ជីវិតកម្សាន្ដ

តារាម៉ូដែលរុស្ស៊ី វ័យ២៤ឆ្នាំ ស្លាប់យ៉ាងអាណោចអាធ័ម ក្រោយជួបគ្រោះថ្នាក់ក្នុងបន្ទប់ទឹក

បានផុស

១២ ខែ មុន

នៅ

ថ្ងៃអាទិត្យ ៨ មិថុនា ២០២៥

ដោយ

យោងតាមរបាយការណ៍របស់ប្រព័ន្ធផ្សព្វផ្សាយចិន QQ បានឲ្យដឹងថា នាង Kristina Belaya ដែលជាតារាបង្ហាញម៉ូដរុស្ស៊ី និងបុគ្គលិកទូរទស្សន៍កំពុងល្បីល្បាញខ្លាំង បានទទួលមរណភាពក្នុងអាយុ ២៤ ឆ្នាំ បន្ទាប់ពីឧបទ្ទវហេតុដ៏អាក្រក់នៅក្នុងបន្ទប់ទឹករបស់នាង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តារាស្រីត្រូវគេប្រទះឃើញសន្លប់នៅក្នុងបន្ទប់ទឹកផ្ទាល់ខ្លួន ខណៈដែលមិត្តប្រុសរបស់នាងបានទូរស័ព្ទទៅសេវាសង្គ្រោះបន្ទាន់ភ្លាមៗ។ ទោះបីជាមានការអន្តរាគមន៍ផ្នែកវេជ្ជសាស្រ្ដយ៉ាងរហ័សក៏ដោយ ក៏នាងត្រូវគេប្រកាសថា បានស្លាប់ដោយសារតែរបួសធ្ងន់ធ្ងរពេក។

ការរកឃើញបឋមរបស់ប៉ូលិសបានចង្អុលបង្ហាញថា Kristina បានរអិលជើងដួលដោយរាងកាយរបស់នាងបានដួលបោកទៅលើអាងទឹកបណ្ដាលឲ្យបែកបាក់ ។ អាជ្ញាធរបានបញ្ជាក់ថា នាងមានរបួសក្បាលធ្ងន់ធ្ងរ និងមានស្នាមជាំច្រើនកន្លែងនៅទូទាំងខ្លួន។ ប៉ុន្តែមិនមានសញ្ញានៃការវាយប្រហារពីបុគ្គលផ្សេងទេ។

នាង Kristina Belaya ទទួលបានភាពល្បីល្បាញជាលើកដំបូងតាមរយៈការបង្ហាញខ្លួននៅក្នុងកម្មវិធីណាត់ជួបដ៏ពេញនិយមរបស់រុស្ស៊ី Dom-2 ។ បន្ទាប់ពីនាងចូលរួមក្នុងរឿងភាគ នាងទទួលបានអ្នកតាមដានរាប់ម៉ឺននាក់នៅលើបណ្ដាញសង្គម ជាកន្លែងដែលនាងបានចែករំលែកខ្លឹមសារអំពីម៉ូដ សម្រស់ និងរបៀបរស់នៅ។ បុគ្គលិកលក្ខណៈ និងវត្តមានតាមអ៊ីនធឺណិតរបស់នាងបានធ្វើឲ្យតារាស្រីពេញចិត្តក្នុងចំណោមអ្នកគាំទ្រវ័យក្មេង៕