Connect with us

ព័ត៌មានអន្ដរជាតិ

កិច្ចប្រជុំលោក ស៊ី និង បៃដិន ឆ្លៀតងាកទៅពិភាក្សាពីគោលជំហរលើ បញ្ហានុយក្លេអ៊ែរ អ៊ីរ៉ង់

បានផុស

នៅ

ប្រធានាធិបតីអាមេរិក ចូ បៃដិន និងប្រធានាធិបតីចិន ស៊ី ជីនពីង បានពិភាក្សាគ្នាអំពីរបៀបដែលពួកគេអាចត្រូវរ៉ូវគ្នាសម្រាប់គោលជំហររបស់ពួកគេ មុនពេលចាប់ផ្តើមកិច្ចចរចាដោយប្រយោលរវាងសហរដ្ឋអាមេរិក និងអ៊ីរ៉ង់នាថ្ងៃទី ២៩ ខែវិច្ឆិកា ស្តីពីការស្តារឡើងវិញនូវកិច្ចព្រមព្រៀងនុយក្លេអ៊ែរអ៊ីរ៉ង់ឆ្នាំ ២០១៥ ។ នេះបើយោងតាមមន្ត្រីកំពូលរបស់សហរដ្ឋអាមេរិកបាននិយាយកាលពីថ្ងៃអង្គារ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មន្ត្រីមកពីប្រទេសអ៊ីរ៉ង់ និងប្រទេសចំនួន ៦ ដែលមានបញ្ហាក្នុងកតិកាសញ្ញា រួមមាន អង់គ្លេស ចិន បារាំង អាល្លឺម៉ង់ រុស្ស៊ី និងសហរដ្ឋអាមេរិក នឹងជួបប្រជុំគ្នានៅទីក្រុង Vienna ដើម្បីមើលថាតើទីក្រុងតេអេរ៉ង់ និងក្រុងវ៉ាស៊ីនតោនអាចយល់ព្រមបន្តការអនុលោមតាមកិច្ចព្រមព្រៀង ដែលអ៊ីរ៉ង់បានទប់ស្កាត់កម្មវិធីនុយក្លេអ៊ែររបស់ខ្លួនដែរឬទេ ដើម្បីទទួលបានការបន្ថូរបន្ថយទណ្ឌកម្មរបស់សហរដ្ឋអាមេរិក សហភាពអឺរ៉ុប និងអង្គការសហប្រជាជាតិ ។

គួរបញ្ជាក់ថា នៅឆ្នាំ ២០១៨ នៅពេលនោះប្រធានាធិបតី ដូណាល់ ត្រាំ បានដកសហរដ្ឋអាមេរិកចេញពីកតិកាសញ្ញាក្នុងចំណោមប្រទេសមហាអំណាចដែលគេស្គាល់ថា P5+1 និងអ៊ីរ៉ង់ ហើយបានស្ដារឡើងវិញនូវទណ្ឌកម្មដ៏ធ្ងន់ធ្ងររបស់សហរដ្ឋអាមេរិក ដែលជំរុញឲ្យទីក្រុងតេអេរ៉ង់ចាប់ផ្តើមរំលោភលើការរឹតត្បិយនុយក្លេអ៊ែររបស់ខ្លួនប្រហែលមួយឆ្នាំក្រោយមក ។

ទន្ទឹមនោះ លោក Jake Sullivan ទីប្រឹក្សាសន្តិសុខជាតិរបស់សេតវិមានបាននិយាយថា “ប្រធានាធិបតីទាំងពីរមានឱកាសនិយាយអំពីរបៀបដែលយើងអាចដាក់បញ្ចូលទស្សនៈរបស់យើងឆ្ពោះទៅរកកិច្ចប្រជុំនោះនាថ្ងៃទី ២៩ ខែវិច្ឆិកា ដូច្នេះ P5+1 ត្រូវបានរួបរួមក្នុងការដោះស្រាយជាមួយអ៊ីរ៉ង់ ហើយព្យាយាមត្រួសត្រាយផ្លូវសម្រាប់ការវិលត្រឡប់ទៅកាន់កិច្ចព្រមព្រៀងវិញ” ។

កិច្ចចរចារវាងអាមេរិក និងអ៊ីរ៉ង់ គឺមានលក្ខណៈប្រយោល ខណៈមន្ត្រីមកពីប្រទេសផ្សេងទៀតនឹងប្រជុំបិទទ្វារ ពីព្រោះអ៊ីរ៉ង់បដិសេធការទាក់ទងផ្ទាល់ជាមួយមន្ត្រីអាមេរិក ។

ខណៈពេលដែលប្រទេសចិនពេញចិត្តនឹងការរស់ឡើងវិញនៃកិច្ចព្រមព្រៀងនោះ វាមានទំនោរដាក់ទំនួលខុសត្រូវលើសហរដ្ឋអាមេរិក ជាជាងអ៊ីរ៉ង់ ដោយបានបន្ទោសទីក្រុងវ៉ាស៊ីនតោនចំពោះការបោះបង់កិច្ចព្រមព្រៀងនេះ និងផ្តល់ឲ្យទីក្រុងតេអេរ៉ង់នូវខ្សែជីវិតសេដ្ឋកិច្ចដោយការទិញប្រេងពីអ៊ីរ៉ង់  បើទោះបីជាមានការដាក់ទណ្ឌកម្មពីសហរដ្ឋអាមេរិកក៏ដោយ ៕

ប្រែសម្រួលដោយ ៖ ជីវ័ន្ត

ប្រភព ៖ CNA

ចុចអាន ៖ កិច្ចប្រជុំ ចិន និង អាមេរិក ទទួលបានផ្កែផ្កាមួយទៀតពាក់ព័ន្ធនឹង អ្នកសារព័ត៌មាន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៣ ម៉ោង មុន

ពលរដ្ឋ​មក​ទទួល​វ៉ាក់សាំង​ដូ​ស​ជំរុញ​ក្នុង​ខេត្តកោះកុង មិនទាន់​សម្រេច​ដល់​គោលដៅ​ចង់បាន​

ព័ត៌មានជាតិ៤ ម៉ោង មុន

ត្រីភាគី​ដាក់​តួលេខ​ប្រាក់​ឈ្នួល​ចុងក្រោយ​ជូន​ក្រុមប្រឹក្សា​ជាតិ​ប្រាក់​ឈ្នួល​សម្រេច​នៅ​ថ្ងៃទី​២១​កញ្ញា​ខាងមុខ

វប្បធម៌ ជំនឿ៤ ម៉ោង មុន

ពណ៌ផ្ទះហុងស៊ុយ​ ស្របតាមទិសទាំង ៨ ជួយទាក់ទាញសំណាងទ្វេដង

ព័ត៌មានជាតិ៥ ម៉ោង មុន

សពលោក ប៊ូ ឡាំ អតីត​អ្នកតំណាងរាស្ត្រ​ខេត្ត​រតនគិរី​ បាន​ដឹក​ពី​ប្រទេសវៀតណាមមកដល់កម្ពុជាហើយ ដើម្បី​រៀប​ចំ​ធ្វើ​បុណ្យ​តាម​ប្រពៃណី

ព័ត៌មានជាតិ៥ ម៉ោង មុន

រដ្ឋមន្ត្រី​ក្រសួងសាធារណការ​ ត្រៀម​ប្រើម៉ាស៊ីនទំនើប​ ដែល​អាច​ជំនួសមនុស្ស​ ក្នុងការចូលលូ​ លើកដំបូង​ក្នុង​ប្រទេស​កម្ពុជា

Sokha Hotels

ព័ត៌មានពេញនិយម