ព័ត៌មានអន្ដរជាតិ
អង់គ្លេស ប្រកាសក្លាយជាមហាអំណាចបច្ចេកវិទ្យា AI ក្នុងរយៈពេល ១០ ឆ្នាំខាងមុខ
យោងតាមឯកសាររបស់យុទ្ធសាស្ត្រជាតិ AI (NAIS) ដែលត្រូវបានបោះពុម្ពផ្សាយដោយរដ្ឋាភិបាលកាលពីថ្ងៃពុធបានឲ្យដឹងថា ចក្រភពអង់គ្លេសមានបំណងក្លាយជាប្រទេសមហាអំណាចមួយនៅក្នុងវិស័យបច្ចេកវិទ្យា AI ក្នុងរយៈពេល ១០ ឆ្នាំខាងមុខនេះ ។
ឯកសារនោះបាននិយាយថា “ដោយមានជំនួយពីប្រព័ន្ធអេកូឡូស៊ី AI ដែលកំពុងមានការរីកចម្រើន និងប្រព័ន្ធស្រាវជ្រាវ និងការអភិវឌ្ឍន៍ (R&D) ឈានមុខគេនៅលើពិភពលោក យុទ្ធសាស្ត្រ NAIS នេះនឹងបកប្រែសក្តានុពលដ៏ធំរបស់បច្ចេកវិទ្យា AI ឲ្យកាន់តែរីកចម្រើន វិបុលភាព និងអត្ថប្រយោជន៍សង្គមសម្រាប់ចក្រភពអង់គ្លេស និងដឹកនាំការទទួលខុសត្រូវក្នុងការអនុវត្តបច្ចេកវិទ្យា AI ទៅនឹងបញ្ហាប្រឈមធំបំផុតនាសតវត្សរ៍ទី ២១ នេះ ។
យោងតាមយុទ្ធសាស្ត្រនេះ ក្នុងរយៈពេល ១០ ឆ្នាំខាងមុខ បច្ចេកវិទ្យា AI នឹងជះឥទ្ធិពលយ៉ាងខ្លាំងដល់អាជីវកម្ម និងសន្តិសុខនៅលើសកលលោក ហើយចក្រភពអង់គ្លេសមានការចាប់ផ្តើមមុនគេ ពេលនិយាយអំពីការបង្កើតឧបករណ៍ AI សម្រាប់សេដ្ឋកិច្ចថ្មី ។
ទន្ទឹមនោះ ដើម្បីសម្រេចបានគោលដៅនេះ NAIS ផ្តោតលើការវិនិយោគ និងការធ្វើផែនការសម្រាប់តម្រូវការរយៈពេលវែងនៃប្រព័ន្ធអេកូឡូស៊ី AI គាំទ្រការផ្លាស់ប្តូរទៅរកសេដ្ឋកិច្ចដែលអាចប្រើបច្ចេកវិទ្យា AI និងធានាអភិបាលកិច្ចប្រកបដោយប្រសិទ្ធភាពនៃបច្ចេកវិទ្យា AI ។
ឯកសារនោះបាននិយាយថា NAIS នឹងបង្ហាញដល់ពិភពលោកនូវគោលបំណងរបស់យើងក្នុងការបង្កើតបរិយាកាសបទប្បញ្ញត្តិប្រកបដោយការច្នៃប្រឌិតបំផុតនៅលើពិភពលោក ដើម្បីជំរុញភាពរុងរឿងនៅទូទាំងចក្រភពអង់គ្លេស និងធានាថា មនុស្សគ្រប់គ្នាអាចទទួលបានអត្ថប្រយោជន៍ពីបច្ចេកវិទ្យា AI និងអនុវត្ត AI ដើម្បីជួយដោះស្រាយបញ្ហាពិភពលោកដូចជា ការបម្រែបម្រួលអាកាសធាតុ ជាដើម ។
ជាចុងក្រោយរដ្ឋាភិបាលចក្រភពអង់គ្លេសរំពឹងថា បច្ចេកវិទ្យា AI នឹងបង្កើនភាពធន់ ផលិតភាព កំណើនសេដ្ឋកិច្ច និងការច្នៃប្រឌិតនៅទូទាំងវិស័យឯកជន និងសាធារណៈ ប៉ុន្តែវានឹងត្រូវការកិច្ចខិតខំប្រឹងប្រែងរបស់សង្គមទាំងមូលផងដែរ ដើម្បីនឹងបន្តនៅទសវត្សរ៍ក្រោយៗក្នុងការសម្រេចបាននូវសក្តានុពលរបស់ខ្លួន ៕
ប្រែសម្រួលដោយ ៖ ជីវ័ន្ត
ប្រភព ៖ Sputnik
ចុចអាន ៖ ព័ត៌មានលម្អិតរបស់អ្នកបកប្រែជនជាតិអាហ្វហ្គានីស្ថាន ត្រូវ អង់គ្លេស ច្រឡំដៃទម្លាយខ្ទេចគ្មានសល់
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង