ព័ត៌មានអន្ដរជាតិ
WHO បញ្ជាក់ដដែលៗថា កូរ៉េខាងជើង នៅតែគ្មានករណីឆ្លងកូវីដ
របាយការណ៍របស់អង្គការសុខភាពពិភពលោក (WHO) បានបង្ហាញនៅថ្ងៃអង្គារនេះថា ប្រទេសកូរ៉េខាងជើងបានធ្វើតេស្ដរកជំងឺកូវីដ ១៩ លើមនុស្សប្រហែល ៤២,០០០ នាក់ ប៉ុន្តែមិនបានរកឃើញករណីឆ្លងណាមួយនោះទេ ។
ប្រជាជនកូរ៉េខាងជើងសរុបចំនួន ៦៧៨ នាក់បានទទួលការធ្វើតេស្តរកកូវីដ ចាប់ពីថ្ងៃទី ៨ ដល់ថ្ងៃទី ១៤ ខែតុលា ប៉ុន្តែអ្នកទាំងអស់ត្រូវបានរកឃើញថា អវិជ្ជមាន ។ នេះបើយោងតាមរបាយការណ៍កូវីដប្រចាំសប្តាហ៍របស់ WHO ។
របាយការណ៍បាននិយាយថា ក្នុងចំណោមប្រជាជនកូរ៉េខាងជើងដែលទើបនឹងធ្វើតេស្តថ្មីនេះ មនុស្ស ១១៣ នាក់មានជំងឺផ្តាសាយ ឬការឆ្លងមេរោគផ្លូវដង្ហើមធ្ងន់ធ្ងរ ខណៈដែលអ្នកផ្សេងទៀតគឺជាបុគ្គលិកថែទាំសុខភាព ។
ការធ្វើតេស្តចុងក្រោយនេះ នាំឲ្យចំនួនសរុបនៃការធ្វើតេស្តរបស់កូរ៉េខាងជើង កើនឡើងដល់ទៅ ៤២,៧៧៣ នាក់ ។
ប្រទេសកូរ៉េខាងជើងបានអះអាងថា គ្មានករណីឆ្លងកូវីដសូម្បីមួយករណី ដោយសារការចាត់វិធានការប្រឆាំងមេរោគ រួមទាំងការគ្រប់គ្រងព្រំដែនយ៉ាងតឹងរ៉ឹងជាដើម ៕
ប្រែសម្រួលដោយ ៖ ជីវ័ន្ត
ប្រភព ៖ Yonhap
ចុចអាន ៖ មេ WHO ថា តាមពិតកូវីដត្រូវដាច់ពូជហើយ តែពិភពលោកប្រើប្រាស់វិធីសាស្ត្រ មិនបានត្រឹមត្រូវ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង