ព័ត៌មានអន្ដរជាតិ
អាមេរិក ព្រមាន ចិន ឲ្យឈប់រករឿង តៃវ៉ាន់
សហរដ្ឋអាមេរិក បានជំរុញឲ្យប្រទេសចិន បញ្ឈប់ការហោះហើរយន្តហោះយោធាចូលទៅជិតកោះតៃវ៉ាន់ បន្ទាប់ពីចិន បានបញ្ជូនយន្តហោះយោធាជាច្រើនគ្រឿង ចូលទៅក្នុងតំបន់ការពារអាកាសរបស់កោះនេះកាលពីចុងសប្តាហ៍។
ក្រសួងការពារជាតិតៃវ៉ាន់បាននិយាយថា កងទ័ពអាកាសចិនបានបញ្ជូនយន្តហោះចំនួន ៣៩ គ្រឿងទៅកាន់តំបន់នោះកាលពីថ្ងៃសៅរ៍ ដែលជាចំនួនខ្ពស់បំផុតមិនធ្លាប់មាន។
យោងតាមកោះតៃវ៉ាន់ យន្តហោះទាំងនោះក៏រួមមានទាំងយន្តហោះចម្បាំង J-16 និង Su-30 ព្រមទាំងយន្តហោះប្រឆាំងនាវាមុជទឹក និងយន្តហោះព្រមានជាមុនផងដែរ។ ចំណែកការហោះហើរកាលពីថ្ងៃសុក្រ រួមមានយន្តហោះទម្លាក់គ្រាប់បែកធុន H-6 ដែលមានសមត្ថភាពនុយក្លេអ៊ែរ បើទោះបីជាវាមិនច្បាស់ថាតើពួកគេបំពាក់ដោយក្បាលគ្រាប់ឬអត់ក៏ដោយ។
អ្នកនាំពាក្យក្រសួងការបរទេសអាមេរិក លោក Ned Price បាននិយាយនៅក្នុងសេចក្តីថ្លែងការណ៍មួយថា “សហរដ្ឋអាមេរិកមានការព្រួយបារម្ភយ៉ាងខ្លាំង ចំពោះសកម្មភាពយោធាបង្កហេតុរបស់សាធារណរដ្ឋប្រជាមានិតចិន នៅក្បែរកោះតៃវ៉ាន់ ដែលកំពុងធ្វើឲ្យអស្ថិរភាព ហានិភ័យនៃការគណនាខុសនិងធ្វើឲ្យប៉ះពាល់ដល់សន្តិភាពនិងស្ថិរភាពក្នុងតំបន់”។
លោក Price បាននិយាយកាលពីថ្ងៃអាទិត្យថា “យើងសូមជំរុញឲ្យទីក្រុងប៉េកាំង បញ្ឈប់ការដាក់សម្ពាធយោធា ការទូតនិងសេដ្ឋកិច្ចនិងការបង្ខិតបង្ខំប្រឆាំងនឹងកោះតៃវ៉ាន់”។
លោក Price បន្ថែមថា “សហរដ្ឋអាមេរិកមានការចាប់អារម្មណ៍ចំពោះសន្តិភាពនិងស្ថិរភាព នៅទូទាំងច្រកសមុទ្រតៃវ៉ាន់ ហើយនឹងបន្តជួយតៃវ៉ាន់ក្នុងការរក្សាសមត្ថភាពការពារខ្លួនគ្រប់គ្រាន់។ ការប្តេជ្ញាចិត្តរបស់អាមេរិកចំពោះតៃវ៉ាន់គឺរឹងមាំ ហើយរួមចំណែកដល់ការថែរក្សាសន្តិភាពនិងស្ថិរភាពនៅទូទាំងច្រកសមុទ្រតៃវ៉ាន់និងក្នុងតំបន់។
គួរបញ្ជាក់ថា តៃវ៉ាន់គឺជាកោះដែលគ្រប់គ្រងដោយលទ្ធិប្រជាធិបតេយ្យ ស្ថិតនៅចម្ងាយប្រហែល ១០០ ម៉ាយល៍ពីឆ្នេរសមុទ្រ របស់ចិនដីគោក៕
ប្រែសម្រួល៖ Vann Vann
ប្រភព៖ Daily Mail
ចុចអាន៖ តាលីបង់ ព្រមានលោក បៃដិន ថា នឹងជួបផលវិបាក បើយន្តហោះគ្មានមនុស្សបើកអាមេរិក ចូលដែនអាកាស អាហ្វហ្គានីស្ថាន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង