Connect with us

ព័ត៌មានអន្ដរជាតិ

ថៃ បង្កើនការតេស្តរកកូវីដ ៣ ដងលើអ្នកមកដល់ ការពារផ្ទុះវីរុសបំប្លែងខ្លួន Omicron

បានផុស

នៅ

អ្នកមកដល់ប្រទេសថៃពីប្រទេសនានាដែលមិនត្រូវបានហាមឃាត់ក្នុងទ្វីបអាហ្រ្វិកនឹងនៅតែត្រូវធ្វើចត្តាឡីស័ករយៈពេល ១៤ ថ្ងៃ ហើយនឹងត្រូវធ្វើតេស្តរកកូវីដម្តងហើយម្តងទៀត ចំពេលមានការព្រួយបារម្ភទូទាំងពិភពលោកអំពីវីរុសបំប្លែងខ្លួនថ្មី Omicron ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកស្រី Apisamai Srirangson អ្នកនាំពាក្យមជ្ឈមណ្ឌលគ្រប់គ្រងស្ថានភាពជំងឺកូវីដ (CCSA) បានបញ្ជាក់នៅថ្ងៃចន្ទនេះថា អ្នកដំណើរនឹងមិនត្រូវបានអនុញ្ញាតឲ្យចូលទៅក្នុងប្រទេសថៃនោះទេ ប្រសិនបើមកពីប្រទេសអាហ្វ្រិកចំនួន ៨ ដូចជា បុតស្វាណា អេស្វាទីនី ឡេសូតូ ម៉ាឡាវី ម៉ូសំប៊ិក ណាមីប៊ី អាហ្រ្វិកខាងត្បូង និងស៊ីមបាវ៉េ ចាប់ពីថ្ងៃព្រហស្បតិ៍នេះ ។

លោកស្រីវេជ្ជបណ្ឌិត Apisamai បាននិយាយថា មនុស្សដែលមកពីប្រទេសអាហ្រ្វិកផ្សេងទៀត នឹងត្រូវធ្វើចត្តាឡីស័កក្នុងកន្លែងជាក់លាក់រយៈពេល ១៤ ថ្ងៃ និងត្រូវបានធ្វើតេស្តរកកូវីដតាមម៉ាស៊ីន PCR ចំនួន ៣ ដង ហើយពួកគេមិនអាចចូលទៅក្នុងកម្មវិធីទេសចរណ៍ Sandbox និងកម្មវិធី Test and GO បាននោះទេ ។

អ្នកដែលបានមកដល់តាំងពីថ្ងៃទី ១៥ ខែវិច្ឆិកា ហើយដល់ថ្ងៃរួចខ្លួនចេញពីការធ្វើចត្តាឡីស័កមុន ១៤ ថ្ងៃ កំពុងត្រូវបានតាមដាន និងត្រួតពិនិត្យរហូតដល់ថ្ងៃទី ១៤ បន្ទាប់ពីពួកគេមកដល់ ហើយក្នុងនោះមាន​ជិត ២០០ ​នាក់ ។

លោកស្រីវេជ្ជបណ្ឌិត Apisamai បាននិយាយថា បច្ចុប្បន្នវីរុសកូវីដបំប្លែងខ្លួន Omicron ត្រូវបានរកឃើញនៅក្នុងប្រទេសអាហ្វ្រិកចំនួន ៨ និងនៅអឺរ៉ុបដូចជា អ៊ីតាលី អាល្លឺម៉ង់ ហូឡង់ ចក្រភពអង់គ្លេស បែលហ្ស៊ិក សាធារណរដ្ឋឆេក និងដាណឺម៉ាក ។ ចំណែកអាស៊ីមានហុងកុង និងអ៊ីស្រាអែល រួមជាមួយនឹងប្រទេសអូស្ត្រាលី ។

ជាចុងក្រោយលោកស្រីបញ្ជាក់ថា ចាប់ពីថ្ងៃទី ១ ដល់ថ្ងៃទី ២៧ ខែវិច្ឆិកា មនុស្សចំនួន ១,០០៧ នាក់បានមកដល់ប្រទេសថៃពីអាហ្វ្រិកខាងត្បូង ហើយគ្មាននរណាម្នាក់បានធ្វើតេស្តវិជ្ជមានជំងឺកូវីដ ១៩ ឡើយ ក្នុងអំឡុងពេលធ្វើចត្តាឡីស័ក ៕

ប្រែសម្រួលដោយ ៖ ជីវ័ន្ត

ប្រភព ៖ Bangkok Post

ចុចអាន ៖ ថៃ ធ្វើតេស្តរក Omicron លើអ្នកដំណើរមកពីអាហ្វ្រិកខាងត្បូង ជាង១ពាន់នាក់ ពេលនេះចេញលទ្ធផលហើយ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៥០ នាទី មុន

ពលរដ្ឋ​មក​ទទួល​វ៉ាក់សាំង​ដូ​ស​ជំរុញ​ក្នុង​ខេត្តកោះកុង មិនទាន់​សម្រេច​ដល់​គោលដៅ​ចង់បាន​

ព័ត៌មានជាតិ១ ម៉ោង មុន

ត្រីភាគី​ដាក់​តួលេខ​ប្រាក់​ឈ្នួល​ចុងក្រោយ​ជូន​ក្រុមប្រឹក្សា​ជាតិ​ប្រាក់​ឈ្នួល​សម្រេច​នៅ​ថ្ងៃទី​២១​កញ្ញា​ខាងមុខ

វប្បធម៌ ជំនឿ២ ម៉ោង មុន

ពណ៌ផ្ទះហុងស៊ុយ​ ស្របតាមទិសទាំង ៨ ជួយទាក់ទាញសំណាងទ្វេដង

ព័ត៌មានជាតិ២ ម៉ោង មុន

សពលោក ប៊ូ ឡាំ អតីត​អ្នកតំណាងរាស្ត្រ​ខេត្ត​រតនគិរី​ បាន​ដឹក​ពី​ប្រទេសវៀតណាមមកដល់កម្ពុជាហើយ ដើម្បី​រៀប​ចំ​ធ្វើ​បុណ្យ​តាម​ប្រពៃណី

ព័ត៌មានជាតិ២ ម៉ោង មុន

រដ្ឋមន្ត្រី​ក្រសួងសាធារណការ​ ត្រៀម​ប្រើម៉ាស៊ីនទំនើប​ ដែល​អាច​ជំនួសមនុស្ស​ ក្នុងការចូលលូ​ លើកដំបូង​ក្នុង​ប្រទេស​កម្ពុជា

Sokha Hotels

ព័ត៌មានពេញនិយម