Connect with us

ព័ត៌មានអន្ដរជាតិ

WHO ថា នេះជាឱកាសចុងក្រោយហើយក្នុងការស្វែងរកប្រភពដើមកូវីដ

បានផុស

នៅ

អង្គការសុខភាពពិភពលោក (WHO) និយាយថា ការបង្កើតក្រុមការងារពិសេសថ្មីដើម្បីរកប្រភពដើមនៃជំងឺកូវីដ ១៩ អាចជាឱកាសចុងក្រោយរបស់ពួកគេក្នុងការស្វែងយល់ឲ្យកាន់តែច្បាស់ពីប្រភពចម្លងមេរោគមួយនេះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាងមួយឆ្នាំកន្លះ ចាប់តាំងពីមេរោគនេះត្រូវបានគេរកឃើញនៅក្នុងទីក្រុងអ៊ូហានប្រទេសចិន សំណួរដំបូងគេថាតើវាកើតឡើងយ៉ាងដូចម្តេច ពេលនេះនៅតែមិនទាន់មានប្រភពច្បាស់លាស់នៅឡើយ ។

ក្រុមការងារនឹងពិចារណាថាតើ វីរុសនេះបានឆ្លងពីសត្វទៅមនុស្សនៅទីផ្សារទីក្រុងអ៊ូហាន ឬលេចធ្លាយនៅមន្ទីរពិសោធន៍ឬយ៉ាងណានោះ ។

កាលពីខែកុម្ភៈក្រុមរបស់ WHO ដែលមានភារកិច្ចស៊ើបអង្កេតដើមកំណើតរបស់កូវីដ បានហោះមកប្រទេសចិន ហើយបានសន្និដ្ឋានថា មេរោគនេះប្រហែលជាកើតមកពីសត្វប្រចៀវ ប៉ុន្តែត្រូវការការងារស្រាវជ្រាវបន្ថែមទៀត ។

ប៉ុន្តែក្រោយមកអគ្គនាយក WHO លោកវេជ្ជបណ្ឌិត Tedros Ghebreyesus បាននិយាយថា ការស៊ើបអង្កេតនេះត្រូវបានរារាំងដោយការខ្វះទិន្នន័យ និងតម្លាភាពពីប្រទេសចិន ។

ពាក់ព័ន្ធនឹងបញ្ហានេះ កាលពីថ្ងៃពុធ WHO បានតែងតាំងអ្នកជំនាញចំនួន ២៦ រូបដើម្បីចូលរួមក្នុងក្រុមប្រឹក្សាវិទ្យាសាស្ត្រស្តីពីប្រភពដើមនៃជំងឺ ហៅកាត់ថា (Sago) ហើយក្នុងនោះ ៦ រូប​ធ្លាប់​​បំពេញ​បេសកកម្ម​ទៅ​ទី​ក្រុង​អ៊ូហាន ប្រទេស​ចិន ​ដើម្បី​សិក្សា​ស្រាវ​ជ្រាវ​ប្រភព​ដើមកូវីដ​នាពេលកន្លងមក ។

ក្រៅពីរកប្រភពដើមកូវីដ ក្រុមការងារ Sago ក៏នឹងពិនិត្យមើលដើមកំណើតនៃភ្នាក់ងារបង្ករោគដែលមានហានិភ័យខ្ពស់ផ្សេងទៀតផងដែរ ។

ទន្ទឹមនោះលោក Tedros បាននិយាយថា “ការស្វែងយល់ថាតើធាតុបង្កជំងឺថ្មីមកពីណា គឺចាំបាច់សម្រាប់ការពារការផ្ទុះឡើងនាពេលអនាគត ហើយគ្រោះថ្នាក់នៅមន្ទីរពិសោធន៍មិនអាចបដិសេធបានទេ” ៕

ប្រែសម្រួលដោយ ៖ ជីវ័ន្ត

ប្រភព ៖ BBC

ចុចអាន ៖ WHO បង្កើតក្រុមប្រឹក្សាវិទ្យា​សាស្ត្រថ្មីសម្រាប់ស៊ើបអង្កេតប្រភពដើមជំងឺថ្មីៗ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៣២ នាទី មុន

អតីតសេដ្ឋិនីវៀតណាម Truong My Lan ត្រូវបានរដ្ឋអាជ្ញាស្នើកាត់ទោសប្រហារជីវិត

ព័ត៌មានអន្ដរជាតិ៥ ម៉ោង មុន

ស្ត្រីវៀតណាមដែលបានលក់ផ្លែពុទ្រាក្នុងតម្លៃថ្លៃទៅឱ្យភ្ញៀវទេសចរម្នាក់ ត្រូវរងការព្រមានពីអាជ្ញាធរ

ព័ត៌មានជាតិ៥ ម៉ោង មុន

ក្រសួង​ការងារ និង​បណ្តុះបណ្តាល​វិជ្ជាជីវៈ បើក​វគ្គ​បណ្តុះបណ្តាល​លើ​ជំនាញ​ផ្នែក​កំបោរ​ក្នុង​វិស័យ​សំណង់

ព័ត៌មានជាតិ៥ ម៉ោង មុន

ក្រសួងការងារ៖ ការបំផ្លើសព័ត៌មានអំពីការបើកប្រាក់ឈ្នួលដល់កម្មករ Y & W នៅថ្ងៃស្អែកនេះ ជាព័ត៌មានមិនពិត

ព័ត៌មានជាតិ៦ ម៉ោង មុន

មន្ត្រីជំនាញខេត្តកំពង់ចាម ចុះព្រមានម្ចាស់យានដ្ឋាន កែច្នៃ ឧបករណ៍បំពងសំឡេងខុសបច្ចេកទេស

Sokha Hotels

ព័ត៌មានពេញនិយម