Connect with us

ព័ត៌មានអន្ដរជាតិ

ម៉ាឡេស៊ី លេងធម៌ក្ដៅលើមន្ត្រីរាជការណាដែលមិនចាក់វ៉ាក់សាំង ប្រឈមនឹងការដាក់វិន័យ

បានផុស

នៅ

មន្រ្តីរាជការទាំងអស់នៅម៉ាឡេស៊ីត្រូវចាក់វ៉ាក់សាំងមុនថ្ងៃទី ១ ខែវិច្ឆិកា ហើយអ្នកដែលនៅតែមិនចាក់វ៉ាក់សាំងនៅថ្ងៃនោះ មិនត្រូវបានលើកលែងនោះទេ ហើយនឹងត្រូវដាក់វិន័យ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទន្ទឹមនោះ នាយកដ្ឋានសេវាសាធារណៈ (PSD) បាននិយាយថា អ្នកដែលមិនអាចចាក់វ៉ាក់សាំង ដោយសារផលវិបាកសុខភាពត្រូវបញ្ជូនរបាយការណ៍វេជ្ជសាស្ត្ររបស់ពួកគេ ដែលបានផ្ទៀងផ្ទាត់ដោយមន្រ្តីពេទ្យរដ្ឋាភិបាល ទៅប្រធាននាយកដ្ឋានរបស់ពួកគេ ។

PSD បាននិយាយនៅក្នុងសេចក្ដីថ្លែងការណ៍មួយកាលពីថ្ងៃព្រហស្បតិ៍ថា អ្នកដែលនៅតែមិនចាក់វ៉ាក់សាំង ពោលអ្នកមិនមានបញ្ហាសុខភាព ចាប់ពីថ្ងៃទី ១ ខែវិច្ឆិកាតទៅ នឹងត្រូវដាក់វិន័យតាមច្បាប់របស់មន្រ្តីសាធារណៈឆ្នាំ ១៩៩៣ ។

សេចក្តីណែនាំនេះ គឺស្របតាមកិច្ចខិតខំប្រឹងប្រែងរបស់រដ្ឋាភិបាល ក្នុងការបង្កើនទំនុកចិត្តរបស់សាធារណជនដើម្បីឲ្យប្រទេសជាតិវិលត្រឡប់មករកភាពប្រក្រតីវិញ ព្រមទាំងស្តារសេវាកម្មសាធារណៈឲ្យមានសមត្ថភាពអតិបរមា ដោយផ្អែកលើដំណាក់កាលផែនការស្តារជាតិឡើងវិញ ។

រហូតមកដល់បច្ចុប្បន្ននេះ មន្រ្តីរាជការចំនួន ៩៨ ភាគរយបានចាក់វ៉ាក់សាំង ខណៈប្រហែល ១៦,៩០០ នាក់នៅតែមិនទាន់ត្រូវបានចុះឈ្មោះក្នុងគោលបំណងនេះ ។

នៅថ្ងៃទី ២៦ ខែកញ្ញា រដ្ឋមន្រ្តីក្រសួងសុខាភិបាលលោក Khairy Jamaluddin បាននិយាយថា រដ្ឋាភិបាលនឹងពិភាក្សាអំពីវិធានការប្រឆាំងនឹងមន្រ្តីរាជការណា ដែលបដិសេធមិនទទួលការចាក់វ៉ាក់សាំងការពារកូវីដ លើកលែងតែអ្នកដែលមានបញ្ហាសុខភាព ។

ចំណែក រដ្ឋមន្រ្តីក្រសួងអប់រំលោក Radzi Jidin ក៏បានប្រកាសពីលទ្ធភាពនៃការផ្ទេរគ្រូចំនួន ២ ពាន់នាក់ដែលមិនព្រមចាក់វ៉ាក់សាំងនៅកន្លែងផ្សេង ព្រោះសកម្មភាពរបស់ពួកគេអាចប៉ះពាល់ដល់ដំណើរការបង្រៀន និងរៀនរបស់សិស្សសាលា ៕

ប្រែសម្រួលដោយ ៖ ជីវ័ន្ត

ប្រភព ៖ The Nation Thailand

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២៤ នាទី មុន

ព្រះមហាក្សត្រកម្ពុជា​ គ្រោងយា​ង​ទៅ​បំពេញ​ទស្សនកិច្ច​នៅ​ប្រទេស​ឥណ្ឌា

សេដ្ឋកិច្ច២៧ នាទី មុន

រដ្ឋមន្រ្តីទេសចរ៖ កម្ពុជា រំពឹងទទួលបាន​ភ្ញៀវទេសចរ ១០លាននាក់ ​នៅឆ្នាំ ២០២២

ព័ត៌មានអន្ដរជាតិ៤៣ នាទី មុន

ស្រីលង្កា គ្រោងលក់ក្រុមហ៊ុនអាកាសចរណ៍ជាតិ យកលុយដោះស្រាយវិបត្តិ ក្នុងប្រទេស

ព័ត៌មានជាតិ៥៥ នាទី មុន

លោក ជិន ម៉ាលីន ចែករំលែកទិដ្ឋភាពច្បាប់ ពាក់ព័ន្ធករណីប្រធានាធិបតីអាមេរិក ត្រូវគេគប់ស្បែកជើង និងប្រធានា​ធិបតី​បារាំង ត្រូវគេទះកំផ្លៀង

ព័ត៌មានជាតិ១ ម៉ោង មុន

គ្រោះថ្នាក់ចរាចរណ៍ ធ្វើឱ្យកម្ពុជាខាតបង់ថវិកា​ប្រមាណជាង ៤៦០លានដុល្លារ

Sokha Hotels

ព័ត៌មានពេញនិយម