ខាត់ ស្រីច័ន្ទ បង្ហើបបំណងចង់គ្រប់គ្រងកម្មវិធីប្រកួត Miss World Cambodia

អ្នកគ្រប់គ្រងនិងរៀបចំកម្មវិធី Miss Mera Cambodia 2024 កញ្ញា ខាត់ ស្រីច័ន្ទ បានបង្ហាញឆន្ទ:ចង់ក្លាយជាអ្នកគ្រប់កម្មវិធីប្រកួតសម្រស់ Miss World Cambodia ខណ:ដែលកន្លងមកជាងជោគជ័យ ក្នុងការរៀបចំកម្មវិធី Miss Mera ជាលើកដំបូង។

កត់សម្គាល់ដែរថា ថ្វីដ្បិតការរៀបចំកម្មវិធីប្រកួតសម្រស់លើកដំបូង Miss Mera Cambodia 2024 ទទួលបានជោគជ័យ និងទទួលបានការគាំទ្រសរសើរច្រើនពីមហាជន ពិសេសអ្នកនិយមតាមដានវិស័យបវរកញ្ញា ប៉ុន្តែងាកមកមើលកញ្ញា ខាត់ ស្រីច័ន្ទ កាលពីថ្មីៗ បែរជាបង្ហាញអារម្មណ៍ហាក់បាក់ទឹកចិត្តលែងចង់ធ្វើកម្មវិធីនេះបន្ត។

ដោយឡែក អ្វីដែលមហាជនចាប់អារម្មណ៍ពេលនេះ ស្រាប់អ្នកគ្រប់គ្រងនិងរៀបចំកម្មវិធី Miss Mera រូបនេះ បានបង្ហាញចេតនាចង់គ្រប់គ្រងកម្មវិធីប្រកួត Miss world Cambodia វិញម្តង។ កញ្ញា ខាត់ ស្រីច័ន្ទ រៀបរាប់ពីចំណាប់អារម្មណ៍ថា “បើខ្ញុំមានវាសនាបានគ្រប់គ្រង Miss world នៅថ្ងៃមួយ ខ្ញុំសន្យាថានឹងបញ្ជូនបេក្ខភាពទៅប្រកួតលើឆាកអន្តរជាតិ។ នាងថា ខ្លួនពិតជាស្រលាញ់ Miss world កាន់តែខ្លាំង”។

តាមរយ:ការលើកឡើងពីសំណាក់តារាស្រីកញ្ញា ខាត់ ស្រីច័ន្ទ ខាងលើ គេឃើញមានមហាជន ពិសេសអ្នកនិយមតាមដានវិស័យបវរកញ្ញាបានជម្រុញលើកទឹកចិត្តខ្លួនទិញសិទ្ធិកម្មវិធីនេះ មករៀបចំ ខណ:សាម៉ីខ្លីបញ្ជាក់យ៉ាងដែរថាឥឡូវនៅមាន ND ទុកអោយគាត់ធ្វើសិន។

សូមជម្រាបថាកញ្ញា ខាត់ ស្រីច័ន្ទ ហៅ Kate Cat គឺជាអ្នកគ្រប់គ្រងកម្មវិធីប្រកួតសម្រស់ Miss Mera Cambodia ២០២៤ ហើយថ្វីត្បិតតែកម្មកម្មវិធីប្រកួតសម្រស់នេះ ទើបបើកទំព័រដំបូងបង្កើតដោយកូនខ្មែរក៏ពិតមែន តែសម្រាប់ការលេចវត្តមាននេះគឺបានធ្វើឱ្យអ្នកគាំទ្រកោតសរសើរការដឹកនាំរបស់នាងកន្លងមកផងដែរ៕ ចាន់រ៉ា