អ្នកចូលរួមក្នុងពិធីជប់លៀងបុណ្យណូអែលយ៉ាងតិច៥០នាក់ បានឆ្លងវីរុសកូវីដបំប្លែងខ្លួនប្រភេទថ្មី Omicron នៅក្នុងប្រទេសន័រវេស ដែលធ្វើឲ្យវាក្លាយជាការផ្ទុះវីរុសនេះ ធំបំផុតរបស់ពិភពលោក។

តាមសេចក្តីរាយការណ៍ បុគ្គលិកមកពីក្រុមហ៊ុនថាមពល Scatec បានចូលរួមព្រឹត្តិការណ៍នេះនៅថ្ងៃទី២៦ខែវិច្ឆិកាក្នុងទីក្រុង Oslo។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្មីៗនេះ បុគ្គលិកក្រុមហ៊ុន Scatec បានវិលត្រឡប់មកពីប្រទេសអាហ្វ្រិកខាងត្បូង ជាទីដែលមេរោគបំប្លែងខ្លួនដ៏កាចសាហាវ ត្រូវបានគេរកឃើញដំបូង មុនពេលចូលរួមកម្មវិធីទទួលទានអាហារនៅភោជនីយដ្ឋាន Louise Restaurant & Bar ក្នុងសង្កាត់ Aker Brygge កាលពីថ្ងៃសុក្រសប្តាហ៍មុន។

មនុស្ស៥០នាក់ បានធ្វើតេស្តវិជ្ជមានជាមួយនឹងការធ្វើតេស្ត PCR ខណៈ១០នាក់ ត្រូវធ្វើតេស្តរហ័សបន្ទាប់ពីពិធីជប់លៀង បើទោះបីជារហូតមកដល់ពេលនេះ គ្មាននរណាម្នាក់ត្រូវបានគេដឹងថាមានជំងឺធ្ងន់ធ្ងរក៏ដោយ។

ក្រុមហ៊ុន Scatec បានអះអាងថាមានតែនិយោជិតដែលទទួលវ៉ាក់សាំងប៉ុណ្ណោះ ដែលត្រូវបានអនុញ្ញាតឲ្យចូលរួមពិធីជប់លៀង ហើយពួកគេត្រូវការលទ្ធផលតេស្តអវិជ្ជមានជាមុន។

គួរបញ្ជាក់ថា ជាង៧១ភាគរយនៃចំនួនប្រជាជនន័រវេស បានទទួលវ៉ាក់សាំងពេញលេញ ខ្ពស់ជាងអង់គ្លេសដែលចាក់បាន៦៩ភាគរយ និងអាមេរិកដែលចាក់បាន៥៩ភាគរយ៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Daily Mail

ចុចអាន៖ អ្នកឈឺ Omicron អាចឆ្លងវីរុសនេះឡើងវិញខ្លាំងជាងអ្នកឆ្លងកូវីដ ២.៤ដង