ព័ត៌មានអន្ដរជាតិ

អ្នកវិភាគ៖ ត្រាំជាអ្នកកំណត់ពេលបញ្ចប់សង្គ្រាមអ៊ីរ៉ង់ និងបង្ខំអ៊ីស្រាអែល បើទោះបីមិនសម្រេចបំណង

បានផុស

៤ ខែ មុន

នៅ

ថ្ងៃសុក្រ ១៣ មីនា ២០២៦

ដោយ

អ៊ីស្រាអែលបានដាក់គោលដៅស្ទើរតែទាំងស្រុងលើយុទ្ធសាស្ត្រររបស់ខ្លួនដើម្បីផ្តួលរលំរបបដឹកនាំនៅអ៊ីរ៉ង់ ដែលការវាយប្រហារចុងក្រោយដែលធ្វើឡើងរួមគ្នារបស់សហរដ្ឋអាមេរិកនិងអ៊ីស្រាអែលនាពេលនេះគឺជាការពង្រីកគោលដៅនៃការប្រយុទ្ធដំបូង បន្ទាប់ពីសង្គ្រាម១២ថ្ងៃ កាលខែមិថុនា ឆ្នាំ២០២៥ មកម្ល៉េះ។

យោងតាមគេហទំព័ររបស់ Atlantic Council ចុះផ្សាយថ្ងៃទី១១ ខែមីនា ឆ្នាំ២០២៦ អ៊ីស្រាអែល និងសហរដ្ឋអាមេរិកបានប្រើប្រាស់មូលហេតុនៃសង្គ្រាម គឹការវាយប្រហារដើម្បីទប់ស្កាត់កម្មវិធីនុយក្លេអ៊ែរអ៊ីរ៉ង់ដែលអ៊ីស្រាអែលនិងសហរដ្ឋអាមេរិកបានប្រឆាំងជាយូរមកហើយ។ ក្រោយមកទៀត បានបង្ហាញបំណងចង់ប្តូររបបដឹកនាំ និង ដាក់ចេញមូលហេតុមូយចំនួនទៀតជាបន្តបន្ទាប់។

នាយករដ្ឋមន្រ្តីអ៊ីស្រាអែល លោក Benjamin Netanyahu។ រូបភាព៖ Reuters

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះបីជាការវាយប្រហារនេះខ្លាំងក្លាយ៉ាងណាក៏ដោយ អ៊ីរ៉ង់ក៏បានឆ្លើយតបវិញដោយមីស៊ីលបាលីស្ទីកមួយចំនួនដែលធ្វើឲ្យភាគីសហរដ្ឋអាមេរិកនិងអ៊ីស្រាអែលរងការខូចខាតមិននឹកស្មានដល់ បើទោះបីជាអ៊ីស្រាអែលអាចដំណើរការគ្រប់គ្រងដោយប្រព័ន្ធការពារដែនអាកាសដោយស្ទាក់ចាប់មីស៊ីលអ៊ីរ៉ង់ជាច្រើនក្តី។

អ្នកជំនាញលើកឡើងថា ដោយសារតែប្រព័ន្ធស្ទាក់ចាប់មីស៊ីលរបស់អ៊ីរ៉ង់មានកំណត់ អ៊ីរ៉ង់ក៏មានមហិច្ឆតាក្នុងការបង្កើនការផលិតមីស៊ីលរយៈចម្ងាយឆ្ងាយ«បាលីស្ទីក»ដែលអាចមានលើសអ៊ីស្រាអែលប្រហែលពីរពាន់ទៅមួយម៉ឺនគ្រាប់ មានន័យថា អ៊ីរ៉ង់អាចគ្របដណ្ដប់លើប្រព័ន្ធការពារជាតិអ៊ីស្រាអែល និងបង្កការគំរាមកំហែងជាយុទ្ធសាស្ត្រ។

ការណ៍នេះ អ៊ីស្រាអែលបានរៀនសូត្រពីសត្រូវនិងត្រៀមខ្លួនរួចជាស្រេច ដើម្បីបើកការវាយប្រហារម្តងទៀតនៅដើមឆ្នាំ២០២៦នេះ។ ការចុះខ្សោយនៃផ្ទៃក្នុងអ៊ីរ៉ង់ជាបន្តបន្ទាប់ និងសម្ពាធពីសង្រ្គាមនានា ភាគីអ៊ីស្រាអែលបានស្វែងរកឱកាសផ្តួលរលំរបបនេះ។

អ៊ីស្រាអែលជាអ្នកដើរតួជួរមុខ ក្នុងការធ្វើវាយប្រហារប្រឆាំងនឹងសម្ភារៈយោធារបស់អ៊ីរ៉ង់ ហើយបានសម្របសម្រួលយ៉ាងជិតស្និទ្ធជាមួយសហរដ្ឋអាមេរិក។

មិនតែប៉ុណ្ណោះ អ៊ីរ៉ង់ក៏បានបើកការវាយប្រហារដោយមីស៊ីល និងដ្រូន ប្រឆាំងនឹងអ៊ីស្រាអែល តែត្រូវបានចាប់យកដោយប្រព័ន្ធការពារមីស៊ីល Iron Dome របស់អ៊ីស្រាអែល និងប្រព័ន្ធការពារមីស៊ីលផ្សេងទៀត បានស្ទាក់ចាប់ការគំរាមកំហែងជាច្រើនពេលបាញ់ចូលក្នុងប្រទេសអ៊ីស្រាអែល។

ក្នុងរយៈកាលនៃការប៉ះទង្គិចគ្នាចាប់ពីពាក់កណ្តាលឆ្នាំ២០២៥មក អ៊ីស្រាអែលបានរៀនសូត្រពីការវាយប្រហារយ៉ាងខ្លាំងនេះ ហើយយោធារបស់ពួកគេនៅតែមានភាពធន់ និងមានគោលបំណងពង្រឹងសមត្ថភាពក្នុងយុទ្ធសាស្ត្រសង្គ្រាម ហើយភាគច្រើនគឺចង់ផ្តោតលើការបន្សាបការរបបអ៊ីរ៉ង់។

យ៉ាងណាប្រសិនបើគ្មានប្រៀបឈ្នះនោះទេ ហើយគម្លាតគោលដៅនៃការវាយប្រហាររបស់អ៊ីស្រាអែលនិងសហរដ្ឋអាមេរិកលេចឡើង ពេលនោះ មានការវិភាគថា លោក ដូណាល់ ត្រាំ នឹងក្លាយជាអ្នកកំណត់ពេលវេលាបញ្ចប់សង្គ្រាម ហើយនឹងដាក់ចំណុចបញ្ចប់ទៅលើអ៊ីស្រាអែល បើទោះបីជារបបនៅអ៊ីរ៉ង់ផ្លាស់ប្តូរឬអត់ក៏ដោយ៕

ប្រែសម្រួល៖ ណឺ មិនា