ព័ត៌មានអន្ដរជាតិ
ប្រទេសអាស៊ាន៣នេះ បុគ្គលិកពេទ្យឆ្លងកូវីដច្រើន
ជំងឺឆ្លងកូវីដ-១៩បានកំពុងរាតត្បាតយ៉ាងអាក្រក់ក្នុងបណ្តាប្រទេសអាស៊ាន បើទោះជាអ្នកខ្លះបានចាក់វ៉ាក់សាំងបង្ការរួចហើយ។ សូម្បីតែបុគ្គលិកសុខាភិបាលក៏ឆ្លងជាច្រើននាក់ក្នុងនោះមានប្រទេសអាស៊ាន៣ដែលមានបុគ្គលិកសុខាភិបាលឆ្លងច្រើនជាងគេគឺឥណ្ឌូណេស៊ី ម៉ាឡេស៊ី និងថៃ។
ម៉ាឡេស៊ី
តាមការផ្សាយរបស់ CNA កាលពីថ្ងៃទី១៣ ខែកក្កដា រដ្ឋមន្ត្រីសម្រួបសម្រួលថ្នាក់ជាតិរបស់ប្រទេសម៉ាឡេស៊ីសម្រាប់វវ៉ាក់សាំងបង្ការជំងឺកូវីដ-១៩ លោក Khairy Jamaluddin បានឲ្យដឹងនៅថ្ងៃអង្គារ៍ ទី១៣ ខែកក្កដា ថា បុគ្គលិកសុខាភិបាលម៉ាឡេស៊ីចំនួន២០៤នាក់ដែលធ្វើការនៅមជ្ឈមណ្ឌលវ៉ាក់សាំងក្នុងរដ្ឋ Selangor បានឆ្លងកូវីដ-១៩។
មជ្ឈមណ្ឌលវ៉ាក់សាំងស្ថិតនៅអគារ Ideal Convention Centre (IDCC) ក្នុងរដ្ឋ Shah Alam ត្រូវបានបិទដើម្បីធ្វើការសម្អាត។
លោក Khairy បានបន្ថែមថា ករណីឆ្លងត្រូវបានរកឃើញ បន្ទាប់ពីបុគ្គលិកសុខាភិបាលទាំងអស់៤៥៣នាក់នៅមជ្ឈមណ្ឌលវ៉ាក់សាំងត្រូវបានធ្វើតេស្តកាលពីថ្ងៃសៅរ៍។ លោកបញ្ជាក់ថា ក្នុងចំណោមបុគ្គលិកសុខាភិបាលទាំងអស់មានប្រហែល៤០០នាក់ ឬ៨៨%បានចាក់វ៉ាក់សាំងរួចហើយ។
ថៃ
តាមការផ្សាយរបស់ Bangkokpost ក្រសួងសុខាភិបាលសាធារណៈថៃកាលពីថ្ងៃអាទិត្យ ទី១១ ខែកក្កដា បានឲ្យដឹងថា បុគ្គលិកសុខាភិបាលជាង៦០០នាក់បានឆ្លងកូវីដ-១៩ បើទោះជាពួកគាត់បានចាក់វ៉ាក់សាំង Sinovac ទាំងពីរដូសរួចរាល់ហើយក្តី។
ទិន្នន័យរបស់ក្រសួងចាប់ពីថ្ងៃទី១ ខែមេសា ដល់ទី១៩ ខែកក្កដា បានបង្ហាញថា ក្នុងចំណោមបុគ្គលិកសុខាភិបាល ៦៧៧ ៣៤៨នាក់ដែលបានចាក់វ៉ាក់សាំង Sinovac ទាំងពីរដូសរួចរាល់ហើយ មាន៦១៨នាក់ស្មើជាង១% បានឆ្លងកូវីដ-១៩ និងគីលានុប្បដ្ឋាយិកាម្នាក់បានស្លាប់ ហើយម្នាក់ទៀតកំពុងមានអាការធ្ងន់។
ឥណ្ឌូណេស៊ី
តាមការផ្សាយរបស់ទីភ្នាក់សារព័ត៌មាន Reuters កាលពីថ្ងៃទី១៧ ខែមិថុនា ថា បុគ្គលិកសុខាភិបាលឥណ្ឌូណេស៊ីជាង ៣៥០ នាក់បានឆ្លងកូវីដ-១៩ បើទោះបីជាពួកគេបានចាក់វ៉ាក់សាំង Sinovac រួចទៅហើយក្ដី។
លោកវេជ្ជបណ្ឌិត Badai Ismoyo ប្រធានការិយាល័យសុខាភិបាលក្រុង Kudus កោះ Java បានឲ្យដឹងថា ភាគច្រើននៃវេជ្ជបណ្ឌិតទាំងនោះ មានលេចឡើងរោគសញ្ញា។ ពួកគេក៏បានដាក់ខ្លួនឯងឱ្យនៅដាច់ដោយឡែកនៅតាមផ្ទះរៀងៗខ្លួន។ ប៉ុន្តែពួកគេជាច្រើននាក់ទៀតកំពុងសម្រាកព្យាបាលនៅឯមន្ទីរពេទ្យ៕
ប្រែសម្រួល៖ វីរបុត្រ
ប្រភព៖ CNA, Reuters & bangkokpost
-
សេចក្ដីជូនដំណឹង៧ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៥ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា១ ថ្ងៃ agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
ព័ត៌មានអន្ដរជាតិ៦ ម៉ោង agoឥណ្ឌា តវ៉ាយ៉ាងខ្លាំង ចំពោះអាមេរិកដែលវាយប្រហារនាវាដឹកប្រេងបណ្តាលនាវិកឥណ្ឌា ៣នាក់ស្លាប់
-
សេដ្ឋកិច្ច១ សប្តាហ៍ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ៧ ថ្ងៃ agoកម្ពុជា ថោ្កលទោសយោធាថៃយ៉ាងខ្លាំងក្លាដែលដុតបំផ្លាញជណ្តើរឡើងប្រាសាទខ្នារ ទីតាំងបេតិកភណ្ឌវប្បធម៌
-
ព័ត៌មានអន្ដរជាតិ១ សប្តាហ៍ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
សន្តិសុខសង្គម៦ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម