ប្រុងប្រយ័ត្ន! វីរុសកូវីដបំប្លែងខ្លួនក្លាយពូជឆ្លងខ្លាំងជាង Delta ចូលដល់ ថៃ ហើយ (មានវីដេអូ)

នៅទីបំផុត វីរុសកូវីដបំប្លែងខ្លួនក្លាយពូជ Delta Plus ដែលមានសមត្ថភាពឆ្លងខ្លាំងជាង Delta ដល់ទៅ១០ភាគរយ បានចូលដល់ប្រទេសថៃហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការរកឃើញនេះ ត្រូវបានប្រកាសដោយលោក Chawetsan Namwat ប្រធានផ្នែកគ្រប់គ្រងគ្រោះថ្នាក់សុខភាព និងជំងឺឆ្លងរបស់ក្រសួងសុខាភិបាលថៃ ក្នុងអំឡុងពេលធ្វើសន្និសីទសារព័ត៌មានស្តីពីជំងឺរាតត្បាត។

លោកវេជ្ជបណ្ឌិត Chawetsan បាននិយាយថា វីរុសបំប្លែងខ្លួនក្លាយពូជដែលត្រូវបានគេស្គាល់ថា AY.4.2 មួយនេះ ត្រូវបានរកឃើញនៅក្នុងខ្លួនបុរសអាយុ ៤៩ឆ្នាំម្នាក់ ដែលធ្វើការនៅតំបន់ Bang Sai នៃខេត្ត អយុធ្យា កាលពីខែមុន។ បុរសម្នាក់នោះ មិនមានប្រវត្តិធ្វើដំណើរទៅកាន់តំបន់គ្រោះថ្នាក់ ឬទៅក្រៅប្រទេសទេ។

លោកវេជ្ជបណ្ឌិតកត់សម្គាល់ថា វាជាករណីវីរុសបំប្លែងខ្លួន Delta Plus តែមួយគត់របស់ប្រទេសថៃ ហើយសំណាកអ្នកជំងឺត្រូវបានបញ្ជូនទៅធ្វើតេស្តនៅវិទ្យាស្ថានស្រាវជ្រាវវិទ្យាសាស្ត្រវេជ្ជសាស្ត្រកងកម្លាំងប្រដាប់អាវុធ។

ទោះបីជាយ៉ាងណាក៏ដោយ អ្នកជំងឺរូបនេះបានជាសះស្បើយហើយ ហើយករណីឆ្លងលើអ្នកពាក់ព័ន្ធមិនទាន់ត្រូវបានរកឃើញឡើយ៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Bangkok Post

ចុចអាន៖ នេះរោគសញ្ញា វីរុសបំប្លែងខ្លួនក្លាយពូជឆ្លងលឿនជាង Delta ១០ដង