អង់គ្លេសបន្ធូរបន្ថយការរឹតត្បិតប្រទេសនៅថ្ងៃបុណ្យណូអែល

រដ្ឋាភិបាលអង់គ្លេសនិយាយថា ខ្លួននឹងបន្ធូរបន្ថយជាបណ្តោះអាសន្ននូវការរឹតត្បិតការស្នាក់នៅក្នុងផ្ទះ មានន័យថា សមាជិកក្រុមគ្រួសារអាចចំណាយពេលវេលានាថ្ងៃបុណ្យណូអែលជាមួយគ្នា អំឡុងពេលមានជំងឺរាតត្បាតកូវីដ ១៩ ។

ផែនការរដូវរងារកូវីដ ១៩ របស់រដ្ឋាភិបាលដែលបានធ្វើបច្ចុប្បន្នភាពកាលពីថ្ងៃចន្ទបាននិយាយថា ការជួបជុំគ្រួសារដែលមានគ្នារហូតដល់ ៣ នាក់នឹងត្រូវអនុញ្ញាតឲ្យនៅក្នុងផ្ទះ ឬខាងក្រៅរយៈពេល ៥ ថ្ងៃចាប់ពីថ្ងៃទី ២៣ ដល់ ២៧ ខែធ្នូ ។

ប្រទេសអង់គ្លេស ស្កុតលែន វែលស៍ និងអៀរឡង់ខាងជើងមានការរឹតត្បិតឯករាជ្យ ។ ប៉ុន្តែមន្ត្រីនិយាយថា ក្នុងរយៈពេល ៥ ថ្ងៃនេះបង្អួច និងទ្វារនឹងត្រូវអនុញ្ញាតឲ្យបើកទាំងអស់ដើម្បីឲ្យក្រុមគ្រួសារអាចជួបគ្នានៅថ្ងៃឈប់សម្រាកនេះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកនាយករដ្ឋមន្រ្តី Boris Johnson បាននិយាយនៅក្នុងវីដេអូតាម Twitter ថា ប្រជាជនមានបំណងចំណាយពេលជាមួយគ្រួសារ និងមិត្តភក្តិដោយមិនគិតពីជំនឿ ឬសាវតា ។

ប្រទេសអង់គ្លេសបានដាក់ការបិទប្រទេសនៅថ្ងៃទី ៥ ខែវិច្ឆិកា ប៉ុន្តែចាប់ពីថ្ងៃទី ២ ខែធ្នូ វានឹងត្រូវជំនួសដោយវិធានការណ៍ក្នុងតំបន់ ។

លោក Johnson បាននិយាយថា គាត់នឹងបន្ធូរបន្ថយការរឹតត្បិត ខណៈពេលកំពុងតាមដានស្ថានភាពករណីឆ្លង ។ ប្រទេសអង់គ្លេសបានទទួលរងនូវចំនួនអ្នកស្លាប់ដោយសារជំងឺកូវីដ ១៩ ច្រើនជាងគេបំផុតនៅអឺរ៉ុបដោយមានមនុស្សស្លាប់ជាង ៥ ម៉ឺននាក់ និងមានករណីឆ្លង ១.៥៦ លានករណី ៕

ប្រែសម្រួលដោយ ៖ ជីវ័ន្ត

ប្រភព ៖ NHK