ព័ត៌មានអន្ដរជាតិ
សហរដ្ឋអាមេរិក ដកខ្លួនចេញពីសន្ធិសញ្ញា Open Skies ជាផ្លូវការ
ក្រសួងការបរទេសអាមេរិកបាននិយាយកាលពីថ្ងៃអាទិត្យថា សហរដ្ឋអាមេរិកបានដកខ្លួនជាផ្លូវការចេញពីសន្ធិសញ្ញាបើកចំហមេឃ (Open Skies) ដែលការចាកចេញនេះបានកើតឡើង៦ខែបន្ទាប់ពីលោកប្រធានាធិបតី Donald Trump ប្រកាសពីការសម្រេចចិត្តរបស់គាត់។
អ្នកនាំពាក្យ Cale Brown បាននិយាយក្នុងសេចក្តីថ្លែងការណ៍មួយថា “នៅថ្ងៃទី២២ខែឧសភាឆ្នាំ២០២០ សហរដ្ឋអាមេរិកបានអនុវត្តសិទ្ធិរបស់ខ្លួនដោយយោងតាមកថាខ័ណ្ឌទី២នៃមាត្រាទី១៥របស់សន្ធិសញ្ញា Open Skies ដោយផ្តល់សេចក្តីជូនដំណឹងដល់ភាគីសន្ធិសញ្ញានិងរដ្ឋជាភាគីទាំងអស់នៃសេចក្តីសម្រេចដកខ្លួនចេញពីសន្ធិសញ្ញានេះដោយមានប្រសិទ្ធិភាពក្នុងរយៈពេល៦ខែទៀតគិតចាប់ពីថ្ងៃជូនដំណឹងនេះទៅ”។
សេចក្តីថ្លែងការណ៍បន្តថា “ពេល៦ខែកន្លងផុតទៅ ការដកខ្លួនរបស់សហរដ្ឋអាមេរិកនឹងចូលជាធរមានហើយសហរដ្ឋអាមេរិកលែងជារដ្ឋភាគីនៃសន្ធិសញ្ញា Open Skies ទៀតហើយ”។
សន្ធិសញ្ញានេះអនុញ្ញាតឲ្យប្រទេសនានាហោះហើរពីលើទឹកដីរបស់គ្នាទៅវិញទៅមកតាមជើងហោះហើរឈ្លបយកការណ៍យោធាដែលជាវិធានការមួយដើម្បីជួយជំរុញទំនុកចិត្តនិងបញ្ជាក់ថា គ្មានប្រទេសណាមួយកំពុងត្រៀមរៀបចំធ្វើសង្គ្រាមនោះទេ។
ប្រទេសចំនួន៣៤គឺជាភាគីនៃសន្ធិសញ្ញានេះរួមមានរុស្ស៊ី ទួរគី បណ្តាប្រទេសអឺរ៉ុបជាច្រើននិងកាណាដាផងដែរ។
សហរដ្ឋអាមេរិកបាននិយាយម្តងហើយម្តងទៀតថា ប្រទេសរុស្ស៊ីកំពុងរំលោភលើសន្ធិសញ្ញានេះចាប់តាំងពីឆ្នាំ២០១៧មក។
លោក Trump បានប្រកាសពីការសម្រេចដកខ្លួនចេញពីសន្ធិសញ្ញានេះកាលពីខែឧសភាដោយនិយាយថា “រុស្ស៊ីមិនគោរពតាមសន្ធិសញ្ញានេះទេដូច្នេះ យើងនឹងដកខ្លួនចេញ”៕
ប្រែសម្រួលដោយ៖ Vann Vann
ប្រភព៖ Anadolu
ចុចអាន៖ Joe Biden ប្រាប់ Suga អាមេរិកនឹងការពារកោះ Senkaku ពីការទាមទាររបស់ចិន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ