ព័ត៌មានអន្ដរជាតិ
ផែនការលែងឲ្យម៉ូតូធ្វើចរាចរណ៍នៅហាណូយ កំពុងធ្វើឲ្យពលរដ្ឋវៀតណាមមិនពេញចិត្តជាខ្លាំង
ដើម្បីដោះស្រាយវិបត្តិកកស្ទះចរាចរណ៍តាមដងផ្លូវសំខាន់ៗទូទាំងរដ្ឋធានីហាណូយ រដ្ឋាភិបាលវៀតណាម បានកំពុងរៀបចំលក្ខខណ្ឌផ្សេងទៀត សម្រាប់បម្រាមលើទោចក្រយានយន្ត មិនអនុញ្ញាតឲ្យធ្វើដំណើរលើដងផ្លូវសំខាន់ៗរបស់ទីក្រុងចាប់ពីឆ្នាំ២០៣០តទៅ។
បច្ចុប្បន្ន ត្រឹមទីក្រុងហាណូយមួយប៉ុណ្ណោះ គឺមានរថយន្ត និងទោចក្រយានយន្តចុះបញ្ជីសរុបដល់ទៅ ៦លានគ្រឿង នាំឲ្យមានការកកស្ទះស្ទើរគ្រប់ពេលវេលា។
ដើម្បីសម្រេចបានគោលដៅលែងឲ្យមានម៉ូតូធ្វើដំណើរក្នុងទីក្រុង រដ្ឋបាលក្រុងហាណូយ បានសម្រេចពង្រីកបណ្តាញប្រព័ន្ធដឹកជញ្ជូនសាធារណៈទូទាំងទីក្រុងឲ្យរួចរាល់មុខឆ្នាំ ២០៣០។
ក្រៅពីពង្រីកវិសាលភាពនៃសេវាដឹកជញ្ជូនសាធារណៈទូទាំងរដ្ឋធានីហើយនោះ រដ្ឋបាលក្រុងហាណូយ ក៏រំពឹងនឹងប្រើបច្ចេកវិទ្យាព័ត៌មានវិទ្យាសម្រាប់ជួយគ្រប់គ្រង និងប្រតិបត្តិការដឹកជញ្ជូនទៀតផង។
ជាមួយគ្នានេះ មន្ទីរដឹកជញ្ជូនក្រុងហាណូយ ក៏រំពឹងចាត់វិធានការផ្សេងៗដើម្បីអាចជួយឲ្យផែនការកាត់ទោចក្រយានយន្តចេញពីទីក្រុងរបស់ខ្លួនបានជោគជ័យមុនឆ្នាំ ២០៣០ រាប់បញ្ចូលទាំងបញ្ចប់ការផ្តល់ប័ណ្ណបើកបរម៉ូតូថ្មីជាដើម។
បច្ចុប្បន្ន ហាណូយ មានពលរដ្ឋរស់នៅសរុបជិត ៨លាននាក់ ខណៈរថយន្ត និងទោចក្រយានយន្តចុះបញ្ជីរួចសរុបជាង ៦លានគ្រឿង កំពុងចរាចរទូទាំងទីក្រុង ស្របពេលប្រមាណ ២លានគ្រឿងមកពីតំបន់ផ្សេង និង ១លានគ្រឿងទៀត ជារបស់អង្គភាពប៉ូលិស និងកងកម្លាំងការពារជាតិ។
ទោះជាយ៉ាងណា ច្បាប់ចរាចរណ៍ថ្មីរបស់រដ្ឋធានីហាណូយ បានធ្វើឲ្យអ្នកជំនាញ និងសាធារណជនមកពេញចិត្តនោះទេ ដោយអះអាង សេវាដឹកជញ្ជូនសាធារណៈ មិនទាន់អាចបំពេញតម្រូវការពលរដ្ឋក្នុងទីក្រុងបាននៅឡើយ។ ពួកគេក៏ទាមទារគួរឲ្យរឹតបន្តឹងទៅលើរថយន្តដូចគ្នា ព្រោះថារថយន្តជាមូលហេតុចម្បងបង្កឲ្យមានការកកស្ទះ មិនមែនម៉ូតូនោះទេ។
គួរបញ្ជាក់ថា វៀតណាម ត្រូវចាត់ទុកជាប្រទេសមួយនៅអាស៊ាន ដែលមានចំនួនម៉ូតូចុះបញ្ជីច្រើនជាងគេ ដោយត្រឹមឆ្នាំ ២០១៨ វៀតណាម មានម៉ូតូចុះបញ្ចីសរុប ៥៨លានគ្រឿង ហើយកាលពីឆ្នាំ ២០១៩ វៀតណាម ជាប្រទេសឈរនៅលេខរៀងទី ៤ មានម៉ូតូច្រើនបំផុតលើលោក បន្ទាប់ឥណ្ឌា ចិន និងឥណ្ឌូនេស៊ី៕
ប្រែសម្រួល៖ សុភា
ប្រភព៖ Hanoi Times
-
ព័ត៌មានជាតិ៦ ថ្ងៃ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៤ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ២ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ៧ ថ្ងៃ agoកម្ពុជារឹតបន្តឹង និងទប់ស្កាត់សំណល់អេឡិចត្រូនិក ខណៈអាស៊ីអាគ្នេយ៍កំពុងក្លាយជាគោលដៅថ្មី
-
ព័ត៌មានជាតិ១ សប្តាហ៍ ago៣ ថ្ងៃចូលឆ្នាំថ្មី ខេត្តក្រចេះទទួលទេសចរមកកម្សាន្តប្រមាណ ៦៩ ៩៦២ នាក់ ខណៈព្រែកកាំពីជាគោលដៅទាក់ទាញបំផុត
-
ព័ត៌មានជាតិ៦ ថ្ងៃ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
ព័ត៌មានអន្ដរជាតិ១ សប្តាហ៍ agoវិនិយោគិនបរទេសដកខ្លួនពីទីផ្សារថៃ ខណៈវិបត្តិថាមពលគំរាមកំហែងសេដ្ឋកិច្ច
-
សន្តិសុខសង្គម៩ ម៉ោង agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ