ព័ត៌មានអន្ដរជាតិ
លោក ចូ បៃដិន ផ្តល់កន្លែងសុវត្ថិភាពដល់ពលរដ្ឋហុងកុងនៅអាមេរិក
លោកប្រធានាធិបតីសហរដ្ឋអាមេរិក ចូ បៃដិន កាលពីថ្ងៃព្រហស្បតិ៍ម្សិលមិញបានផ្តល់ការស្នាក់នៅដោយសុវត្ថិភាពដល់ប្រជាជនហុងកុងដែលស្ថិតនៅអាមេរិក ដោយអនុញ្ញាតឲ្យមនុស្សរាប់ពាន់នាក់បន្តស្នាក់នៅជាការឆ្លើយតបទៅនឹងការបង្ក្រាបរបស់ចិន។
លោក បៃដិន បានដឹកនាំក្រសួងសន្តិសុខមាតុភូមិដើម្បីអនុវត្តការពន្យាពេលនៃការដកចេញរហូតដល់១៨ខែសម្រាប់ប្រជាជនហុងកុងដែលស្ថិតនៅអាមេរិកបច្ចុប្បន្នដោយលើកឡើងពីហេតុផលគោលនយោបាយការបរទេសយកអាសារ។
លោក បៃដិន មានប្រសាសន៍ថា ៖«កាលពីឆ្នាំមុន ប្រទេសចិនបានបន្តវាយលុកទៅលើតំបន់ស្វ័យតហុងកុង ធ្វើឲ្យប៉ះពាល់ដល់ដំណើរការ និងស្ថាប័នប្រជាធិបតេយ្យដែលនៅសេសសល់ ការដាក់កម្រិតសេរីភាពក្នុងការសិក្សា និងបង្ក្រាបលើសេរីភាពសារព័ត៌មាន»។
លោកថា ការផ្តល់ជម្រកសុវត្ថិភាពសម្រាប់ប្រជាជនហុងកុងធ្វើឲ្យផលប្រយោជន៍សហរដ្ឋអាមេរិកកាន់តែប្រសើរឡើងនៅក្នុងតំបន់។ អាមេរិកនឹងមិនរារែកឡើងដើម្បីផ្តល់ការគាំទ្រដល់ប្រជាជននៅហុងកុង។
យោងតាមមន្ត្រីជាន់ខ្ពស់រដ្ឋបាលម្នាក់ឲ្យដឹងថា គេមិនទាន់ដឹងច្បាស់ទេថាតើមនុស្សប៉ុន្មាននាក់ដែលចលនានឹងធ្វើឲ្យប៉ះពាល់ ប៉ុន្តែភាគច្រើននៃប្រជាជនហុងកុងនៅអាមេរិកបច្ចុប្បន្ននេះត្រូវបានគេរំពឹងថានឹងមានសិទ្ធិទទួលបាន។
សេតវិមានបាននិយាយថា ចំណាត់ការនេះគឺធ្វើឲ្យច្បាស់ថា សហរដ្ឋអាមេរិកនឹងមិនឈរនៅស្ងៀមស្ងាត់ឡើយ ដោយសារប្រទេសចិនបានបំពានសន្យារបស់ខ្លួនទៅលើហុងកុង និងសហគមន៍អន្តរជាតិ។
លោក Alejandro Mayorkas រដ្ឋមន្ត្រីក្រសួងសន្តិសុខមាតុភូមិអាមេរិកបានឲ្យដឹងថា អ្នកមានសិទ្ធិទាំងនោះក៏អាចស្វែងរកសិទ្ធិធ្វើការងារបានដែរ៕
ប្រែសម្រួល៖ វីរបុត្រ
ប្រភព៖ reuters
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៨ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)