តាលីបង់ បន្តអនុវត្តទណ្ឌកម្មឃោរឃៅ កាត់ដៃជើងចោរលួច ឬប្លន់ ប្រហារជីវិតអ្នកប្រព្រឹត្តឃាតកម្ម
Connect with us
Helistar Cambodia - Helicopter Charter Services

ព័ត៌មានអន្ដរជាតិ

តាលីបង់ បន្តអនុវត្តទណ្ឌកម្មឃោរឃៅ កាត់ដៃជើងចោរលួច ឬប្លន់ ប្រហារជីវិតអ្នកប្រព្រឹត្តឃាតកម្ម

បានផុស

នៅ

យោងតាមសមាជិកស្ថាបនិកក្រុមតាលីបង់ម្នាក់ឈ្មោះ Mullah Nooruddin Turabi នៅក្នុងបទសម្ភាសន៍ជាមួយ AP បានឲ្យដឹងថា តាលីបង់នឹងមិនបញ្ចប់ការប្រើប្រាស់ទណ្ឌកម្មតាមច្បាប់ Sharia ដែលខ្លួនបានអនុម័ត ក្នុងអំឡុងពេលគ្រប់គ្រង ៥ ឆ្នាំរបស់ខ្លួននៅអាហ្វហ្គានីស្ថានចន្លោះឆ្នាំ ១៩៩៦ និងឆ្នាំ ២០០១ នោះទេ ។

លោក Turabi ដែលពីមុនធ្លាប់ធ្វើជារដ្ឋមន្ត្រីក្រសួងយុត្តិធម៌ និងបច្ចុប្បន្នជាអ្នកត្រួតពិនិត្យពន្ធនាគារនៅក្នុងរដ្ឋាភិបាលតាលីបង់ថ្មី បានកត់សម្គាល់ថា ប៉ុន្តែការដាក់ទណ្ឌកម្មទាំងនេះអាចលែងមានជាសាធារណៈតទៅទៀតហើយ ។

ក្នុងទស្សវត្សរ៍ឆ្នាំ ១៩៩០ ក្រុមតាលីបង់បានប្រើពហុកីឡាដ្ឋាននៅទីក្រុងកាប៊ុល និងទីធ្លានៃវិហារឥស្លាម Eid Gah ដើម្បីដាក់ទណ្ឌកម្មផ្សេងៗ រួមទាំងការកាត់ដៃជើងចោរលួច និងប្លន់ និងប្រហារជីវិតចំពោះអ្នកដែលត្រូវបានផ្តន្ទាទោសពីបទឃាតកម្ម ។

ការអនុវត្តឡើងវិញនៃប្រពៃណីទាំងនេះបានទាក់ទាញការរិះគន់ពីសហគមន៍អន្តរជាតិ ដែលកន្លងមកបានប្តេជ្ញាដាក់សម្ពាធលើក្រុមតាលីបង់ក្នុងការសម្របសម្រួលការអនុវត្តច្បាប់ទណ្ឌកម្មរបស់ខ្លួន ។ ទោះយ៉ាងណាលោក Turabi បានព្រមានដល់បរទេសកុំឲ្យបន្តជ្រៀតជ្រែកអនុវត្តវិធីការទូតនេះ ។

លោក Turabi បាននិយាយថា “មនុស្សគ្រប់គ្នាបានរិះគន់យើងចំពោះការដាក់ទណ្ឌកម្មនៅក្នុងពហុកីឡាដ្ឋាន ប៉ុន្តែយើងមិនដែលនិយាយអ្វីអំពីច្បាប់ និងការដាក់ទណ្ឌកម្មរបស់ពួកគេវិញឡើយ ។ គ្មាននរណាម្នាក់នឹងប្រាប់យើងថា ច្បាប់របស់យើងគួរជាអ្វីទេ ។ យើងនឹងគោរពតាមសាសនាឥស្លាម ហើយយើងនឹងបង្កើតច្បាប់ថ្មីរបស់យើងលើគម្ពីរកូរ៉ាន” ។

លោក Turabi បានកត់សម្គាល់នៅក្នុងបទសម្ភាសន៍ជាមួយអ្នកកាសែតស្ត្រីម្នាក់ថា “បញ្ហានៃការដាក់ទណ្ឌកម្មសាធារណៈត្រូវបានពិភាក្សានៅក្នុងរដ្ឋាភិបាលថ្មី ហើយរឿងខ្លះនឹងផ្លាស់ប្តូរ បើប្រៀបធៀបទៅនឹងច្បាប់តាលីបង់មុន ។ ប៉ុន្តែការកាត់ដៃជើងចោរលួច ឬប្លន់គឺនៅតែចាំបាច់សម្រាប់សន្តិសុខយើង” ។

ជាចុងក្រោយលោក Turabi បាននិយាយថា ការផ្លាស់ប្តូរគួរឲ្យកត់សម្គាល់មួយទៀត បើប្រៀបធៀបទៅនឹងការគ្រប់គ្រងរបស់តាលីបង់ក្នុងឆ្នាំ ១៩៩០ គឺថា ក្រោមការផ្តួចផ្តើមរបស់រដ្ឋាភិបាលថ្មីនឹងត្រូវបានដោះស្រាយដោយចៅក្រមនៅក្នុងតុលាការ ទោះបីជាសេចក្តីសម្រេចនេះនឹងនៅតែផ្អែកលើច្បាប់ Sharia ក៏ដោយ ។ កាលពីអតីតកាលបព្វជិតឥស្លាមភាគច្រើនគ្រប់គ្រងការផ្តន្ទាទោស ដែលត្រូវបានធ្វើឡើងដោយភ្នែកសាធារណជន ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ ខ្មាន់កាំភ្លើងមិនស្គាល់មុខបាញ់សម្លាប់សមាជិកក្រុម តាលីបង់ នៅ អាហ្វហ្គានីស្ថាន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១ ម៉ោង មុន

ប្រគល់​រថយន្ត ២២៩​គ្រឿង ជូន​ម្ចាស់​វិញ​ដោយ​យោង​តាម​អនុសាសន៍​ណែនាំ​ដ៏​ខ្ពង់ខ្ពស់​របស់​សម្តេច​តេ​ជោ ហ៊ុន សែន

ព័ត៌មានជាតិ២ ម៉ោង មុន

ក្រសួង​សេដ្ឋកិច្ច​បាន​ចុះ​ហត្ថលេខា​ជាមួយ​វិទ្យាស្ថាន​នគរូបនីយកម្ម​និង​ឌី​សាញ​ស៊ិន​ជិន​រៀបចំ​ផែនការមេ​អភិវឌ្ឍន៍​ខេត្ត​ព្រះសីហនុ

ព័ត៌មានជាតិ៣ ម៉ោង មុន

អតីត​យុទ្ធជន​ពិការ​ដោយសារ​សង្គ្រាម​១២​គ្រួសារ ​ទទួល​អំណោយ​ឯកឧត្តម​បណ្ឌិត ហ៊ុន ម៉ា​ណែត និង​លោកជំទាវ ពេ​ជ ចន្ទ​មុន្នី

ព័ត៌មានអន្ដរជាតិ៣ ម៉ោង មុន

មុន​នេះ​ អតីត​រដ្ឋ​មន្ត្រី​ការបរ​ទេស​អាមេរិក​ដ៏​ល្បី Powell ទទួល​មរណ​ភាព​ដោយ​កូវីដ

ព័ត៌មានជាតិ៣ ម៉ោង មុន

រថយន្ត​ព្រូស បើក​បុក​ក្បាល​នាគ​ពុះ​ទ្រូងផ្លូវ ក្រឡាប់​ផ្ងារជើង នៅ​ស្ពាន​គល់ស្ពាន​ក្រោម​ដីស្ទឹង​មានជ័យ

Sokha Hotels

ព័ត៌មានពេញនិយម

Helistar Cambodia - Helicopter Charter Services