ព័ត៌មានអន្ដរជាតិ

ជួបគ្នាភ្លាម លោក បៃដិន និយាយត្រង់រឿងសិទ្ធិមនុស្ស ខណៈ លោក ស៊ី ថា ជួបមិត្តចាស់

បានផុស

២ years មុន

នៅ

ថ្ងៃអង្គារ ១៦ វិច្ឆិកា ២០២១

ដោយ

ប្រធានាធិបតីសហរដ្ឋអាមេរិក លោក ចូ បៃដិន បានប្រាប់មេដឹកនាំចិន លោក ស៊ី ជីនពីង ថា លោកសង្ឃឹមមានការសន្ទនាដោយឥតលាក់លៀមអំពីសិទ្ធិមនុស្ស និងបញ្ហាសន្តិសុខ នៅពេលមេដឹកនាំទាំងពីរបានចាប់ផ្តើមកិច្ចប្រជុំដើម្បីកាត់បន្ថយភាពតានតឹងរវាងមហាអំណាចទាំងពីរ។

លោក បៃដិន បានប្រាប់លោក ស៊ី តាមរយៈវីដេអូខលជួបគ្នាថា ៖«ប្រហែលជាខ្ញុំចាប់ផ្តើមផ្លូវការបន្ថែមទៀត បើទោះជាលោក និងខ្ញុំមិនធ្លាប់ជួបគ្នាជាផ្លូវការក៏ដោយ»។

លោក ចូ បៃដិន និងលោក ស៊ី ជីនពីង ប្រជុំតាមវីដេអូខល

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ចូ បៃដិន មានប្រសាសន៍ថា ៖«ចំពោះខ្ញុំ វាហាក់ដូចជាថា ការទទួលខុសត្រូវរបស់ពួកយើងក្នុងនាមជាមេដឹកនាំប្រទេសចិន និងសហរដ្ឋអាមេរិកគឺដើម្បីធានានូវការប្រកួតប្រជែងរបស់ពួកយើងរវាងប្រទេសទាំងពីរគឺមិនត្រូវឲ្យចូលទៅក្នុងជម្លោះ បើទោះជាមានចេតនា ឬគ្មានចេតនាក៏ដោយ និយាយសាមញ្ញគឺប្រកួតប្រជែងដោយត្រង់»។

លោក ស៊ី បានឲ្យដឹងថា លោកសប្បាយចិត្តដែលបានជួបលោក បៃដិន ដែលលោកហៅថា «មិត្តចាស់» និងបន្តថា ភាគីទាំងពីរត្រូវតែបង្កើនការទំនាក់ទំនង និងកិច្ចសហប្រតិបត្តិការដើម្បីដោះស្រាយបញ្ហាប្រឈមជាច្រើនដែលកំពុងកើតមាន។

លោក ស៊ី មានប្រសាសន៍ថា ៖«វាជារឿងល្អដែលបានជួបលោកប្រធានាធិបតី។ នេះជាលើកដំបូងសម្រាប់ពួកយើងជួបប្រជុំគ្នាតាមអនឡាញ។ បើទោះជាមិនដូចការជួបមុខគ្នាផ្ទាល់ តែខ្ញុំសប្បាយចិត្តដែលបានជួបមិត្តចាស់»។

លោកប្រធានាធិបតីអាមេរិកបន្ថែមថា មេដឹកនាំទាំងពីរត្រូវតែធ្វើឲ្យប្រាកដច្បាស់ពីទំនាក់ទំនងរបស់ពួកគាត់ដោយមិនចូលទៅក្នុងបញ្ហាជំលោះបើកចំហទេ។ លោកបានសន្យាថា នឹងដោះស្រាយបញ្ហាកង្វល់នានាសម្រាប់ក្រុងវ៉ាស៊ីនតោន ក្នុងនោះមានបញ្ហាសិទ្ធិមនុស្ស និងបញ្ហាផ្សេងៗនៅតំបន់ឥណ្ឌូ-ប៉ាស៊ីហ្វិក។

ក្នុងសេចក្តីថ្លែងការណ៍ចេញដោយក្រសួងការបរទេសចិនអំពីចំណាប់អារម្មណ៍របស់លោកប្រធានាធិបតី ស៊ី ជីនពីង ដែលបានសង្កត់ធ្ងន់ថា ទំនាក់ទំនងចិន-អាមេរិកស្ថិរភាពគឺទាមទារ«ជំរុញការអភិវឌ្ឍរបស់ប្រទេសទាំងពីរ និងការពារសន្តិភាព និងបរិយាកាសអន្តរជាតិស្ថិរភាព»។