លោក ស៊ី៖ បរទេសណាដែលគាបសង្កត់ចិន ប្រៀបបានដូចយកខ្លួនទៅបុកជាមួយ ជញ្ជាំងដែកថែបដ៏រឹងមាំ

លោកស៊ីជីនពីង អគ្គលេខាធិការនៃគណៈកម្មាធិការមជ្ឈិមបក្សកុម្មុយនិស្តចិន (CPC) បាននិយាយនៅថ្ងៃព្រហស្បតិ៍នេះថា ប្រជាជនចិន នឹងមិនអនុញ្ញាតឲ្យកម្លាំងបរទេសណាមួយ ធ្វើបាប គាបសង្កត់ឬបង្ក្រាបពួកយើងឡើយ។

លោក ស៊ី ដែលក៏ជាប្រធានាធិបតីចិន និងជាប្រធានគណៈកម្មាធិការយោធាមជ្ឈិមផងដែរនោះ បានថ្លែងនៅក្នុងពិធីប្រារព្ធខួប១០០ឆ្នាំនៃការបង្កើត CPC ថា “អ្នកណាដែលប៉ុនប៉ងធ្វើដូច្នេះ ប្រៀបបានដូចជាយកខ្លួនទៅបុកជាមួយ ជញ្ជាំងដែកថែបដ៏រឹងមាំដែលបង្កើតឡើងដោយប្រជាជនចិនជាង ១.៤ ពាន់លាននាក់”។

លោក ស៊ី និយាយថា “យើងមិនដែលធ្វើបាប គាបសង្កត់ឬដាក់គំនាបលើប្រជាជននៃប្រទេសណាមួយឡើយ ហើយយើងក៏មិនធ្វើដែរ”។

លោកស៊ីបន្តថា ប្រទេសចិនតែងតែធ្វើការដើម្បីការពារសន្តិភាពពិភពលោក រួមចំណែកដល់ការអភិវឌ្ឍសកលលោកនិងរក្សាសណ្តាប់ធ្នាប់អន្តរជាតិ។ 

លោកក៏បានអំពាវនាវ ឲ្យមានខិតខំប្រឹងប្រែងជាបន្តទៀត ដើម្បីលើកកម្ពស់ការកសាងសហគមន៍មនុស្សជាមួយនឹងអនាគតរួមគ្នាផងដែរ៕

ប្រែសម្រួល៖ Vann Vann

ប្រភព៖ Xinhua

ចុចអាន៖ ចិន ប្រារព្ធខួប ១០០ ឆ្នាំនៃការបង្កើតគណបក្សកុម្មុយនិស្ត