ប្រុងប្រយ័ត្ន! ករណី Omicron ទី១របស់ថៃ គឺជាអ្នកដំណើរមកពី អឺរ៉ុប (មានវីដេអូ)
Connect with us
Helistar Cambodia - Helicopter Charter Services

ព័ត៌មានអន្ដរជាតិ

ប្រុងប្រយ័ត្ន! ករណី Omicron ទី១របស់ថៃ គឺជាអ្នកដំណើរមកពី អឺរ៉ុប (មានវីដេអូ)

បានផុស

នៅ

ប្រទេសថៃ បានរកឃើញករណីដំបូងនៃវីរុសបំប្លែងខ្លួន Omicron នៅក្នុងខ្លួនជនជាតិអាមេរិកម្នាក់ ដែលបានធ្វើដំណើរចូលប្រទេសនេះ ពីអេស្ប៉ាញកាលពីចុងខែមុន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Opas Karnkawinpong អគ្គនាយកនៃនាយកដ្ឋានគ្រប់គ្រងជំងឺឆ្លង បានប្រាប់សន្និសីទសារព័ត៌មានមួយថា ករណីនៅក្នុងខ្លួនបុរសដែលបានមកដល់កាលពីថ្ងៃទី២៩ខែវិច្ឆិកា បានធ្វើឲ្យថៃ ក្លាយជាប្រទេសទី៤៧ដែលរកឃើញវីរុសបំប្លែងខ្លួនថ្មីនេះ។

លោក Opas និយាយថា “ករណីដែលបានបញ្ជាក់ជាលើកដំបូងនៃវីរុស Omicron គឺជាបុរសអាយុ៣៥ឆ្នាំ ដែលជាពលរដ្ឋអាមេរិក រស់នៅក្នុងប្រទេសអេស្ប៉ាញអស់រយៈពេលមួយឆ្នាំមកហើយ។ ទោះបីជាយ៉ាងណាក៏ដោយ អ្នកជំងឺមានរោគសញ្ញាស្រាល”។

អាជ្ញាធរសុខាភិបាលថៃ កំពុងធ្វើតេស្ដបន្ថែមលើមនុស្សដែលបានទាក់ទងជាមួយបុរសម្នាក់នោះ ប៉ុន្តែលោកនិយាយថា រហូតមកដល់ពេលនេះ ទំនាក់ទំនងទាំងអស់មានហានិភ័យទាបណាស់។

ប្រទេសថៃ បានហាមប្រាមអ្នកធ្វើដំណើរមកពីប្រទេសអាហ្វ្រិកចំនួនប្រាំបី រួមមាន បុតស្វាណា, អេស្វាទីនី, ឡេសូតូ, ម៉ាឡាវី, ម៉ូសំប៊ិក, ណាមីប៊ី, អាហ្វ្រិកខាងត្បូង និង ស៊ីមបាវ៉េ កាលពីដើមខែធ្នូ ចំពេលមានការព្រួយបារម្ភអំពីវីរុសបំប្លែងខ្លួន Omicron។

លោក Opas និយាយថា អាជ្ញាធរក៏បានដាក់កំហិតការធ្វើដំណើរមកពីប្រទេសអាហ្វ្រិកផ្សេងទៀតផងដែរ និងកំពុងតាមដានករណីដែលអាចកើតមានបន្ថែមទៀតក្នុងចំណោមអ្នកដំណើរអន្តរជាតិ។

គួរបញ្ជាក់ថា ប្រទេសថៃបានរាយការណ៍ពីការឆ្លងថ្មីនៃវីរុសកូវីដ១៩ចំនួន ៤,០០០ ករណី និងស្លាប់ថ្មី ២២ នាក់នៅថ្ងៃចន្ទនេះ ដោយធ្វើឲ្យចំនួនឆ្លងសរុបកើនឡើងដល់ជាង ២.១ លានករណី និងស្លាប់ចំនួន ២០,៩៦៦ នាក់ ចាប់តាំងពីជំងឺរាតត្បាតផ្ទុះឡើងកាលពីឆ្នាំមុន។

ទិន្នន័យរបស់ក្រសួងសុខាភិបាលថៃ បានបង្ហាញថា ប្រជាជនជាង ៥៧% នៅក្នុងប្រទេសថៃ បានទទួលវ៉ាក់សាំងបង្ការជំងឺកូវីដ-១៩ ចំនួន២ដូស៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Reuters

ចុចអាន៖ ក្តៅៗ Omicron ចូលមកដល់ ថៃ ហើយ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ១៥ នាទី មុន

ទៀតហើយ! ជប៉ុន ជួបគ្រោះរញ្ជួយដីខ្លាំងក្លាកម្រិត ៦.៦ រ៉ិចទ័រ

ព័ត៌មានអន្ដរជាតិ៤៧ នាទី មុន

អ៊ុយក្រែន ធ្វើសមយុទ្ធយោធានៅក្បែរ តំបន់ គ្រីមៀ ខណៈភាពតានតឹងកាន់តែខ្លាំងជាមួយ រុស្ស៊ី

សុខភាព១ ម៉ោង មុន

ឆ្លងវីរុសកូវីដ-១៩ អាចបណ្ដាលឲ្យស្ត្រីពពោះ រលូតកូនឬអត់?​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

ព័ត៌មានអន្ដរជាតិ២ ម៉ោង មុន

ភ្នំភ្លើងក្រោមសមុទ្រ តុងហ្គា នៅតែសកម្ម ហើយអាចផ្ទុះម្ដងទៀត

ព័ត៌មានជាតិ៣ ម៉ោង មុន

​ស្នងការ៣ខេត្ត អំពាវនាវឱ្យរថយន្តពាក់ស្លាកលេខ ន.ប និងបិទស្លាកនគរបាលជាតិ មិនស្រប់ច្បាប់រួសរាន់ទៅបង់ពន្ធ

Sokha Hotels

ព័ត៌មានពេញនិយម

Helistar Cambodia - Helicopter Charter Services