ព័ត៌មានអន្ដរជាតិ

ចិនផ្ទុះកូវីដថ្មីអាក្រក់បំផុតចាប់តាំងពីកើតដំបូងនៅអ៊ូហាន

បានផុស

៥ years មុន

នៅ

ថ្ងៃសុក្រ ៣០ កក្កដា ២០២១

ដោយ

ប្រទេសចិនបានផ្ទុះឆ្លងកូវីដ-១៩ដ៏អាក្រក់នៅទីក្រុងណាន់ជីងដែលបានរាលដាលទៅខេត្ត៥ និងក្រុងប៉េកាំង។ នេះបើតាមការផ្សាយរបស់សារព័ត៌មានរដ្ឋ និងបានហៅថាជា ការឆ្លងដ៏អាក្រក់បំផុតចាប់តាំងពីកើតដំបូងនៅអ៊ូហាន។

មនុស្សស្ទើរតែ២០០នាក់បានឆ្លងកូវីដចាប់តាំងពីវីរុសត្រូវបានរកឃើញលើកដំបូងនៅព្រលានយន្តហោះដ៏មមាញឹករបស់ទីក្រុងណាន់ជីងកាលពីថ្ងៃទី២០ ខែកក្កដា។

តាមការផ្សាយសារព័ត៌មាន Global Times ថា ជើងហោះហើរទាំងអស់នៅព្រលានយន្តហោះ ណាន់ជីងនឹងត្រូវផ្អាករហូតដល់ថ្ងៃទី១១ ខែសីហា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មន្ត្រីក៏បានចាប់ផ្តើមធ្វើតេស្តទ្រង់ទ្រាយធំនៅទីក្រុងមួយនេះចំពេលរងការរិះគន់ខ្លាំងពីបរាជ័យរបស់ពួកគេ។

តាមការផ្សាយរបស់ Xinhua ថា ប្រជាជនទាំងអស់៩.៣លាននាក់នៅទីក្រុងណាន់ជីងរាប់ទាំងអ្នកទើបទៅដល់ត្រូវធ្វើតេស្តទាំងអស់។

មន្ត្រីជឿថា ការផ្ទុះឆ្លងថ្មីៗនេះគឺដោយសារវីរុសបំប្លែងខ្លួន Delta ដែលឆ្លងលឿន និងអាក្រក់ ហើយក៏បណ្តាលមកពីកើតឡើងនៅកន្លែងដែលមានមនុស្សមមាញឹកខ្លាំង។

អ្នកគ្រប់គ្រងព្រលានយន្តហោះត្រូវបានស្តីបន្ទោស ដោយស្ថាប័នគ្រប់គ្រងជាន់ខ្ពស់នៃបក្សកុម្មុយនិស្តចិននិយាយថា បញ្ហាកើតមានឡើងដោយសារតែកង្វះការគ្រប់គ្រង និងលក្ខណៈអាជីព។

ការធ្វើតេស្តបានបង្ហាញថា ឥឡូវនេះវីរុសបានរាលដាលឆ្លងហោចណាស់១២ទីក្រុងរាប់ទាំង Chengdu និងប៉េកាំង។