ព័ត៌មានអន្ដរជាតិ

មន្ត្រីជាន់ខ្ពស់ចិនបន្ទោសអាមេរិកដកទ័ពពីអាហ្វហ្គានីស្ថានលឿនពេក

បានផុស

៥ years មុន

នៅ

ថ្ងៃអង្គារ ១៧ សីហា ២០២១

ដោយ

រដ្ឋមន្ត្រីក្រសួងការបរទេសចិនលោក Wang Yi បានប្រាប់រដ្ឋមន្ត្រីក្រសួងការបរទេសអាមេរិកលោក Antony Blinken កាលពីថ្ងៃចន្ទ ទី១៦ ខែសីហានេះថា ការដកកងទ័ពអាមេរិកចេញពីប្រទេសអាហ្វហ្គានីស្ថានយ៉ាងឆាប់រហ័សបែបនេះមានផលអវិជ្ជមានធ្ងន់ធ្ងរ ប៉ុន្តែលោកបានសន្យាធ្វើការជាមួយរដ្ឋាភិបាលក្រុងវ៉ាស៊ីនតោនដើម្បីជំរុញស្ថេរភាពក្នុងប្រទេស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជនស៊ីវិលរាប់ពាន់នាក់ដែលអស់សង្ឃឹមបានព្យាយាមភៀសខ្លួនដោយនាំគ្នារត់ទាំងហ្វូងលើផ្លូវតែមួយនៅព្រលានយន្តហោះក្រុងកាប៊ុលកាលពីចន្ទ បន្ទាប់ពីតាលីបង់បានកាន់កាប់រដ្ឋធានីដែលប្រឈមនឹងកម្លាំងទ័ពអាមេរិកដាក់ពង្រាយទីនោះដើម្បីជម្លៀសមនុស្ស។

លោកប្រធានាធិបតីសហរដ្ឋអាមេរិក ចូ បៃដិន បានស្តីបន្ទោសការដណ្តើមកាន់កាប់អាហ្វហ្គានីស្ថានរបស់ពួកតាលីបង់ ស្របពេលមេដឹកនាំតាលីបង់បានភៀសខ្លួនទៅក្រៅប្រទេស ហើយកម្លាំងទ័ពអាហ្វហ្គានីស្ថានគ្មានឆន្ទៈប្រយុទ្ធជាមួយសកម្មប្រយុទ្ធតាលីបង់។

ក្រសួងការបរទេសអាមេរិកនិយាយក្នុងសេចក្តីថ្លែងការណ៍ខ្លីមួយថា លោករដ្ឋមន្ត្រី Blinken បាជជែកជាមួយលោក Wang អំពី«ស្ថានភាពសន្តិសុខ និងកិច្ចខិតខំប្រឹងប្រែងរបស់យើងដើម្បីនាំពលរដ្ឋអាមេរិក និងពលរដ្ឋចិនទៅកាន់ទីសុវត្ថិភាព»។

សេចក្តីថ្លែងការណ៍បានលើកឡើងថា លោករដ្ឋមន្ត្រី Blinken ក៏បានជជែកគ្នាដាច់ដោយឡែកជាមួយរដ្ឋមន្ត្រីការបរទេសរុស្ស៊ី Sergei Lavrov។

យោងតាមការផ្សាយរបស់សារព័ត៌មានរដ្ឋចិនថា លោក Wang បានប្រាប់លោក Blinken អំពីការពិតនៅសមរភូមិក្នុងប្រទេសអាហ្វហ្គានីស្ថានបញ្ជាក់ថាជាគំរូបរទេសមួយដែលមិនអាចត្រូវបានអនុវត្តតាមអំពើចិត្តដែលប្រទេសមួយមានវប្បធម៌ និងប្រវត្តិសាស្ត្រខុសគ្នាឡើយ។

ទូរទស្សន៍រដ្ឋចិន CCTV បានស្រង់សំដីរបស់លោក Wang ថា ៖«ការប្រើប្រាស់កម្លាំងទ័ព និងយោធាដើម្បីដោះស្រាយបញ្ហានឹងគ្រាន់តែបង្កើនពួកគេ។ មេរៀននេះសមនឹងទទួលបាននូវផលមកវិញដ៏ធ្ងន់ធ្ងរ»។

លោក Wang បានលើកឡើងថា ប្រទេសចិនមានឆន្ទៈដើម្បីទំនាក់ទំនងជាមួយរដ្ឋាភិបាលវ៉ាស៊ីនតោនក្នុងការជួយទប់ស្កាត់សង្គ្រាមស៊ីវិលថ្មី ឬគ្រោះមហន្តរាយមនុស្សធម៌ បន្ទាប់ពីផលអវិជ្ជមានដ៏ធ្ងន់ធ្ងរនៃការដកកងទ័ពអាមេរិកយ៉ាងឆាប់រហ័ស។

«ប៉ុន្តែសហរដ្ឋអាមេរិកមិនអាចស្វែងរកការទប់ស្កាត់ និងកៀបសង្កត់ចិន ហើយបំផ្លាញសិទ្ធិ និងផលប្រយោជន៍ស្របច្បាប់របស់ចិនបានឡើយ ហើយម្យ៉ាងវិញទៀត សេចក្តីសង្ឃឹមសម្រាប់កិច្ចសហប្រតិបត្តិការរបស់ចិន»។ លោក Wang មានប្រសាសន៍៕