កូវីដនៅឥណ្ឌា សូម្បីគោក៏ពាក់ម៉ាស់ដែរ (មានវីដេអូ)

ស្របពេលដែលរលកទី២នៃជំងឺកូវីដ-១៩ កំពុងតែវាយប្រហារយ៉ាងធ្ងន់ធ្ងរនៅតំបន់ជនបទរបស់ប្រទេសឥណ្ឌា អ្នកស្រុក Sehore នៃរដ្ឋ Madhya Pradesh បាននាំគ្នាធ្វើរឿងប្លែកៗដើម្បីកម្ចាត់មេរោគនេះ ហើយសូម្បីតែសត្វគោក៏ពាក់ម៉ាស់ដែរ។

វីដេអូនេះ ត្រូវបានគេចែករំលែកពាសពេញបណ្តាញសង្គមឥណ្ឌា ហើយមនុស្សជាច្រើនបានសម្តែងការហួសចិត្តផង អស់សំណើចផង និងសាទរផង។

កាលពី២សប្តាហ៍មុន នៅរដ្ឋ Gujarat ភាគខាងលិចប្រទេសឥណ្ឌា អ្នកមានជំនឿខ្លះបានសម្រុកទៅក្រោលគោ ម្តងក្នុងមួយសប្តាហ៍ ដើម្បីយកលាមកនិងទឹកនោមគោ មកប៉ាតលើខ្លួន ដោយសង្ឃឹមថា វានឹងជួយបង្កើនភាពស៊ាំរបស់ពួកគេប្រឆាំងនឹងវីរុសកូវីដ-១៩ ឬព្យាបាលពួកគេឲ្យជាសះស្បើយពីជំងឺនេះ។

នៅក្នុងហិណ្ឌូសាសនា សត្វគោគឺជានិមិត្តរូបដ៏ពិសិដ្ឋនៃជីវិតនិងផែនដី ហើយអស់រយៈពេលជាច្រើនសតវត្សរ៍មកហើយ សាសនាហិណ្ឌូបានប្រើលាមកគោដើម្បីសម្អាតផ្ទះនិងសម្រាប់ពិធីសូត្រធម៌ដោយជឿថា វាអាចព្យាបាលនិងសម្លាប់មេរោគបាន។

ទោះបីជាយ៉ាងណាក៏ដោយ វេជ្ជបណ្ឌិតនិងអ្នកវិទ្យាសាស្ត្រនៅក្នុងប្រទេសឥណ្ឌានិងនៅទូទាំងពិភពលោកបានព្រមានម្តងហើយម្តងទៀត ប្រឆាំងនឹងការអនុវត្តបែបនេះ ដោយនិយាយថា ពួកគេអាចនាំឲ្យមានបញ្ហាខាងសតិអារម្មណ៍ និងធ្វើឲ្យប៉ះពាល់ធ្ងន់ធ្ងរដល់បញ្ហាសុខភាព៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ India Today

ចុចអាន៖ ប្រជាជនឥណ្ឌា ផ្អើលយកលាមកនិងទឹកនោមគោ ប៉ាតខ្លួនដោយជឿថា​ អាចបង្កើនភាពស៊ាំនិងព្យាបាលកូវីដ