ព័ត៌មានអន្ដរជាតិ
ចិន បិទខ្ទប់ប្រជាជនរាប់លាននាក់ ខណៈ Delta រាលដាលដល់ ខេត្តក្រុង ជាង ៣០
នៅថ្ងៃចន្ទទី២ខែសីហានេះ មនុស្សរាប់លាននាក់ត្រូវបានបង្ខាំងក្នុងផ្ទះរបស់ពួកគេ នៅប្រទេសចិន ខណៈប្រទេសនេះ ព្យាយាមទប់ស្កាត់ការផ្ទុះកូវីដ ទ្រង់ទ្រាយធំបំផុតមិនធ្លាប់មានក្នុងរយៈពេលប៉ុន្មានខែចុងក្រោយ។
នៅថ្ងៃចន្ទ ប្រទេសចិន បានរាយការណ៍ពីករណីឆ្លងកូវីដក្នុងសហគមន៍ ចំនួន ៥៥ ករណី វីរុសបំប្លែងខ្លួនឆ្លងសាហាវ Delta បានរាលដាលដល់ទីក្រុងជាង ២០ និងខេត្តជាង ១២។
បច្ចុប្បន្ន រដ្ឋាភិបាលមូលដ្ឋាននៅក្នុងទីក្រុងធំ ៗ រួមទាំងរដ្ឋធានីប៉េកាំងផងដែរ បានធ្វើតេស្តប្រជាជនរាប់លាននាក់ ព្រមទាំងបិទបរិវេណលំនៅដ្ឋាននិងឲ្យអ្នកប៉ះពាល់ជាមួយអ្នកជំងឺ ត្រូវធ្វើចត្តាឡីស័កផងដែរ
ទីក្រុង Zhuzhou ក្នុងខេត្ត Hunan បានបញ្ជាឲ្យប្រជាជនជាង ១,២ លាននាក់ ស្នាក់នៅក្នុងផ្ទះក្រោមវិធានការបិទខ្ទប់យ៉ាងតឹងរ៉ឹងនៅបីថ្ងៃខាងមុខ ស្របពេលខ្លួនចាប់ផ្តើមយុទ្ធនាការធ្វើតេស្តនិងចាក់វ៉ាក់សាំងទូទាំងទីក្រុង។
ការផ្ទុះឡើងចុងក្រោយបំផុត ទាក់ទងទៅនឹងចង្កោមនៅ Nanjing ដែលអ្នកបោសសំអាត ៩ នាក់នៅអាកាសយានដ្ឋានអន្តរជាតិ បានធ្វើតេស្តវិជ្ជមានកាលពីថ្ងៃទី ២០ ខែកក្កដា កំពុងតែគំរាមកំហែងដល់ជោគជ័យរបស់ចិន ក្នុងការគ្រប់គ្រងវិបត្តិកូវីដដោយត្រឹមរយៈពេល២សប្តាហ៍ ចិន រកឃើញអ្នកឆ្លងក្នុងសហគមន៍ជាង ៣៦០ ករណី។
នៅចំណុចទិសដៅទេសចរណ៍ Zhangjiajie ជិត Zhuzhou ការផ្ទុះឡើងកាលពីខែមុន បានរាលដាលក្នុងចំណោមអ្នកចូលក្នុងរោងមហោស្រព។ Zhangjiajie បានបិទខ្ទប់ប្រជាជនទាំងអស់ ១.៥លាននាក់ កាលពីថ្ងៃសុក្រ។
ទន្ទឹមនឹងនេះ ទីក្រុងប៉េកាំង បានរារាំងអ្នកទេសចរមិនឲ្យចូល អំឡុងរដូវកាលធ្វើទេសចរណ៍រដូវក្តៅ។ មន្រ្តីទីក្រុងកំពូល ៗ កាលពីថ្ងៃអាទិត្យ បានអំពាវនាវឲ្យប្រជាជន កុំចាកចេញពីទីក្រុងប៉េកាំងបើមិនចាំបាច់។
សង្កាត់ Changping របស់រដ្ឋធានី បានបិទខ្ទប់មនុស្ស ៤១,០០០ នាក់នៅក្នុងសហគមន៍លំនៅដ្ឋានចំនួន ៩ កាលពីសប្តាហ៍មុន៕
ប្រែសម្រួល៖ Vann Vann
ប្រភព៖ CNA
ចុចអាន៖ ផ្ទុះវិញហើយ ចិន រកឃើញអ្នកឆ្លងកូវីដច្រើនបំផុតលើកទី ២ ចាប់តាំងពីចុងខែមករា
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៧ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ព័ត៌មានជាតិ២៣ ម៉ោង ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ២ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ