ព័ត៌មានអន្ដរជាតិ

ធ្វើដំណើរអត់ពាក់ម៉ាស់ អាមេរិកចេញការពិន័យថ្មីជាប្រាក់កើនឡើងទ្វេដង

បានផុស

៥ years មុន

នៅ

ថ្ងៃសៅរ៍ ១១ កញ្ញា ២០២១

ដោយ

សហរដ្ឋអាមេរិកបានកែប្រែការពិន័យសម្រាប់អ្នកអត់ពាក់ម៉ាស់ពេលធ្វើដំណើរជាសាធារណៈកើនឡើងទ្វេដង។

នៅពេលការឆ្លើយតបនឹងកូវីដ-១៩ចាប់ផ្តើមរឹតបន្តឹងជាថ្មីកាលពីថ្ងៃសុក្រម្សិលមិញនេះ ការពិន័យជាប្រាក់សម្រាប់អ្នកអត់ពាក់ម៉ាស់ពេលធ្វើដំណើរកើនឡើងពី ២៥០ – ១៥០០ដុល្លារ ដល់ទៅ ៥០០ – ៣០០០ដុល្លារអាមេរិក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកប្រធានាធិបតីសហរដ្ឋអាមេរិក ចូ បៃដិន មានប្រសាសន៍ថា ដើម្បីជួយដល់អ្នកជំងឺកូវីដ-១៩ដែលរងផលប៉ះពាល់ពីវីរុសបំប្លែងខ្លួនឆ្លងកាច Delta កំពុងកើនឡើងខ្ពស់ សហរដ្ឋអាមេរិកនឹងបង្កើនលទ្ធភាពការព្យាបាលជាថ្មីដែរ។

លោកថា ការព្យាយាលត្រូវបានបង្ហាញពីការកាត់បន្ថយហានិភ័យនៃការចូលមន្ទីរពេទ្យរហូតដល់៧០%សម្រាប់មនុស្សដែលមិនទាន់ចាក់វ៉ាក់សាំង។

កាលពីថ្ងៃព្រហស្បតិ៍ នាយកដ្ឋានប៉ូលិសក្រុងញូវយ៉កបានបញ្ជាក់ថា បុគ្គលិកណាម្នាក់ដែលមិនទាន់ចាក់វ៉ាក់សាំង ឬគ្មានភស្តុតាងបង្ហាញពីការធ្វើតេស្តអវិជ្ជមានកូវីដ-១៩នឹងមិនត្រូវបានអនុញ្ញាតឲ្យចូលធ្វើការ និងមិនទទួលបានប្រាក់ខែថែមទៀត។

អភិបាលក្រុងញូវយ៉ក លោក Bill de Blasio ក៏ធ្លាប់បានប្រកាសថា រាល់ការជ្រើសរើសបុគ្គលិកណាម្នាក់សម្រាប់ទីភ្នាក់ងារនៅទីក្រុងញូវយ៉កណាមួយគឺទាមទារឲ្យមានការចាក់វ៉ាក់សាំងពេញ។

កាលពីថ្ងៃព្រហស្បតិ៍ លោកប្រធានាធិបតី ចូ បៃដិន បានដាក់ចេញផែនការថ្មីដែលតម្រូវឲ្យបុគ្គលិករដ្ឋាភិបាលសហព័ន្ធ ស្ថាប័ន និងបុគ្គលិកសុខាភិបាលត្រូវតែចាក់វ៉ាក់សាំងទាំងអស់៕

ប្រែសម្រួល៖ វីរបុត្រ
ប្រភព៖ CNN