កីឡា

លោក ហេង សុឃន លើកទឹកចិត្តកីឡាករ កីឡាការិនី ហាត់ទាំងគុនខ្មែរ និងឃីកបុកស៊ីង ព្រោះទីផ្សារធំ

បានផុស

១ year មុន

នៅ

ថ្ងៃពុធ ៤ មិថុនា ២០២៥

ដោយ

លោក ហេង សុឃន លើកទឹកចិត្តដល់កីឡាករ កីឡាការិនីទាំងអស់គួរហាត់ទាំងគុនខ្មែរ និងប្រភេទឃីកបុកស៊ីងផងដែរ ព្រោះបច្ចុប្បន្ននេះទីផ្សារប្រកួតមានច្រើន និងតម្លៃខ្លួនប្រកួតក៏ខ្ពស់ផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រូបភាពហ្វេសបុក លោក ហេង សុឃន

ប្រធានសហព័ន្ធកីឡាឃីកបុកស៊ីងកម្ពុជា លោក ហេង សុឃន បានឲ្យដឹងថា បច្ចុប្បន្ននេះទីផ្សារប្រកួតមានច្រើនទាំងក្នុងប្រទេស និងនៅឯក្រៅប្រទេសជាដើម។ ជាមួយគ្នានេះដែរកីឡាករ កីឡាការិនីបច្ចុប្បន្ននេះភាគច្រើនក៏មានជីវភាពធូរធារដែរ ដោយសារទីផ្សារប្រកួតច្រើនផង និងតម្លៃខ្លួនខ្ពស់ផង។

លោក ហេង សុឃន

ងាកទៅផ្សារឯក្រៅស្រុកវិញពិសេសខាងប្រភេទឃីកបុកស៊ីងគឺកីឡាករមានតម្លៃខ្លួនប្រកួតខ្ពស់ៗមែនទែន និងសំបូរកម្មវិធីប្រកួតទៅទៀត។ ដូច្នេះហើយលោកលើកទឹកចិត្តអ្នកដែលហ្វឹកហាត់ប្រដាល់រាល់ថ្ងៃនេះគួរហាត់ទាំងផ្នែកគុនខ្មែរ និងឃីកបុកស៊ីង ពិសេសខំប្រឹងពង្រឹងសមត្ថភាពឲ្យល្អ ខ្លាំងពិតប្រាកដនោះមិនខ្វះទីផ្សារប្រកួតនោះឡើយ។

កីឡាករទាំងអស់គួរចាប់ឱកាសដែលទីផ្សារកំពុងពេញនិយមនេះឲ្យបានដើម្បីកេរ្តិ៍ឈ្មោះ និងជីវភាពក្រុមគ្រួសារកាន់តែល្អប្រសើរឡើងបន្ថែមទៀត។

រូបភាពហ្វេសបុក លោក ហេង សុឃន

បញ្ជាក់ដែរថា លោក ហេង សុឃន បច្ចុប្បន្ននេះជាប្រធានសហព័ន្ធកីឡាឃីកបុកស៊ីងកម្ពុជា។ លោកក៏ជាបុគ្គលមានស្នាដៃមួយក្នុងវិស័យប្រដាល់ផងដែរទាំងផ្នែកគុនខ្មែរ និងឃីកបុកស៊ីង តាមរយៈការដឹកនាំដោយលោកផ្ទាល់ពីមុនដណ្ដើមមេដាយមាសជាច្រើនគ្រឿងនៅព្រឹត្តិការណ៍ស៊ីហ្គេម ឯប្រទេសវៀតណាម និងកម្ពុជា។ ក្រៅតែពីព្រឹត្តិការណ៍នេះហើយលោកក៏ធ្លាប់ដឹកនាំឲ្យឈ្នះមេដាយព្រឹត្តិការណ៍ជើងឯកអាស៊ី ជើងឯកអាស៊ីអាគ្នេយ៍ និងកម្មវិធីមួយចំនួនទៀត៕