ព័ត៌មានអន្ដរជាតិ
មកមើលវីដេអូ និងរូបភាពរន្ធត់ពីការផ្ទុះភ្នំភ្លើងនៅ ឥណ្ឌូណេស៊ី
មនុស្សចំនួន១៤នាក់បានស្លាប់ និងរាប់សិបនាក់ទៀតរងរបួសរលាក បន្ទាប់ពីការផ្ទុះភ្នំភ្លើង Semeru នៅលើកោះ ជ្វា របស់ប្រទេសឥណ្ឌូណេស៊ី កាលពីថ្ងៃអាទិត្យទី០៥ខែធ្នូ។
ការផ្ទុះនេះ បានជំរុញឲ្យមនុស្សរាប់ពាន់នាក់ភៀសខ្លួនចេញ និងបង្ខំឲ្យរាប់រយគ្រួសារ ចូលទៅស្នាក់នៅក្នុងជម្រកបណ្តោះអាសន្ន ខណៈអ្នកខ្លះនៅបន្តបាត់ខ្លួន។
ភូមិចំនួន១១នៃស្រុក Lumajang ក្នុងខេត្តជ្វាខាងកើត ត្រូវបានស្រោចស្រពដោយផេះភ្នំភ្លើង ដែលគ្របដណ្ដប់ផ្ទះសម្បែង យានជំនិះ និងហ្វូងសត្វពាហនៈ។
អ្នកនាំពាក្យទីភ្នាក់ងារកាត់បន្ថយគ្រោះមហន្តរាយជាតិ លោក Abdul Muhari បាននិយាយថា មនុស្សចំនួន៥៦នាក់ ត្រូវបានបញ្ជូនទៅមន្ទីរពេទ្យ ដែលភាគច្រើនមានរបួសរលាក។
ស្របពេលជាមួយគ្នានោះ លោកប្រធានាធិបតី Joko Widodo បានបញ្ជាឲ្យមានការឆ្លើយតបជាបន្ទាន់ ដើម្បីស្វែងរកជនរងគ្រោះ និងព្យាបាលអ្នករបួស បន្ទាប់ពីទំហំនៃគ្រោះមហន្តរាយនេះ ត្រូវបានលាតត្រដាងយ៉ាងច្បាស់។
លំហូរនៃឧស្ម័នក្តៅ និងកម្អែភ្នំភ្លើង បានធ្វើដំណើររហូតដល់ទៅ ៦.៨ ម៉ាយល៍ ទៅកាន់ទន្លេក្បែរនោះយ៉ាងហោចណាស់ពីរដងកាលពីថ្ងៃសៅរ៍ និង៣ដងនៅថ្ងៃនេះ។ នេះបើយោងតាមភ្នាក់ងារកាត់បន្ថយគ្រោះមហន្តរាយភ្នំភ្លើង និងភូគព្ភសាស្ត្ររបស់ប្រទេសឥណ្ឌូណេស៊ី។
អាជ្ញាធរបានព្រមានមនុស្សរាប់ពាន់នាក់ដែលភៀសខ្លួនចេញពីការផ្ទុះភ្នំភ្លើង មិនឲ្យវិលត្រឡប់មកវិញទោះបច្ចុប្បន្ន ភ្នំភ្លើងហាក់ស្ងប់ស្ងាត់ក៏ដោយ៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ Daily Mail
ចុចអាន៖ ភ្នំភ្លើង Sinabung ផ្ទុះខ្លាំងបំផុត បាញ់ផេះឡើងលើមេឃ កម្ពស់៥គីឡូម៉ែត្រ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង