ព័ត៌មានអន្ដរជាតិ

មេ Pfizer ថា ត្រូវចាក់វ៉ាក់សាំងដូសទី៤ ចាំបាច់ដើម្បីប្រយុទ្ធជាមួយ Omicron

បានផុស

២ years មុន

នៅ

ថ្ងៃអាទិត្យ ១២ ធ្នូ ២០២១

ដោយ

មេក្រុមហ៊ុន Pfizer បានបញ្ជាក់ថា ការចាក់វ៉ាក់សាំងកូវីដដូសទីបួន នឹងត្រូវការជាចាំបាច់ដើម្បីដោះស្រាយជាមួយវីរុសបំប្លែងខ្លួន Omicron។

អស់រយៈពេលជាច្រើនសប្តាហ៍មកហើយ លោកវេជ្ជបណ្ឌិត Albert Bourla នាយកប្រតិបត្តិនៃក្រុមហ៊ុនឱសថយក្សមួយនេះ បានបញ្ចេញគំនិតនៃការចាក់វ៉ាក់សាំងដូសជំរុញប្រចាំឆ្នាំ សូម្បីតែមុនពេលមានការព្រួយបារម្ភខ្លាំងអំពីវីរុសបំប្លែងខ្លួនថ្មីនេះក៏ដោយ។

លោកវេជ្ជបណ្ឌិត Albert Bourla នាយកប្រតិបត្តិក្រុមហ៊ុន Pfizer

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ឥឡូវ នាយកប្រតិបត្តិ Pfizer អះអាងថា អ្នកដែលងាយរងគ្រោះ អាចត្រូវការដូសជំរុញពីរដងក្នុងឆ្នាំតែមួយ ដើម្បីការពារពួកគេប្រឆាំងនឹងវីរុសបំប្លែងខ្លួនដែលមានការវិវត្តខ្ពស់ ខណៈវីរុសនេះត្រូវបានគេគិតថា នឹងធ្វើឲ្យវ៉ាក់សាំងចុះខ្សោយប្រសិទ្ធភាពយ៉ាងខ្លាំងក្នុងការទប់ស្កាត់ការឆ្លងមេរោគ ជាពិសេសបើគ្រាន់តែចាក់ពីរដូស។

លោកវេជ្ជបណ្ឌិតបន្តថា វ៉ាក់សាំងបីដូសនឹងផ្តល់ការការពារយ៉ាងល្អប្រឆាំងនឹងកូវីដ ក្នុងរដូវរងានេះ ប៉ុន្តែអ្នកវិទ្យាសាស្ត្រមិនប្រាកដថា ភាពស៊ាំថយចុះលឿនប៉ុនណានោះទេ។

រឿងនេះកើតឡើងបន្ទាប់ពីក្រុមហ៊ុន Pfizer បានព្រមាននាពេលថ្មីៗថា ការចាក់វ៉ាក់សាំងរបស់ខ្លួនចំនួនពីរដូស នឹងមិនការពារការឆ្លងមេរោគ Omicron បានទេ ប៉ុន្តែនៅតែអាចផ្តល់ការការពារប្រឆាំងនឹងជំងឺធ្ងន់ធ្ងរបាន។ ក្រុមអ្នកវិទ្យាសាស្ត្រឯករាជ្យជឿថា វ៉ាក់សាំងផ្សេងទៀតក៏ដូចគ្នានេះដែរ។

ប៉ុន្តែការធ្វើតេស្តមន្ទីរពិសោធន៍បឋមបានបង្ហាញថា វ៉ាក់សាំង Pfizer ទីបីបានបង្កឲ្យមានការឆ្លើយតបអង់ទីគ័ររឹងមាំជាងមុនចំពោះវីរុសបំប្លែងខ្លួន Omicron៕

ប្រែសម្រួល៖ Vann Vann

ប្រភព៖ Daily Mail

ចុចអាន៖ អ្នកវិទ្យាសាស្រ្តបញ្ជាក់ហើយ វ៉ាក់សាំង៣ដូស ទើបអាចយកឈ្នះ Omicron បាន