ព័ត៌មានអន្ដរជាតិ
ត្រីឆ្លាមនៅម៉ាឡេស៊ីកើតមានជំងឺដំបៅលើក្បាលដ៏ចម្លែក
ជីវវិទូសមុទ្របានកំពុងស៊ើបអង្កេតជុំវិញជំងឺស៊ើស្បែកដ៏អាថ៌កំបាំងដែលកើតមានលើក្បាលត្រីឆ្លាមនៅក្នុងប្រទេសម៉ាឡេស៊ី ខណៈតាមរបាយការណ៍ខ្លះលើកឡើងថា ការកើនឡើងសីតុណ្ហភាពសមុទ្រអាចជាមូលហេតុ។
ត្រីឆ្លាមសមុទ្រនេះត្រូវបានគេប្រទាស់ឃើញនៅតាមថ្មប៉ប្រះទឹកនៅពេលថ្ងៃ និងជាកន្លែងដែលពេញនិយមសម្រាប់អ្នកមុជទឹកកម្សាន្តបាតសមុទ្រ។ ត្រីឆ្លាមទាំងនេះមានសកម្មពេលយប់ដើម្បីស្វែងរកចំណី។
រូបភាពមួយបានបង្ហាញត្រីឆ្លាមត្រូវបានគេឃើញមានស្នាមជាំ ដាច់រលាត់ស្បែក ដំបៅលើក្បាល ដែលធ្វើឲ្យមានការចាប់អារម្មណ៍ខ្លាំងកាលពីខែមេសា បន្ទាប់ពីអ្នកថតរូបក្រោមទឹកបានចាប់យករូបភាពនៅកោះ Borneo ក្នុងរដ្ឋ Sabah។
ភ្លាមៗនោះ អ្នកមុជទឹកនៅកោះ Sipadan ជាកន្លែងមុជទឹកបាត់សមុទ្រដ៏ពេញនិយមមួយ ក្រុមអ្នកជំនាញមកពីសាកលវិទ្យាល័យ ក៏ដូចជារដ្ឋាភិបាល និងក្រុមអភិរក្សបានចាប់ផ្តើមតាមដាន និងបានឃើញត្រីឆ្លាមជាច្រើនដែលពួកគេបានជួបគឺកើតមានដំបៅក្បាល។
ដើម្បីព្យាយាមវិភាគលើរោគវិនិច្ឆ័យពីអ្វីដែលបានកើតមាន ក្រុមអ្នកស្រាវជ្រាវបានរកឃើញសីតុណ្ណភាពបាតសមុទ្រនៅកោះ Sipadan កើនឡើងកម្តៅ២៩.៥អង្សាសេកាលពីខែឧសភា ដែលខ្ពស់ជាងកាលពីឆ្នាំ១៩៨៥។
ជីវវិទូសមុទ្រជាន់ខ្ពស់មកពីក្រុមអភិរក្សមិនរកប្រាក់ចំណេញ Reef Guardian លោក Davies Austin Spiji បាននិយាយថា ៖«យើងអាចស្ទើរតែប្រាកដច្បាស់គឺមកពីកម្តៅសមុទ្រដែលពាក់ព័ន្ធនឹងអ្វីដែលយើងឃើញកើតមានលើត្រីឆ្លាមនៅ Sipadan»។
លោកបានច្រានចោលនូវកត្តាដែលបណ្តាលមកពីមនុស្ស ខណៈដែនសមុទ្រនៅ Sipadan ជាតំបន់ការពារដែលការធ្វើនេសាទត្រូវបានហាមឃាតយ៉ាងតឹងតែង ហើយក៏គ្មានរោងចក្រណាមួយនៅជិតនោះដែរ។
យោងតាមសំដីរបស់សាស្ត្រាចារ្យជំនាញបសុពេទ្យទឹកនៅសាកលវិទ្យាល័យ Universiti Putra Malaysia លោក Mohamed Shariff Mohamed Din ថា ការរកឃើញដែលត្រូវបានរាយការណ៍គឺស្របទៅនឹងរបាយការណ៍ពីករណីផ្កាថ្មនៅតំបន់នោះដែរ។
លោកថា ៖«យើងមិនអាច មិនរវល់ពីការប្រែប្រែកំពុងកើតមានឡើងបណ្តាលមកពីសីតុណ្ហភាពឡើងកម្តៅនោះទេ»។
ទោះបីជាយ៉ាងណា ការសិក្សាបែបវិទ្យាសាស្ត្រពេញលេញមិនទាន់ត្រូវបានបញ្ចប់ឡើយ៕
ប្រែសម្រួល៖ វីរបុត្រ
ប្រភព៖ Reuters
-
សេចក្ដីជូនដំណឹង៥ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៣ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៥ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៦ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៤ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៥ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានជាតិ៦ ថ្ងៃ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ
-
សន្តិសុខសង្គម១ សប្តាហ៍ agoបង្ហាញមុខក្រុមជនដៃដល់សម្លាប់នារីភេទទី៣ និងអ្នកបើកតាក់ស៊ី រួចបញ្ជូនទៅកាន់តុលាការ