កូវីដ-១៩
ប្រជាជនឥណ្ឌា ផ្អើលយកលាមកនិងទឹកនោមគោ ប៉ាតខ្លួនដោយជឿថា អាចបង្កើនភាពស៊ាំនិងព្យាបាលកូវីដ
នៅរដ្ឋ Gujarat ភាគខាងលិចប្រទេសឥណ្ឌា អ្នកមានជំនឿខ្លះបានសម្រុកទៅក្រោលគោ ម្តងក្នុងមួយសប្តាហ៍ ដើម្បីយកលាមកនិងទឹកនោមគោ មកប៉ាតលើខ្លួន ដោយសង្ឃឹមថា វានឹងជួយបង្កើនភាពស៊ាំរបស់ពួកគេប្រឆាំងនឹងវីរុសកូវីដ-១៩ ឬព្យាបាលពួកគេឲ្យជាសះស្បើយពីជំងឺនេះ។
នៅក្នុងហិណ្ឌូសាសនា សត្វគោគឺជានិមិត្តរូបដ៏ពិសិដ្ឋនៃជីវិតនិងផែនដី ហើយអស់រយៈពេលជាច្រើនសតវត្សរ៍មកហើយ សាសនាហិណ្ឌូបានប្រើលាមកគោដើម្បីសម្អាតផ្ទះនិងសម្រាប់ពិធីសូត្រធម៌ដោយជឿថា វាអាចព្យាបាលនិងសម្លាប់មេរោគបាន។
លោក Gautam Manilal Borisa នាយករងនៃក្រុមហ៊ុនមួយបាននិយាយថា “យើងឃើញហើយ សូម្បីតែគ្រូពេទ្យក៏មកទីនេះដែរ។ ជំនឿរបស់ពួកគេគឺថា ការព្យាបាលបែបនេះធ្វើឲ្យភាពស៊ាំរបស់ពួកគេប្រសើរឡើង ហើយពួកគេអាចទៅរកអ្នកជំងឺដោយគ្មានការភ័យខ្លាច”។ លោកអះអាងថា ការធ្វើបែបនេះ បានជួយគាត់ឲ្យជាសះស្បើយពីជំងឺកូវីដ-១៩ កាលពីឆ្នាំមុន។
ចាប់តាំងពីពេលនោះមក គាត់តែងតែទៅសាលា Shree Swaminarayan Gurukul Vishwavidya Pratishthanam ដែលគ្រប់គ្រងដោយព្រះសង្ឃហិណ្ឌូ ដើម្បីយកលាមកនិងទឹកលោមគោមកប៉ាតខ្លួន។
ទោះបីជាយ៉ាងណាក៏ដោយ វេជ្ជបណ្ឌិតនិងអ្នកវិទ្យាសាស្ត្រនៅក្នុងប្រទេសឥណ្ឌានិងនៅទូទាំងពិភពលោកបានព្រមានម្តងហើយម្តងទៀត ប្រឆាំងនឹងការអនុវត្តបែបនេះ ដោយនិយាយថា ពួកគេអាចនាំឲ្យមានបញ្ហាខាងសតិអារម្មណ៍ និងធ្វើឲ្យប៉ះពាល់ធ្ងន់ធ្ងរដល់បញ្ហាសុខភាព។
វេជ្ជបណ្ឌិត JA Jayalal ប្រធានសមាគមវេជ្ជសាស្ត្រឥណ្ឌាបាននិយាយថា “មិនមានភស្តុតាងវិទ្យាសាស្ត្រជាក់លាក់ណាមួយដែលបង្ហញថា លាមកឬទឹកនោមគោ មានប្រសិទ្ធភាពបង្កើនភាពស៊ាំប្រឆាំងនឹងជំងឺកូវីដ-១៩នោះទេ។ ការធ្វើបែបនេះ គឺពឹងផ្អែកលើជំនឿទាំងស្រុង”។
វាក៏មានហានិភ័យសុខភាពពាក់ព័ន្ធនឹងការប៉ាតឬប្រើប្រាស់របស់ទាំងនេះផងដែរ។ ជំងឺផ្សេងទៀតអាចឆ្លងពីសត្វទៅមនុស្ស។
ក៏មានការព្រួយបារម្ភផងដែរថា ការអនុវត្តបែបនេះ អាចជំរុញឲ្យមានការរីករាលដាលនៃមេរោគកូវីដ-១៩ ដោយសារតែវាពាក់ព័ន្ធនឹងមនុស្សប្រមូលផ្តុំគ្នាជាក្រុម៕
ប្រែសម្រួលដោយ៖ Vann Vann
ប្រភព៖ Reuters
ចុចអាន៖ ព្រះអើយ! គ្មានឈើបូជា សាច់ញាតិជនរងគ្រោះដោយសារកូវីដ បោះសពចូលទន្លេគង្គា អណ្តែតត្រៀបត្រា
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា២ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត