ព័ត៌មានអន្ដរជាតិ
ហុងគ្រី ជាប្រទេសអ៊ឺរ៉ុបដំបូងគេទទួលវ៉ាក់សាំង Sputnik V របស់រុស្ស៊ី (មានវីដេអូ)
ហុងគ្រីបានក្លាយជាប្រទេសដំបូងគេនៅអឺរ៉ុបដែលទទួលបានវ៉ាក់សាំងកូវីដ Sputnik V របស់រុស្ស៊ី ខណៈហិបផ្ទុកដបវ៉ាក់សាំងបានទៅដល់ទីក្រុង Budapest ហើយត្រូវបានប្រគល់ទៅឲ្យគ្រូពេទ្យហុងគ្រី ។
ទំព័រប្រព័ន្ធផ្សព្វផ្សាយសង្គមនៃវ៉ាក់សាំង Sputnik V បានប្រកាសប្រគល់វ៉ាក់សាំងដល់ប្រទេសនេះកាលពីថ្ងៃព្រហស្បតិ៍ ។
រដ្ឋមន្រ្តីក្រសួងការបរទេសហុងគ្រីលោក Peter Szijjarto បានបញ្ជាក់នៅលើទំព័រហ្វេសប៊ុករបស់លោកថា “វ៉ាក់សាំងដែលផលិតនៅប្រទេសរុស្ស៊ីបានមកដល់ទីក្រុង Budapest” ។
លោករដ្ឋមន្រ្តីបាននិយាយថា “ឥឡូវនេះវាគឺជាវេនរបស់អ្នកជំនាញហុងគ្រីដើម្បីសិក្សាវ៉ាក់សាំងនេះ” ។ លោកបន្ថែមថា “វានឹងជួយពួកគេធ្វើការសម្រេចចិត្តដែលមានព័ត៌មានច្រើនបំផុត ហើយប្រទេសទាំងពីរកំពុងពិចារណាលើការផលិតវ៉ាក់សាំងរួមគ្នានៅប្រទេសហុងគ្រី” ។
រុស្ស៊ីគឺជាប្រទេសដំបូងគេដែលបានចុះបញ្ជីវ៉ាក់សាំងកូវីដ ១៩ Sputnik V កាលពីខែកញ្ញា ។ នៅដើមខែវិច្ឆិកា ក្រុមហ៊ុនផលិតវ៉ាក់សាំងមួយនេះបាននិយាយថា វាបានបង្ហាញពីប្រសិទ្ធភាព ៩២ ភាគរយបន្ទាប់ពីលទ្ធផលបឋមនៃការសាកល្បងព្យាបាលដំណាក់កាលទី ៣ ទ្រង់ទ្រាយធំ ។
ទន្ទឹមនោះនៅខាងក្រៅទ្វីបអឺរ៉ុបប្រទេសរុស្ស៊ីក៏បានធ្វើការចរចាជាមួយដៃគូដ៏មានសក្តានុពលជាច្រើនផ្សេងទៀតសម្រាប់ការអភិវឌ្ឍ និងផលិតវ៉ាក់សាំងនេះផងដែររួមមានប្រទេសឥណ្ឌា ម៉ិកស៊ិក ប្រេស៊ីល អាហ្ស៊ែបៃហ្សង់ កាហ្សាក់ស្ថាន និងបេឡារុស្ស ជាដើម ៕
សូមទស្សនាវីដេអូ!
An exclusive video of #SputnikV vaccine arriving in Hungary, the first EU country to receive the Russian vaccine pic.twitter.com/HWUrToMEcR
— Sputnik V (@sputnikvaccine) November 19, 2020
ប្រែសម្រួលដោយ ៖ ជីវ័ន្ត
ប្រភព ៖ RT
ចុចអាន ៖ អ្នកតំណាង WHO ប្រចាំប្រទេសរុស្ស៊ីមានសុទិដ្ឋិនិយមអំពីការអនុម័តវ៉ាក់សាំងកូវីដ Sputnik V
-
ព័ត៌មានជាតិ៧ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៥ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៥ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍២៣ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច៦ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore