ទស្សនាបណ្ដុំរូបភាពស្អាតៗ ពិធីបុណ្យអុំទូកនាគ ដែលកំពុងប្រារព្ធនៅទូទាំងប្រទេស ចិន
Connect with us
Helistar Cambodia - Helicopter Charter Services

ព័ត៌មានអន្ដរជាតិ

ទស្សនាបណ្ដុំរូបភាពស្អាតៗ ពិធីបុណ្យអុំទូកនាគ ដែលកំពុងប្រារព្ធនៅទូទាំងប្រទេស ចិន

បានផុស

នៅ

សកម្មភាពផ្សេងៗ កំពុងត្រូវបានធ្វើឡើងនៅទូទាំងប្រទេសចិន នៅពេលដែលប្រជាជនអបអរពិធីបុណ្យអុំទូកនាគ ឬពិធីបុណ្យ Duanwu ដែលជាពិធីដើម្បីរំឭកដល់មរណភាពរបស់កវី និងអ្នកនយោបាយជនជាតិចិន Qu Yuan (៣៤០ ដល់ ២៧៨ មុន គ.ស) ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រណាំងទូកនាគ គឺជាទំនៀមទម្លាប់មួយ ដែលមានប្រជាប្រិយបំផុតនៅក្នុងពិធីបុណ្យនេះ ពោលវាមានអាយុកាល ២,០០០ ឆ្នាំមកហើយ ។ ការប្រណាំងទូកបានកើតឡើង នៅតាមទីក្រុងនានា រួមមានទីក្រុង Jiaxing ទីក្រុង Yueyang និងទីក្រុង Tianjin ជាដើម ខណៈអ្នកអុំទូកជិះក្នុងទូក ដែលមានក្បាល និងកន្ទុយនាគ ។

បច្ចុប្បន្នការប្រណាំងនេះ បានក្លាយជាព្រឹត្តិការណ៍កីឡាប្រចាំឆ្នាំ ដ៏រីករាយ និងរំភើប ហើយក៏បានទាក់ទាញអ្នកចូលរួមប្រកួត ពីក្នុង និងក្រៅប្រទេស ផងដែរ ។

ទន្ទឹមនឹងនេះ ប្រជាជនក៏បានប្រារព្ធពិធីបុណ្យប្រពៃណី ដោយធ្វើម្ហូបប្រពៃណីដូចជា នំចាំង ដែលត្រូវបានគេស្គាល់ជាភាសាចិនថា Zongzi ។ នំនេះត្រូវបានធ្វើពីអង្ករស្អិត ដែលដាក់ជាមួយស្នូរផ្សេងៗគ្នា ហើយរុំដោយស្លឹកឫស្សី ឬស្លឹកប្របុស ។

ចំណែក ការធ្វើម្សៅទឹកអប់ ក៏ជាទំនៀមទម្លាប់ដ៏ពេញនិយមមួយទៀតផងដែរ ។ ឱសថបុរាណចិនជាធម្មតា ត្រូវបានគេរុំដោយក្រណាត់ ហើយជួនកាលត្រូវបានគេប៉ាក់ជាមួយគំរូស្អាតៗ ហើយខ្សែពណ៌ បន្ទាប់មកត្រូវបានភ្ជាប់ទៅនឹងថង់តូចៗ ជារំយោលតុបតែង ។ តាមប្រពៃណី កុមារអាចពាក់វាដើម្បីរារាំងវិញ្ញាណអាក្រក់ និងសត្វល្អិត ជាដើម ។

គួរបញ្ជាក់ថា ពិធីបុណ្យអុំទូកនាគ ត្រូវបានប្រារព្ធធ្វើនៅថ្ងៃទី ៥ ខែទី ៥ តាមប្រតិទិនច័ន្ទគតិចិន ហើយវាត្រូវនឹងថ្ងៃទី ១៤ ខែមិថុនា ឆ្នាំនេះ ៕

ប្រែសម្រួលដោយ ៖ ជីវ័ន្ត

ប្រភព ៖ CGTN

ចុចអាន ៖ ស្ងាត់ៗ វ៉ាក់សាំងចាក់តែមួយដូសរបស់ ចិន ត្រូវប្រទេសមួយនៅអាមេរិកឡាទីនកំពុងអនុម័តប្រើប្រាស់

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services