ព័ត៌មានអន្ដរជាតិ
ចិនឆ្លើយតបបែបណាវិញ ក្រោយ Trump ចេញបញ្ជាហាមឃាត់ការវិនិយោគរបស់អាមេរិកជាមួយក្រុមហ៊ុនដែលជួយដល់យោធាខ្លួន
ក្រសួងពាណិជ្ជកម្មចិនបាននិយាយនៅថ្ងៃចន្ទ ទី១៦ ខែវិច្ឆិកា នេះថា សហរដ្ឋអាមេរិកគួរតែបញ្ឈប់ការគាបសង្កត់ក្រុមហ៊ុនចិនដោយមិនសមហេតុផលទៀតទៅ ដោយឆ្លើយតបទៅនឹងការសម្រេចចិត្តរបស់ក្រុងវ៉ាស៊ីនតោនក្នុងការហាមឃាត់ការវិនិយោគរបស់សហរដ្ឋអាមេរិកជាមួយក្រុមហ៊ុនដែលជួយដល់យោធាចិន ។
ក្រសួងបាននិយាយថា ចិនប្រឆាំងដាច់ខាតចំពោះសកម្មភាពរបស់រដ្ឋាភិបាលសហរដ្ឋអាមេរិក ។ ទន្ទឹមនោះក្រសួងការបរទេសចិនក៏បានធ្វើអត្ថាធិប្បាយស្រដៀងគ្នានេះផងដែរដោយធ្វើការរិះគន់សហរដ្ឋអាមេរិកកាលពីសប្តាហ៍មុន ។
ការចេញមុខឆ្លើយតបរបស់ក្រសួងពាណិជ្ជកម្មចិនបានធ្វើឡើង ក្រោយពីសារព័ត៌មាន CNN បានចុះផ្សាយថា លោកប្រធានាធិបតី Donald Trump បានចុះហត្ថលេខាលើបញ្ជាប្រតិបត្តិមួយដោយហាមប្រាមជនជាតិអាមេរិកមិនឲ្យវិនិយោគនៅក្នុងក្រុមហ៊ុនចិនណាដែលរដ្ឋបាលនិយាយថាជាកម្មសិទ្ធិ ឬគ្រប់គ្រងដោយយោធាចិន ។
បទបញ្ជានេះអនុវត្តចំពោះក្រុមហ៊ុនចិនចំនួន ៣១ ដែលអាមេរិកនិយាយថា អាចជួយអភិវឌ្ឍ និងធ្វើទំនើបកម្មយោធាចិន និងគំរាមកំហែងដោយផ្ទាល់ដល់សន្តិសុខអាមេរិក ។
ក្រុមហ៊ុនផលិតស្មាតហ្វូន Huawei និង Hikvision ដែលជាក្រុមហ៊ុនផលិត និងផ្គត់ផ្គង់ឧបករណ៍ឃ្លាំមើលវីដេអូធំជាងគេបំផុតរបស់ពិភពលោកគឺស្ថិតក្នុងចំណោមក្រុមហ៊ុនដែលជាប់ក្នុងបញ្ជីខ្មៅ ។ ក្រុមហ៊ុនមួយចំនួនផ្សេងទៀតដែលជាប់ក្នុងបញ្ជីរួមមានទាំងក្រុមហ៊ុន China Telecom និង China Mobile ដែលធ្វើពាណិជ្ជកម្មនៅផ្សារហ៊ុនទីក្រុងញូវយ៉កផងដែរ ។
បទបញ្ជាដែលគ្រោងនឹងចូលជាធរមាននៅថ្ងៃទី១១ ខែមករា ឆ្នាំ ២០២១ បានកើតឡើងចំពេលដែលការប្រកួតប្រជែងពាណិជ្ជកម្ម និងបច្ចេកវិទ្យាកំពុងឡើងកម្តៅរវាងប្រទេសដែលមានសេដ្ឋកិច្ចធំជាងគេទាំង ២ នៅលើពិភពលោក ៕
ប្រែសម្រួលដោយ ៖ ជីវ័ន្ត
ប្រភព ៖ REUTERS/CNN
ចុចអាន ៖ Trump ចេញបញ្ជាហាមឃាត់ការវិនិយោគរបស់សហរដ្ឋអាមេរិកជាមួយក្រុមហ៊ុនដែលជួយដល់យោធាចិន
ចុចអាន ៖ លោក Trump ទទួលស្គាល់ជាសាធារណៈថា លោក Biden ឈ្នះឆ្នោត
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
កីឡា៧ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៦ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៣ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ២ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ