ព័ត៌មានអន្ដរជាតិ
ហេតុអ្វី បានជាប៉ូលិសថៃ ហាមមិនឲ្យមើលរឿង Squid Game
កាលពីថ្ងៃអាទិត្យ ប៉ូលិសថៃបានព្រមានថា រឿង Squid Game ដែលជារឿងភាគប្រយុទ្ធដើម្បីការរស់រានមានជីវិតដ៏ល្បីល្បាញរបស់កូរ៉េខាងត្បូងនៅលើ Netflix មានឈុតឆាកហិង្សា ដែលអាចបង្កភាពអវិជ្ជមានដល់អ្នកមើល។
លោកវរសេនីយ៍ទោ Kissana Phathanacharoen អ្នកនាំពាក្យនគរបាលជាតិ បាននិយាយថា រឿងភាគដែលទទួលបានការកោតសរសើរយ៉ាងខ្លាំងនេះ គឺមានឈុតឆាកដែលមិនសមរម្យសម្រាប់ការមើល។
លោកនិយាយថា តួអង្គនៅក្នុងរឿងនេះ បង្ហាញពីអាកប្បកិរិយាឃោរឃៅ។ ឈុតឆាករបស់រឿងនេះ បានដិតដាមជាប់ក្នុងអារម្មណ៍អ្នកទស្សនា រួមទាំងក្មេងៗផងដែរ អំឡុងពេលពួកគេត្រូវជាប់ក្នុងផ្ទះដោយសារវិធានការបិទខ្ទប់។
លោកបន្តថា ការសម្តែងនេះ បង្ហាញពីឈុតឆាកនៃអំពើហិង្សា រួមទាំងអំពើឃាតកម្មនិងការកាប់ចាក់ ហើយអាចនាំអ្នកមើល ឲ្យចូលរួមក្នុងអំពើឧក្រិដ្ឋកម្មក្នុងជីវិតពិតៗ។ ការសម្តែងគឺនិយាយអំពីសភាវគតិឆៅៗរបស់មនុស្ស ហ៊ានធ្វើគ្រប់បែបយ៉ាងដើម្បីរស់រានមានជីវិត។
ស្របពេលជាមួយគ្នានោះ លោក Kissana ក៏បានផ្តល់ដំបូន្មានដល់ឪពុកម្តាយ ឲ្យតាមដានសកម្មភាព កូនៗរបស់ពួកគេតាមអ៊ីនធើណិតផងដែរ ដោយអះអាងថា ក្មេងៗដែលងាយមានអារម្មណ៍ មិនគួរមើលភាពយន្តតាមអ៊ីនធើណិតតែម្នាក់ឯងទេ ព្រោះពួកគេងាយនឹងចម្លងអាកប្បកិរិយារបស់តួអង្គ។
លោកបន្តថា អគ្គស្នងការនគរបាលជាតិលោកឧត្តមសេនីយ៍ Suwat Jangyodsuk បានណែនាំដល់អង្គភាពនគរបាលទាំងអស់ ត្រូវព្រមានសាធារណជនអំពីគ្រោះថ្នាក់នៃការមើលរឿងតាមអ៊ីនធើណិត៕
ប្រែសម្រួល៖ Vann Vann
ប្រភព៖ Bangkok Post
ចុចអាន៖ មួយភ្លែតសោះ តួ “Squid Game” រូបនេះ ក្លាយជាតារាស្រីមានអ្នកដានច្រើនបំផុតទី២របស់កូរ៉េ
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៣ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ