ចិន ផ្ទុះកូវីដ ក្នុង សាលាបឋម
Connect with us
Helistar Cambodia - Helicopter Charter Services

ព័ត៌មានអន្ដរជាតិ

ចិន ផ្ទុះកូវីដ ក្នុង សាលាបឋម

បានផុស

នៅ

ប្រទេសចិន បានជួបប្រទះការកើនឡើងថ្មីនៃករណីឆ្លងជំងឺកូវីដ-១៩ ដែលជាប់ទាក់ទងទៅនឹងសាលាបឋមសិក្សាមួយក្នុងខេត្ត Fujian។

របាយការណ៍ដំបូងបង្ហាញថា ការផ្ទុះឡើងនេះ អាចបណ្តាលមកពីឪពុករបស់សិស្សម្នាក់ ដែលបានធ្វើតេស្តវិជ្ជមានកាលពីសប្តាហ៍មុន បន្ទាប់ពីវិលត្រលប់មកពីប្រទេសសិង្ហបុរី កាលពីថ្ងៃទី៤ខែសីហា។

អាជ្ញាធរនៅ Fujian បានបញ្ជាឲ្យគ្រូនិងសិស្សទាំងអស់ ត្រូវធ្វើតេស្តក្នុងរយៈពេលមួយសប្តាហ៍បន្ទាប់ពីមានករណីជាង១០០ ត្រូវបានរាយការណ៍ក្នុងរយៈពេល៤ថ្ងៃ។

គេមិនច្បាស់ទេថា តើឪពុករបស់សិស្សម្នាក់នោះ ពិតជាបានឆ្លងមេរោគនៅក្រៅប្រទេសឬយ៉ាងណា។

ទីក្រុង Putian ក្នុងខេត្ត Fujian ដែលមានប្រជាជនប្រមាណ៣លាននាក់ ហាក់ដូចជាស្ថិតក្នុងចំណោមកន្លែងដែលរងគ្រោះខ្លាំងបំផុត។

ទន្ទឹមនឹងនេះ ក្រុមមន្រ្តីបានចាត់វិធានការដើម្បីទប់ស្កាត់ការផ្ទុះឡើងថ្មី នៃជំងឺជំងឺកូវីដ-១៩។

សាលារៀនត្រូវបានបិទ ហើយអ្នកណាដែលចាកចេញពីទីក្រុង Putian ត្រូវតែមានភស្តុតាងបង្ហាញការធ្វើតេស្តកូវីដអវិជ្ជមាន ក្នុងរយៈពេល ៤៨ ម៉ោងចុងក្រោយ។

ទីតាំងសាធារណៈដូចជា រោងភាពយន្ត សារមន្ទីរនិងបណ្ណាល័យ ត្រូវបានបញ្ជាឲ្យផ្អាក ហើយភោជនីយដ្ឋាននានាត្រូវបានស្នើឲ្យកំណត់ម៉ោងបើកដំណើរការរបស់ពួកគេ។

គួរបញ្ជាក់ថា រលកចុងក្រោយនេះ កើតឡើងមួយខែ បន្ទាប់ពីប្រទេសចិន ទប់ទល់នឹងការផ្ទុះឡើងនៅទីក្រុង Nanjing ដែលជាការផ្ទុះឡើងធំបំផុតចាប់តាំងពីការផ្ទុះនៅ Wuhan៕

ប្រែសម្រួល៖ Vann Vann

ប្រភព៖ BBC

ចុចអាន៖ WHO ណែនាំ វៀតណាម ៣ ចំណុច ដើម្បី ទប់ ស្កាត់ កូវីដ ខណៈ ប៉ុន្មាន សប្តាហ៍ ខាង មុខចាំបាច់ ខ្លាំង

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៧ ម៉ោង មុន

កម្ពុជា​ទទួល​ដែក​រ៉ៃ​ និង កំណល់​បេតុង​ផ្លូវ​រថភ្លើង​ ដែល​ជា​ជំនួយឥតសំណង​របស់​រាជរដ្ឋាភិបាល​ថៃ​ជាង​៤ ម៉ឺន​តោន

ព័ត៌មានជាតិ៧ ម៉ោង មុន

រយៈ​៩​ខែ​ឆ្នាំ​២០២១ មាន​ជនរងគ្រោះ​ដោយសារ​មីន​ស្លាប់ ១០​នាក់​,​របួស​១៨​នាក់​និង​ពិការ​ចំនួន​៦​នាក់

ព័ត៌មានជាតិ៩ ម៉ោង មុន

ប្រគល់​រថយន្ត ២២៩​គ្រឿង ជូន​ម្ចាស់​វិញ​ដោយ​យោង​តាម​អនុសាសន៍​ណែនាំ​ដ៏​ខ្ពង់ខ្ពស់​របស់​សម្តេច​តេ​ជោ ហ៊ុន សែន

ព័ត៌មានជាតិ៩ ម៉ោង មុន

ក្រសួង​សេដ្ឋកិច្ច​បាន​ចុះ​ហត្ថលេខា​ជាមួយ​វិទ្យាស្ថាន​នគរូបនីយកម្ម​និង​ឌី​សាញ​ស៊ិន​ជិន​រៀបចំ​ផែនការមេ​អភិវឌ្ឍន៍​ខេត្ត​ព្រះសីហនុ

ព័ត៌មានជាតិ១០ ម៉ោង មុន

អតីត​យុទ្ធជន​ពិការ​ដោយសារ​សង្គ្រាម​១២​គ្រួសារ ​ទទួល​អំណោយ​ឯកឧត្តម​បណ្ឌិត ហ៊ុន ម៉ា​ណែត និង​លោកជំទាវ ពេ​ជ ចន្ទ​មុន្នី

Sokha Hotels

ព័ត៌មានពេញនិយម

Helistar Cambodia - Helicopter Charter Services