ព័ត៌មានអន្ដរជាតិ
ឆ្លងទម្លុះវ៉ាក់សាំង មនុស្សវ័យចំណាស់ប្រឈមនឹងឈឺធ្ងន់ធ្ងរខ្លាំងជាងក្មេង
មនុស្សដែលបានចាក់វ៉ាក់សាំងពេញប្រឈមនឹងចូលពេទ្យ ឬស្លាប់ដោយសារកូវីដ-១៩ទាបពោលគឺទាបជាងខ្លាំងនឹងអ្នកមិនទាន់ចាក់វ៉ាក់សាំង។ ប៉ុន្តែករណីឆ្លងកម្រសម្រាប់អ្នកចាក់វ៉ាក់សាំងរួចហើយក៏អាចកើតមានដែរដែលហៅថា ឆ្លងទម្លុះវ៉ាក់សាំង ហើយបើតាមទិន្នន័យបង្ហាញថា មនុស្សវ័យចំណាស់ និងអ្នកដែលមានបញ្ហាសុខភាពដោយជំងឺផ្សេងៗស្រាប់គឺប្រឈមនឹងហានិភ័យជំងឺធ្ងន់ធ្ងរ។
គិតត្រឹមថ្ងៃទី៣០ ខែសីហា មជ្ឈមណ្ឌលគ្រប់គ្រង និងបង្ការជំងឺឆ្លងអាមេរិក (CDC) បានទទួលរបាយការណ៍ពីករណីឆ្លងទម្លុះចំនួន ១២៩០៨នាក់នៃអ្នកដែលបានចាក់វ៉ាក់សាំងពេញដែលបានចូលមន្ទីរពេទ្យ ឬស្លាប់។ ប្រជាជនជាង១៧៣លាននាក់ដែលបានចាក់វ៉ាក់សាំងពេញរហូតដល់ពេលនេះគឺមានឱកាសតិចជាង១ក្នុងចំណោមឱកាស១៣០០០ដែលបានឆ្លងទម្លុះបណ្តាលឲ្យឈឺធ្ងន់ធ្ងរ។
ទិន្នន័យរបស់ CDC បានបង្ហាញថា ប្រហែលជា៧០%នៃករណីឆ្លងទម្លុះបណ្តាលឲ្យចូលមន្ទីរពេទ្យក្នុងចំណោមមនុស្សអាយុ៦៥ឆ្នាំ និងច្រើនជាងនេះ ហើយប្រហែលជា៨៧%នៃករណីឆ្លងទម្លុះដែលបណ្តាលឲ្យស្លាប់ក្នុងចំណោមមនុស្សអាយុ៦៥ឆ្នាំ និងច្រើនជាងនេះ។
ទិន្នន័យរបស់ CDC ផ្អែកលើរបាយការណ៍ស្ម័គ្រចិត្តដែលទទួលបានពីរដ្ឋនានា និងប្រហែលជាមិនពេញលេញ ប៉ុន្តែតាមការសិក្សាជាច្រើនគឺរកឃើញប្រហាក់ប្រហែលនេះដែរ។
ការសិក្សាមួយរបស់ CDC កាលពីសប្តាហ៍មុនបង្ហាញថា មនុស្សធំពេញវ័យមិនទាន់ចាក់វ៉ាក់សាំងនៅអាមេរិកទំនងជាចូលមន្ទីរពេទ្យដោយកូវីដ-១៩ច្រើនជាងមនុស្សធំដែលបានចាក់វ៉ាក់សាំងពេញ១៧ដង ហើយអ្នកជំងឺចូលមន្ទីរពេទ្យដោយករណីឆ្លងទម្លុះភាគច្រើនជាងមនុស្សវ័យចំណាស់ និងទំនងជាមានជំងឺផ្សេងៗទៀតដែលហោចណាស់៣ដង។
ក្នុងចំណោមមនុស្សធំបានចាក់វ៉ាក់សាំងពេញដែលបានឆ្លងទម្លុះត្រូវបានបញ្ជូនចូលមន្ទីរពេទ្យគឺមានអាយុជាមធ្យម៧៣ឆ្នាំ និងប្រហែលជា៧១%មានស្ថានភាពដុនដាបស្រាប់ដោយជំងឺផ្សេងៗដល់ទៅ៣ដង ឬច្រើនជាងនេះដូចជា ជំងឺទឹកនោមផ្អែម ជំងឺបេះដូង លក្ខខណ្ឌស្វ័យស៊ាំ និងជំងឺផ្សេងៗទៀត។
ការសិក្សារកឃើញថា អ្នកជំងឺមិនទាន់ចាក់វ៉ាក់សាំងចូលមន្ទីរពេទ្យដោយកូវីដ-១៩អាយុជាមធ្យម៦៩ឆ្នាំ និងប្រហែលជា៥៧%មានភាពដុនដាបដោយជំងឺផ្សេងៗស្រាប់។
ចាប់ពីចុងខែមិថុនាដល់ចុងខែកក្កដា ជារយៈពេលវីរុសបំប្លែងខ្លួន Delta រាតត្បាតខ្លាំងហោចណាស់ពាក់កណ្តាលករណីកូវីដ-១៩ទាំងអស់ មនុស្សធំអត់ទាន់ចាក់វ៉ាក់សាំងនៅអាមេរិកទំនងចូលមន្ទីរពេទ្យដល់ទៅ១០ដងច្រើនជាងមនុស្សធំដែលបានចាក់វ៉ាក់សាំងពេញ។ ទាំងកូវីដទូទៅ និង Delta បញ្ហាប្រឈមនៃការចូលមន្ទីរពេទ្យធ្ងន់ធ្ងរខ្លាំងសម្រាប់មនុស្សធំដែលមិនទាន់ចាក់វ៉ាក់សាំងនៅគ្រប់ក្រុមអាយុ ប៉ុន្តែគម្លាតហានិភ័យខ្លាំងក្នុងចំណោមមនុស្សអាយុក្រោម៥០ឆ្នាំ៕
ប្រែសម្រួល៖ វីរបុត្រ
ប្រភព៖ CNN
-
សន្តិសុខសង្គម២ ថ្ងៃ agoទុរេនរាប់តោននៅផ្សារភូពុយ អនុញ្ញាតឱ្យបន្តលក់ ក្រោយមន្ត្រីជំនាញប្រមូលសំណាក និងសាកសួរប្រភពនាំចូល
-
ព័ត៌មានជាតិ៧ ថ្ងៃ agoសមត្ថកិច្ចឃាត់ខ្លួនជនសង្ស័យជនជាតិថៃ២នាក់និងខ្មែរម្នាក់ ករណីជួញដូរសារធាតុញៀន
-
ព័ត៌មានអន្ដរជាតិ១ សប្តាហ៍ agoតំណាងអាមេរិកនិងអ៊ីរ៉ង់ ប៉ះសម្តីគ្នាយ៉ាងខ្លាំងនៅសន្និសីទនុយក្លេអ៊ែរ របស់អង្គការសហប្រជាជាតិ
-
ព័ត៌មានជាតិ៥ ថ្ងៃ agoស្ថានទូតអូស្ត្រាលីប្រចាំកម្ពុជាឆ្លើយតបនឹងហេតុការណ៍ទាហានថៃផ្ទុះអាវុធកាលពីថ្ងៃទី២៩ ខែមេសា
-
ព័ត៌មានជាតិ៦ ថ្ងៃ agoទាហានថៃបាញ់កាំភ្លើង៩គ្រាប់ មុខអនុព័ន្ធយោធាអាម៉េរិក ចិន រុស្ស៊ី ជប៉ុន ដែលចុះសង្កេតការណ៍នៅអូរស្មាច់
-
ព័ត៌មានអន្ដរជាតិ៤ ថ្ងៃ agoរដ្ឋបាលលោក ត្រាំ បកស្រាយថា «សង្គ្រាមចប់ហើយ» ដើម្បីគេចពីការសុំច្បាប់សភា
-
សេដ្ឋកិច្ច២ ម៉ោង agoរដ្ឋាភិបាលហាមឃាត់ក្រុមហ៊ុនផលិតស្រា និងភេសជ្ជៈផ្ដល់រង្វាន់តាមក្រវិលកំប៉ុង ចាប់ពីដើមខែតុលា ឆ្នាំនេះ
-
ព័ត៌មានជាតិ៥ ថ្ងៃ agoកុលបុត្រកុលធីតា ៣២៨រូប ចូលរួមពិធីបួសនៅវត្តព្រះឥន្ទទេព ដើម្បីតបស្នងសងគុណ និងអបអរសាទរវិសាខបូជា