Connect with us

ព័ត៌មានអន្ដរជាតិ

អ្នកឆ្លង Omicron ភាគច្រើននៅអាមេរិក គឺជាអ្នកចាក់វ៉ាក់សាំងគ្រប់ដូស

បានផុស

នៅ

ភាគច្រើននៃករណីវីរុសបំប្លែងខ្លួន Omicron ចំនួន៤៣ករណី ដែលត្រូវបានរកឃើញនៅសហរដ្ឋអាមេរិកគិតត្រឹមពេលនេះ គឺកើតលើអ្នកចាក់វ៉ាក់សាំងពេញលេញ ហើយមួយភាគបីនៃករណីទាំងនោះ គឺជាអ្នកទទួលបានដូសជំរុញ។ នេះបើយោងតាមរបាយការណ៍របស់សហរដ្ឋអាមេរិកដែលចេញផ្សាយកាលពីថ្ងៃសុក្រ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មជ្ឈមណ្ឌលគ្រប់គ្រង និងបង្ការជំងឺសហរដ្ឋអាមេរិក (CDC) បាននិយាយថា ក្នុងចំណោមករណីទាំង៤៣ ក្នុងនោះមានមនុស្ស៣៤នាក់បានចាក់វ៉ាក់សាំងពេញលេញ។ ១៤នាក់ក្នុងនោះ ក៏បានទទួលវ៉ាក់សាំងដូសជំរុញផងដែរ។

ថ្វីបើចំនួនមានតិចក៏ដោយ ប៉ុន្តែរឿងនេះបានបន្ថែមការព្រួយបារម្ភកាន់តែខ្លាំងឡើងថា វ៉ាក់សាំងបង្ការជំងឺកូវីដ១៩នាពេលបច្ចុប្បន្ន អាចផ្តល់ការការពារតិចជាងមុន ប្រឆាំងនឹងវីរុសបំប្លែងខ្លួនថ្មី។

គិតត្រឹមពេលនេះ វីរុសបំប្លែងខ្លួន Omicron ត្រូវបានរកឃើញតាមរយៈការធ្វើតេស្តនៅក្នុងរដ្ឋប្រហែល២២ បន្ទាប់ពីលេចចេញជាលើកដំបូងនៅអាហ្វ្រិកខាងត្បូង និងហុងកុងកាលពីចុងខែវិច្ឆិកា។

ក្នុងចំណោមករណី Omicron មាន២៥នាក់ជាមនុស្សដែលមានអាយុពី១៨ទៅ៣៩ឆ្នាំ និង១៤នាក់បានធ្វើដំណើរទៅក្រៅប្រទេស។ មនុស្ស៦នាក់ ធ្លាប់បានឆ្លងវីរុសកូវីដកាលពីមុន។

របាយការណ៍បាននិយាយថា ភាគច្រើននៃអ្នកជំងឺមានរោគសញ្ញាស្រាលៗដូចជា ក្អក តឹងច្រមុះ និងអស់កម្លាំង ហើយមានមនុស្សម្នាក់ត្រូវបានបញ្ជូនទៅមន្ទីរពេទ្យរយៈពេលពីរថ្ងៃ។ រោគសញ្ញាផ្សេងទៀតដែលមិនសូវជាញឹកញាប់ រួមទាំងចង្អោរ ឬក្អួត ដង្ហើមខ្លី ឬពិបាកដកដង្ហើម រាគ និងបាត់បង់រសជាតិ ឬក្លិន។

គួរបញ្ជាក់ថា ករណី Omicron ដំបូងគេរបស់សហរដ្ឋអាមេរិក ត្រូវបានរកឃើញនៅថ្ងៃទី១ ខែធ្នូក្នុងខ្លួនមនុស្សចាក់វ៉ាក់សាំងពេញលេញ ដែលបានធ្វើដំណើរទៅអាហ្វ្រិកខាងត្បូង៕

ប្រែសម្រួល៖ Vann Vann

ប្រភព៖ Reuters

ចុចអាន៖ ទីបំផុត សិង្ហបុរី មានអ្នកឆ្លង Omicron ក្នុងសហគមន៍ហើយ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា១៥ នាទី មុន

កម្ពុជា ឈ្នះមេដាយមាស ២គ្រឿងបន្ថែមថ្ងៃនេះ នៅស៊ីហ្គេម លើប្រភេទកីឡាវ៉ូវីណាម និងតេក្វាន់ដូ

ព័ត៌មានជាតិ៣៨ នាទី មុន

អភិបាលរាជធានី ស្នើបារាំងជួយកសាងស្ថានីយប្រតិកម្មទឹកកខ្វក់មួយកន្លែងទៀត

ចរាចរណ៍៤១ នាទី មុន

សមត្ថកិច្ច​ស្រុក​ពួក ឃាត់ខ្លួន​ម្ចាស់​គោយន្ត​ដឹក​ថ្ម​១​គ្រឿង​ករណី​បើក​បុក​រោង​ជួសជុល​ម៉ូតូ​បណ្តាល​ឲ្យ​បុរស​ម្នាក់​ស្លាប់

ព័ត៌មានជាតិ៥២ នាទី មុន

អភិបាល​រាជធានី ស្នើសុំ​ឲ្យ​បារាំង​ជួយ​កសាង​ស្ថានីយ​ប្រតិកម្ម​ទឹក​កខ្វក់​មួយកន្លែង​ទៀត នៅ​ខាងជើង​ឆៀង​ខាងលិច​រាជធានី​ភ្នំពេញ

ព័ត៌មានជាតិ១ ម៉ោង មុន

ពាក់កណ្តាល​ខែឧសភា​នេះ ក្រុមការងារ​មន្ទីរ​សាធារណការ ខេត្តព្រះ​វិហារ ចុះ​បិទ​ស្ទីក​ឃ័​រ​ចំណាំង​ផ្លាត​លើ​គោយន្ត​កន្ត្រៃ​យ៍​បាន​ជាង៥០​គ្រឿង

Sokha Hotels

ព័ត៌មានពេញនិយម