ក្រោយចាក់វ៉ាក់សាំងមួយដូស Johnson & Johnson បានគម្លាត ៦ ខែ ការការពារប្រឆាំងវីរុសនឹងកាន់តែរឹងមាំ

ក្រុមហ៊ុនផលិតថ្នាំ Johnson & Johnson បានប្រកាសថា ផ្អែកតាមការសិក្សាថ្មី មនុស្សដែលទទួលវ៉ាក់សាំង ១ដូស អាចបង្កើតអង្គទីគ័រក្នុងរាងកាយ ខណៈពួកគេទុកចន្លោះ ចាក់ដូសទី ២ រយៈពេល ៦ ខែឡើង បានបន្ថែម​ការការពារ​ប្រឆាំងនឹងវីរុសខ្លាំងក្លា ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមហ៊ុនបាននិយាយថា ​អ្នកដែលបានទទួលថ្នាំ​បន្ទាប់ពីរយៈពេល ៦ ខែ មានអង្គទីគ័រ​ច្រើនលើសពីមួយខែ​ បន្ទាប់ពីពួកគេបានចាក់​លើកដំបូង។

Johnson & Johnson និយាយថា​ ការសាកល្បងនៅដំណាក់កាលដំបូង​បានបង្ហាញថា ឧបករណ៍​រំញោចបានផ្តល់នូវការកើនឡើងយ៉ាងឆាប់រហ័ស​និងរឹងមាំ នៅក្នុងអង្គបដិបក្ខ​ដែលភ្ជាប់ការកើនឡើង​ ហើយហាក់​ដូចជាផ្តល់ការការពារបន្ថែម ​ប្រសិនបើប្រសិទ្ធភាពនៃការចាក់​ដំបូងចាប់ផ្តើមថយចុះ​តាម​ពេលវេលា។

កាលពីដើម​ខែ​នេះ ​មជ្ឈមណ្ឌល​គ្រប់គ្រង​និង​បង្ការ​ជំងឺ​បាន​ផ្ដល់​អនុសាសន៍​ថា ​ជនជាតិ​អាមេរិក​ដែល​បាន​ទទួល​វ៉ាក់សាំង Pfizer ឬ Moderna ត្រូវ​មាន​គំលាត​រយៈពេល ៨ ខែ​ បន្ទាប់​ពី​ការ​ចាក់​លើក​ទី ២ គឺដូចគ្នានឹងអ្នកចាក់ Johnson & Johnson ដែរ ។

លោកវេជ្ជបណ្ឌិត Mathai Mammen ប្រធានផ្នែកស្រាវជ្រាវនិងអភិវឌ្ឍន៍របស់ក្រុមហ៊ុនបុត្រសម្ព័ន្ធ Johnson & Johnson បាននិយាយនៅក្នុងសេចក្តីថ្លែងការណ៍មួយថា ” ការបង្កើនកម្រិតវ៉ាក់ Johnson & Johnson បន្ថែមបង្កើនការឆ្លើយតបអង្គបដិបក្ខក្នុងចំណោមអ្នកចូលរួម ក្នុងការសិក្សាដែលពីមុនបានទទួលវ៉ាក់សាំងរបស់យើង “។

យើងទន្ទឹងរង់ចាំពិភាក្សាជាមួយមន្រ្តីសុខាភិបាលសាធារណៈ​ នូវយុទ្ធសាស្ត្រដ៏មានសក្តានុពលមួយ សម្រាប់វ៉ាក់សាំង Johnson & Johnson របស់យើង ដោយបង្កើនរយៈពេល៦ខែឬយូរជាងនេះ បន្ទាប់ពីការចាក់វ៉ាក់សាំងតែមួយដូសដំបូង៕

ប្រែសម្រួល៖ សាង ស្រីល័ក្ខ

ប្រភព៖UPI

ចុចអាន៖អ្នកជាសះស្បើយហើយ បើបានចាក់វ៉ាក់សាំងគ្រប់ដូសទៀត រឹតតែការពារមិនលាប់កូវីដ ជាពិសេស Johnson & Johnson

ចុចអាន៖ក្រោយចាក់វ៉ាក់សាំង Johnson & Johnson រួច យុវវ័យ និងមនុស្សចាស់ ត្រូវប្ដូរទម្លាប់ហូបចុកភ្លាមៗ