្ខណៈប្លែកពីគ្នា ដូច្នេះមនុស្សនឹងឆ្លើយតបខុសៗគ្នាទៅនឹងវ៉ាក់សាំងប្រឆាំងជំងឺកូវីដ-១៩។
ផលប៉ះពាល់ដែលអ្នកអាចជួបប្រទះបន្ទាប់ពីការចាក់វ៉ាក់សាំង អាចពឹងផ្អែកលើប្រភេទធំៗ ដូចជាអាយុនិងភេទ ក៏ដូចជាលក្ខណៈបុគ្គលបន្ថែមទៀតដូចជាហ្សែនឬប្រវត្តិនៃការឆ្លងរោគផងដែរ។
ជាទូទៅ អ្នកជំនាញផ្នែកវេជ្ជសាស្ត្របាននិយាយថា វាជារឿងធម្មតាទេដែលអ្នកមានអារម្មណ៍មិនស្រួលខ្លួនរហូតដល់ទៅ៤៨ម៉ោង ក្រោយពេលចាក់រួច។ នោះជាសញ្ញាបង្ហាញថា វ៉ាក់សាំងកំពុងបំពេញការងាររបស់ខ្លួន។
ផលប៉ះពាល់ទូទៅរួមមានការឈឺចាប់នៅកន្លែងចាក់ថ្នាំ អស់កម្លាំងនិងឈឺក្បាល។
តើហេតុអ្វីបានជាអ្នកឈឺចាប់នៅកន្លែងចាក់ថ្នាំ ហើយត្រូវធ្វើដូម្តេចដើម្បីបំបាត់ភាពឈឺចាប់?
នៅពេលដែលវ៉ាក់សាំងចូលទៅក្នុងដៃរបស់អ្នក លំហូរឈាមបានកើនឡើង ហើយកោសិកាភាពស៊ាំប្រញាប់ប្រញាល់មកប្រមូលផ្តុំនៅកន្លែងចាក់។ នេះអាចបណ្តាលឲ្យឈឺចាប់នៅកន្លែងចាក់ថ្នាំ ដែលជាផលប៉ះពាល់ទូទៅបំផុតពីការវ៉ាក់សាំងការពារជំងឺកូវីដ-១៩។
CDC ណែនាំឲ្យដាក់ក្រណាត់ស្អាតនិងត្រជាក់លើកន្លែងដែលអ្នកចាក់ ដើម្បីកាត់បន្ថយការឈឺ។ ក្រុមអ្នកជំនាញក៏បានណែនាំឲ្យធ្វើចលនាដៃដែលចាក់វ៉ាក់សាំងផងដែរ ដើម្បីជំរុញលំហូរឈាម។
វេជ្ជបណ្ឌិត Daniel Summers គ្រូពេទ្យកុមារនៅរដ្ឋ Maine បានប្រាប់គេហទំព័រ Insider នាពេលថ្មីៗនេះថា “តាមរយៈការធ្វើចលនាដៃ វាជួយបំបែកតំបន់រលាកកាន់តែលឿន”។
ប៉ុន្តែលោកបានបញ្ជាក់ថា កុំប្រើដៃទៅម៉ាស្សាកន្លែងចាក់វ៉ាក់សាំងឲ្យសោះ ព្រោះវាអាចធ្វើឲ្យរលាកខ្លាំងជាងមុន និងកាន់តែរលាក៕
ប្រែសម្រួលដោយ៖ Vann Vann
ប្រភព៖ Business Insider
ចុចអាន៖ តើអាចប្រើថ្នាំបំបាត់ការឈឺចាប់មុនឬក្រោយពេលចាក់វ៉ាក់សាំងកូវីដ-១៩បានទេ?
-
ព័ត៌មានជាតិ៧ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៥ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៥ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍១ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៦ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore